Bollywood Songs : ‘માતા ભી તૂ પિતા ભી તૂ’, ભાઈ-બહેનના સંબંધો પર બનેલા આ ગીતો સાંભળીને તમે પણ થશો Emotional
બોલિવૂડમાં (Bollywood) ભાઈ-બહેનના સંબંધો (Brother and Sister) પર ઘણા ગીતો બન્યા છે. આ સંબંધ જેટલા સુંદર છે એટલા જ સારા ગીતો હિન્દી સિનેમામાં બન્યા છે. તમે રક્ષાબંધનના અવસર પર તે ગીતો સાંભળી શકો છો.
આજે રક્ષાબંધનનો (Rakshabandhan) તહેવાર છે. જો કે, આ વખતે તેની ઉજવણી ક્યારે કરવી તે અંગે થોડી મૂંઝવણ છે. ઘણી જગ્યાએ આજે એટલે કે 11મી ઓગસ્ટે રક્ષાબંધન મનાવવામાં આવી રહ્યું છે, તો કેટલીક જગ્યાએ આવતીકાલે એટલે કે 12મી ઓગસ્ટે મનાવવામાં આવશે. આ દિવસે બહેન પોતાના ભાઈના (Brother and Sister) હાથમાં રાખડી બાંધે છે. આ તહેવાર સંપૂર્ણપણે ભાઈ અને બહેનને સમર્પિત છે. હિન્દી સિનેમામાં તહેવારો પર દરેક પ્રસંગે ગીતો બનાવવામાં આવે છે. રક્ષાબંધન પર બોલિવૂડમાં ઘણા ગીતો પણ બન્યા છે.
અહીં અમે તમને આવા જ કેટલાક ગીતો વિશે જણાવીશું, જે આજે તમે તમારી બહેનો સાથે સાંભળી શકો છો.
- બહના ને ભાઈ કી કલાઈ સે પ્યાર બાંધા હૈ… આ ગીત 1974માં આવેલી ફિલ્મ રેશમ કી ડોરીનું છે. આ ફિલ્મમાં ધર્મેન્દ્ર, સાયરા બાનુ અને કુમુદ છુગની હતા.
- ફૂલો કા તારો કા સબકા કહના હૈ… 1971માં આવેલું હરે રામા હરે કૃષ્ણનું આ ગીત ઘણું ફેમસ છે. આ ગીતો ભાઈ અને બહેનને લગતા કોઈપણ પ્રસંગે ચોક્કસ સાંભળવામાં આવે છે.
- મેરી રાખી કા મતલબ હૈ પ્યાર ભઈયા.. આ ગીત 1993માં આવેલી ફિલ્મ તિરંગાનું છે. તેને ખૂબ પસંદ પણ કરવામાં આવે છે. તે સંતોષ આનંદ દ્વારા લખવામાં આવ્યું હતું અને સાધના સરગમ દ્વારા ગાયું હતું.
- મેરી બહના દિવાની હૈ.. 1983માં અંધા કાનૂનનું આ ગીત કિશોર કુમાર અને આશા ભોંસલેએ ગાયું હતું. ફિલ્મમાં અમિતાભ બચ્ચન અને રજનીકાંત હતા.
- યહ રાખી કા બંધન હૈ કૈસા.. લતા મંગેશકરે 1972માં આ ગીત ગાયું હતું. આ ફિલ્મમાં મનોજ કુમાર અને રાખી હતા.
- માતા ભી તૂ પિતા ભી તૂ.. 1987માં આવેલ વતન કે રખવાલેનું આ ગીત ખૂબ જ ઈમોશનલ છે. આ ગીત મોહમ્મદ રફી અને અનુરાધા પૌડવાલે ગાયું હતું. આ ગીત લક્ષ્મીકાંત-પ્યારેલાલે લખ્યું હતું. ગીતમાં ધર્મેન્દ્ર છે.
- તેરે સાથ હૂં મેં.. રક્ષાબંધન ફિલ્મ આજે રિલીઝ થઈ રહી છે. તેમાં અક્ષય કુમાર છે. આ ફિલ્મ માત્ર ભાઈ અને બહેનના સંબંધો પર છે. તેનું ગીત તેરે સાથ હૂં મેં ભી ભાઈ-બહેનો પર છે.
- ધાગોં સે બંધા રક્ષાબંધનનું બીજું ગીત ભાઈ-બહેનના સંબંધો પર છે. આ ગીત અરિજીત સિંહ અને શ્રેયા ઘોષાલે ગાયું છે. ગીતના બોલ ઇર્શાદ કામીલે લખ્યા છે.
- બહનેં હંસતી હૈં તો… 1991માં પ્યાર કા દેવતાનું ગીત ભાઈ-બહેનના સંબંધોને સમર્પિત છે. આ ગીત અલકા યાજ્ઞિક અને મોહમ્મદ અઝીઝે ગાયું હતું.
- ભાઈ-બહન કા પ્યાર… 1991માં આવેલી ફિલ્મ ફરિશ્તેમાં ભાઈ-બહેન વિશે એક ગીત હતું. તેને મોહમ્મદ અઝીઝ, અમિત કુમાર અને અનુરાધા પૌડવાલે ગાયું હતું. ગીત આનંદ બક્ષીએ લખ્યું હતું. આ ગીતમાં ધર્મેન્દ્ર અને વિનોદ ખન્ના છે.