OTT Release : એક વિલન રિટર્ન્સ, ગુડ લક જેરીથી લઈને રંગબાઝ-3 સુધી, આ ફિલ્મ અને વેબ સિરીઝ આજે થિયેટરો અને OTT પર થશે રિલીઝ

29 જુલાઈ, 2022ના રોજ થિયેટરથી લઈને OTT પ્લેટફોર્મ પર ઘણી મોટી ફિલ્મો રિલીઝ થઈ રહી છે. જ્યારે એક વિલન રિટર્ન્સ થિયેટરોમાં રિલીઝ થઈ રહી છે, ત્યારે ગુડ લક જેરી, મસાબા મસાબા 2 અને રંગબાઝ 3 OTT પર રિલીઝ (OTT Release) થઈ રહી છે.

OTT Release : એક વિલન રિટર્ન્સ, ગુડ લક જેરીથી લઈને રંગબાઝ-3 સુધી, આ ફિલ્મ અને વેબ સિરીઝ આજે થિયેટરો અને OTT પર થશે રિલીઝ
29 july release
TV9 GUJARATI

| Edited By: Meera Kansagara

Jul 29, 2022 | 9:45 AM

આજે એટલે કે 29 જુલાઈએ મોટા પડદાની સાથે-સાથે OTT પર પણ ફિલ્મો અને વેબ સિરીઝ રિલીઝ થઈ રહી છે. તેના પરથી કહી શકાય કે આગામી કેટલાક દિવસો દર્શકો માટે મનોરંજનથી ભરપૂર રહેવાના છે. તેઓ થિયેટરોમાં તેમજ ઘરે બેઠા પણ નવી ફિલ્મો અને વેબ સિરીઝ જોઈ શકે છે. અહીં અમે તમને જણાવીશું કે, કઈ ફિલ્મ સિનેમાઘરોમાં રિલીઝ થઈ રહી છે અને ક્યા OTT પ્લેટફોર્મ (OTT platform) પર આજે રિલિઝ થઈ (OTT Release) રહી છે.

  1. એક વિલન રિટર્ન્સ – સિદ્ધાર્થ મલ્હોત્રા, શ્રદ્ધા કપૂર અને રિતેશ દેશમુખ અભિનીત 2014ની એક વિલનની સિક્વલ એક વિલન રિટર્ન્સ, આજે સિનેમાઘરોમાં રિલીઝ થઈ રહી છે. આ ફિલ્મમાં અર્જુન કપૂર, જોન અબ્રાહમ, દિશા પટણી અને તારા સુતારિયા છે. આ ફિલ્મનું નિર્દેશન મોહિત સૂરીએ કર્યું છે. હવે જોવાનું એ રહેશે કે આ ફિલ્મ બોક્સ ઓફિસ પર પોતાની અસર બતાવી શકે છે કે નહીં. ફિલ્મના સ્ટાર્સે ખૂબ જ પ્રમોશન કર્યું છે.
  2. ગુડ લક જેરી – જાન્હવી કપૂરની ગુડ લક જેરી OTT પર રિલીઝ થઈ રહી છે. આ ફિલ્મ ડિઝની પ્લસ હોટસ્ટાર પર જોઈ શકાય છે. ફિલ્મના દિગ્દર્શક સિદ્ધાર્થ સેન છે. આ ફિલ્મમાં જાન્હવી એકદમ અલગ પાત્રમાં જોવા મળશે. હવે જોવાનું એ રહેશે કે લોકોને તે પસંદ આવે છે કે નહીં. જાહ્નવીને આ ફિલ્મથી ઘણી આશાઓ છે.
  3. મસાબા મસાબા સીઝન-2 – વેબ સિરીઝ મસાબા મસાબાની સીઝન-2 આજે નેટફ્લિક્સ પર રિલીઝ થઈ રહી છે. તેની પ્રથમ સિઝન લોકોને ખૂબ પસંદ આવી હતી. તેમાં નીના ગુપ્તા અને મસાબા ગુપ્તાની માતા-પુત્રીની જોડી છે. તે સોનમ નાયર દ્વારા નિર્દેશિત છે.
  4. રંગબાઝ-3 – વેબ સિરીઝ રંગબાઝ-3 આજથી Zee5 પર પણ ઉપલબ્ધ થશે. આ ડ્રામામાં રાજકારણ, ભ્રષ્ટાચાર, ગુનાખોરી અને સત્તાની રમત જોવા મળશે. વિનીત કુમાર સિંહ હારૂન શાહ અલી બેગના રોલમાં જોવા મળશે. તેની પ્રથમ 2 સિઝન ખૂબ પસંદ કરવામાં આવી હતી અને ચર્ચામાં પણ રહી હતી.
  5. 777 ચાર્લી – રક્ષિત શેટ્ટી, સંગીતા શૃંગેરી, રાજ બી શેટ્ટી, બોબી સિમ્હા અને ડેનિશ સૈત અભિનીત 777 એ ચાર્લી સાઉથની સૌથી પ્રિય ફિલ્મોમાંની એક છે. કન્નડ ભાષાની આ ફિલ્મ એક એડવેન્ચર કોમેડી-ડ્રામા છે. તેણે બોક્સ ઓફિસ પર રૂપિયા 100 કરોડથી વધુની કમાણી કરી હતી અને રૂપિયા 20 કરોડના બજેટમાં બનાવવામાં આવી હતી.

Follow us on

Related Stories

Most Read Stories

Click on your DTH Provider to Add TV9 Gujarati