Shilpa Shettyની પણ મુંબઈ પોલીસ કરી શકે છે પૂછપરછ, રાજ કુંદ્રાને 23 જુલાઈ સુધી કોર્ટે કસ્ટડીમાં મોકલ્યો

બોલીવુડ અભિનેત્રી શિલ્પા શેટ્ટી (Shilpa Shetty) હાલમાં હેડલાઈન્સનો એક ભાગ બની ગઈ છે. તેમના પતિ રાજ કુંદ્રા (Raj Kundra)ની સોમવારે મોડી રાત્રે મુંબઈ ક્રાઈમ બ્રાંચે ધરપકડ કરી હતી. રાજ પર અશ્લીલ ફિલ્મ્સ બનાવવાનો આરોપ છે. રાજને 23 જુલાઈ સુધી કોર્ટે કસ્ટડીમાં મોકલી આપ્યા છે. જો અહેવાલોનું માનવામાં આવે તો હવે મુંબઈ પોલીસ આ મામલે શિલ્પા શેટ્ટીની પૂછપરછ કરી શકે છે.

એક અહેવાલ મુજબ હવે રાજ કુંદ્રાની પત્ની શિલ્પા શેટ્ટીની પણ આ કેસમાં પૂછપરછ થઈ શકે છે. રિપોર્ટ અનુસાર મુંબઈ પોલીસ ટૂંક સમયમાં શિલ્પાને પૂછપરછ માટે સમન્સ મોકલી શકે છે. શિલ્પા શેટ્ટી પતિ રાજ કુંદ્રાના મોટાભાગના બિઝનેસમાં તેમની ભાગીદાર છે, જેના કારણે તેમની પૂછપરછ થઈ શકે છે.

Web Stories View more

આજનું રાશિફળ તારીખ 26-04-2024

લાલ ચોલી, હાથમાં ચૂડો, હેવી જ્વેલરી..લગ્નના લહેંગામાં પરી જેવી લાગી આરતી સિંહ

ડાઉન ટુ અર્થ છે અરિજીત સિંહ , જુઓ ફોટો

વિરાટ કોહલીએ ફટકારી અડધી સદી, છતાં આ મામલે કર્યા નિરાશ

જમતા પહેલા, જમતી વખતે કે જમ્યા બાદ જાણો ક્યારે ખાવું જોઈએ સલાડ?

Nita Ambani Tea Cup: 3 લાખના કપમાં ચા પીવે છે 'નીતા અંબાણી', જાણો તે કપ ક્યાં અને શેમાંથી બને છે?

રાજનો ફોન થયો સીઝ

સોમવારે રાજ કુંદ્રાની મુંબઈની ક્રાઇમ બ્રાંચ દ્વારા કેટલાક કલાકો સુધી પૂછપરછ કરવામાં આવી હતી. પૂછપરછ બાદ રાજની ધરપકડ કરવામાં આવી હતી. જે બાદ તેમને સવારે ચાર વાગ્યે મેડિકલ માટે જેજે હોસ્પિટલમાં લઈ જવામાં આવ્યા હતા. મેડિકલ બાદ રાજને મુંબઈ પોલીસ કમિશનરની ઓફિસે લઈ જવામાં આવ્યા હતા. મંગળવારે રાજને કોર્ટમાં હાજર કરવામાં આવ્યો.

તે પછી રાજ અને તેની કંપનીના આઈટી હેડ રાયન થોર્પેને 23 જુલાઈ સુધી કોર્ટે કસ્ટડીમાં મોકલી આપ્યો છે. જ્યાં તેમની વધુ તપાસ માટે પૂછપરછ કરવામાં આવશે. રાજ કુંદ્રાનો ફોન પણ કબજે કરાયો હતો. જેની તપાસ કરવામાં આવશે અને વધુ ઈલેક્ટ્રોનિક એવિડેન્સ જપ્ત કરવામાં આવ્યા છે.

અહેવાલ મુજબ રાજ કુંદ્રાએ પોર્ન ઈન્ડસ્ટ્રીમાં આશરે 8થી 10 કરોડનું રોકાણ કર્યું હતું. રાજ તેના ભાઈ સાથે મળીને આ બિઝનેસ કરતા હતા. તેમનો આ ભાઈ બ્રિટનમાં છે, જેની સાથે તેમણે એક કંપની બનાવી હતી. આ કંપનીનો બિઝનેસ ભારતથી થતો હતો. વીડિયો ભારતમાં શૂટ કરવામાં આવ્યા અને ત્યારબાદ વી ટ્રાન્સફર દ્વારા યુકેમાં સ્થાનાંતરિત કરવામાં આવ્યા હતા. રાજ કુંદ્રાના આઈટી હેડ રયાન થોર્પેને બધી ખબર હતી કે કેવી રીતે લિંક્સને મોકલવામાં આવી રહી છે, તેને આ આખા રેકેટની જાણકારી હતી.

વર્કફ્રન્ટની વાત કરવામાં આવે તો શિલ્પા શેટ્ટી 14 વર્ષ પછી ફિલ્મ હંગામા 2 સાથે બોલીવુડમાં પાછા ફરવા જઈ રહ્યા છે. આ ફિલ્મમાં તેમની સાથે પરેશ રાવલ, મીઝાન જાફરી અને પ્રણીતા સુભાષ મુખ્ય ભૂમિકામાં જોવા મળશે. આ ફિલ્મ 23 જુલાઈએ ડિઝની પ્લસ હોટસ્ટાર પર રીલિઝ થવા જઈ રહી છે. આ દિવસોમાં શિલ્પા તેમની ફિલ્મના પ્રમોશનમાં વ્યસ્ત હતી.

આ પણ વાંચો: 2900 કરોડની સંપત્તિના માલિક છે રાજ કુંદ્રા, જાણો કયા- ક્યા ક્ષેત્રમાં ફેલાયો છે કારોબાર