Singer KK Songs : પોતાના અવાજથી KKએ બધાને બનાવ્યા દિવાના, જાણો તેના ટોપ 10 ગીતો વિશે…
Singer KK Top 10 Songs : કોલકાતામાં એક કોન્સર્ટ બાદ સિંગર કેકેની (Singer KK) તબિયત અચાનક બગડી હતી અને તેઓ ભાંગી પડ્યા હતા. આ પછી તેને તાત્કાલિક નજીકની હોસ્પિટલમાં લઈ જવામાં આવ્યો. જ્યા તેમને મૃત જાહેર કરાયા હતા.
બોલિવૂડના પ્રખ્યાત સિંગર કેકેનું (Singer KK) હાર્ટ એટેકના કારણે નિધન થયું છે. તે કોલકાતામાં એક કાર્યક્રમમાં પરફોર્મ કરી રહ્યો હતો. પોતાના ગીતોથી કૃષ્ણકુમાર કુન્નાથ (Krishnakumar Kunnath) એટલે કે સિંગર કેકેએ દરેક ઉંમરના લોકોને પોતાના દિવાના બનાવી દીધા હતા. ભારતની રાજધાની દિલ્હીના દક્ષિણ-ભારતીય પરિવારમાં જન્મેલા કૃષ્ણકુમાર કુન્નાથે ક્યારેય કલ્પના પણ નહીં કરી હોય કે આવનારા સમયમાં તેમનું નામ ભારતના ટોચના ગાયકોમાં સામેલ થશે. આજે કોલકાતામાં એક કોન્સર્ટ દરમિયાન તેમની તબિયત લથડી હતી અને તેમને હોસ્પિટલમાં મૃત જાહેર કરવામાં આવ્યા હતા.
આવો એક નજર કરીએ આ પ્રખ્યાત ગાયકના કેટલાક યાદગાર ગીતો પર, જેમણે પોતાના અવાજથી આખા દેશને દિવાના બનાવી દીધા છે.
1. યારોં
આ ગીત કેકેના અત્યાર સુધીના સૌથી લોકપ્રિય ગીતોમાંનું એક છે. આ ગીતમાં કેકે મિત્રતાના બંધન અને આપણા જીવનમાં તેના મહત્વ વિશે જણાવી રહ્યા છે. આ ગીત તમામ યુવાનો માટે એક પ્રકારનું “યુવા ગીત” છે
2. તડપ તડપ કે (ફિલ્મ ‘હમ દિલ દે ચૂકે સનમ’)
ઐશ્વર્યા રાય અને સલમાન ખાન અભિનિત ફિલ્મ ‘તડપ તડપ’ના કેકે દ્વારા ગવાયેલું સૌથી યાદગાર ગીતોમાંનું એક છે. દેશના આ પ્રખ્યાત ગાયકે આ ગીત સુંદર રીતે ગાયું છે, તમને જણાવી દઈએ કે, આ ગીત સલમાન ખાન પર ફિલ્માવવામાં આવ્યું હતું અને તે ફિલ્મનું મુખ્ય આકર્ષણ બની ગયું હતું.
3. ખુદા જાને (ફિલ્મ “બચના એ હસીનો”)
કેકેના અવાજે ફિલ્મ “બચના એ હસીનો” ના “ખુદા જાને” ગીતને લોકોના દિલમાં તેમજ મ્યુઝિક ચાર્ટ પર નંબર વન બનાવ્યું. આ ગીત રણબીર કપૂર અને દીપિકા પાદુકોણ પર બનાવવામાં આવ્યું હતું.
4. જિંદગી દો પલ કી (ફિલ્મ પતંગ)
પતંગ ફિલ્મમાં હૃતિક રોશનની પતંગ ભલે ઉડાડી ન શકી હોય, પરંતુ હજુ પણ લોકોને આ ફિલ્મની ‘ઝિંદગી દો પલ કી’ ગમે છે. આ ગીત રિતિક અને બાર્બરા મોરી પર ચિત્રિત કરવામાં આવ્યું હતું. આ પહેલો ટાઈટલ ટ્રેક હતો જે સૌથી પહેલા રિલીઝ થયો હતો.
5. ઝરા સા (ફિલ્મ જન્નત)
2008માં કેકેએ રોમેન્ટિક ગીત “જરા સા” થી લોકપ્રિયતાના તમામ રેકોર્ડ તોડી નાખ્યા. જન્નત ફિલ્મના આ ગીતને 6 કરોડથી વધુ લોકોએ પસંદ કર્યું છે.
6 તુહી મેરી શબ હૈ (ફિલ્મ ગેંગસ્ટર)
7 આંખે મેં તેરી અજબ સી અજબ સી (ફિલ્મ ઓમ શાંતિ ઓમ)
8 તુ જો મિલા (બજરંગી ભાઈજાન)
9 આશાએં (ફિલ્મ ઈકબાલ)
