Hansal Mehta Wedding : 17 વર્ષના લિવ ઈન રિલેશનશીપ પછી હંસલ મહેતાએ કર્યા લગ્ન, જાણો કેમ લેવો પડ્યો નિણર્ય
ફિલ્મમેકર હંસલ મહેતા ( Hansal Mehta)એ 54 વર્ષની ઉંમરે લિવ ઈન પાર્ટનર સફીના હુસૈન ( Safeena Husain) સાથે કેલિફોર્નિયામાં લગ્ન કરી લીધા છે. સોશ્યલ મીડિયામાં ફોટોઝ વાયરલ થયા છે.
ઈન્સટાગ્રામ પર હંસલ મહેતાએ વાઈફ ( Hansal Mehta Wife) સફીના હુસૈન સાથેના ખુબસુરત ફોટોઝ શેર કરીને લખ્યું કે, 17 વર્ષમાં અમારા બન્ને બાળકોને મોટા થતા જોયા છે. અમે અમારા સપનાઓ પૂરા કર્યા છે. હવે અમે લગ્નનો નિર્ણય કર્યો છે. જીવનમાં હંમેશાની જેમ આ પણ અનપ્લાન્ડ હતું. પણ અમારા વચનો હંમેશા સાચા હતા. આ નાનકડા સમારોહ વિશે અમને જણાવવામાં નહોતું આવ્યું. અંતે તેમણે લખ્યું કે – છેલ્લે પ્રેમ જ બધા પર હાવી થઈ જાય છે. પોતાના બાળકોને મોટા થતા જોઈ અને પોતાના સપનાઓને પૂરા કરવા તેમણે લગ્નનો નિર્ણય કર્યો. અને તેઓ 7 જન્મના બંધનમાં બધાઈ ગયા.
View this post on Instagram
ફોટોઝમાં હંસલ મહેતા બ્લેઝર અને ટી-શર્ટમાં અને સફીના ગુલાબી સલવાર સૂટમાં દેખાઈ રહ્યા છે. તેઓ પોતાના પરિવાર સાથે ફોટોઝમાં ખુશ દેખાઈ રહ્યા છે.
બોલિવુડે આપી શુભકામનાઓ
હંસલ મહેતાની આ પોસ્ટ પર પ્રતિક ગાંધી, રાજકુમાર રાવ, હુમા કુરેશી, અનુભવ સિંહા, કરિશમા તન્ના, મનોજ વાજપેયી અને એકતા કપૂર સહિતના તમામ બોલિવુડ સ્ટારર્સે આ કપલને લગ્ન અને આગળના જીવન માટે ઘણી બધી શુભકામનાઓ આપી.
હંસલ મહેતા અને તેમનો પરિવાર
હંસલ મહેતાએ પોતાના કરિયરની શરુઆત ટીવી કૂકિંગ શો ‘ખાના ખજાના’ થી કરી હતી. ત્યારબાદ તેમણે હાઈવે, યાદે, લક્ષ્ય જેવી ફિલ્મો બનાવી. તેમની વેબ સીરીઝ ‘સ્કેમ 1992’ ( Scam 1992) ની ખુબ પ્રશંસા થઈ હતી. હંસલ મેહતાના આ બીજા લગ્ન છે. તેમની પૂર્વ પત્ની સુનીતા મહેતા સાથે વર્ષો પહેલા છુટાછેડા થયા હતા. તેમના 2 દીકરાઓ પણ છે. હંસલ મહેતા અને સફીના હુસૈનને 2 દીકરીઓ છે.
Latest News Updates
