Breaking News : 15 વર્ષ પછી એકતા કપૂરે ‘ધ ડર્ટી પિક્ચર 2’ ની સિક્વલની જાહેરાત કરી

Ekta Kapoor On The Dirty Picture 2 : વર્ષ 2011માં આવેલી વિદ્યા બાલન,ઈમરાન હાશ્મી,તુષાર કપુર અને નસીરુદ્દીન શાહ સ્ટાર ફિલ્મ ધ ડર્ટી પિક્ચર બોક્સ ઓફિસ પર હિટ રહી હતી.વિદ્યા બાલને જેમણે સાઉથ સિનેમાની અભિનેત્રી સિલ્ક સ્મિતાના લીડ રોલમાં હતી. હવે પ્રોડ્યુસર એકતા કપૂરે જાણકારી આપી છે કે, તે આ ફિલ્મની સીકવલ બનાવવા જઈ રહી છે. તેની પાસે ધ ડર્ટી પિક્ચર 2 માટે નવી સ્ટોરી પણ છે.

એકતા કપૂરે હાલમાં યુટ્યુબર રણવીર અલ્હાબાદિયાની સાથે વાતચીતમાં ધ ડર્ટી પિકચર 2ની જાણકારી આપી હતી. એકતા કપૂરે કહ્યું હું એક મોટી ફિલ્મ બનાવી રહી છું. જેનું નામ ધ ડર્ટી પિક્ચર 2 છે.હું આના પહેલા પાર્ટના 15 વર્ષ પછી બનાવવાનો પ્લાન કરી રહી છું. આ વખતે મને લાગે છે કે, મારી પાસે એક એવી સ્ટોરી છે. જેને હું બતાવવા માંગું છે.

નવી સ્ટોરી, નવી કાસ્ટ

ધ ડર્ટી પિક્ચરના પહેલા પાર્ટમાં સિલ્ક સ્મિતાની સ્ટોરી હતી. પરંતુ હવે એકતા કપૂર એક નવી સ્ટોરી સાથે સીકવલ ફિલ્મ લઈ આવી રહી છે. ત્યારે સ્ટારકાસ્ટમાં પણ ફેરફાર જોવા મળી શકે છે. ગત્ત વખતે વિદ્યા બાલને લીડ રોલ પ્લે કર્યો હતો. હવે જોવાનું રહેશે કે, આ વખતે એકતા કપૂરની ફિલ્મમાં કોણ કોણ સ્ટાર જોવા મળી શકે છે. એકતા કપૂરે માત્ર સીકવલની જાહેરાત કરી નથી. તેમણે પ્રોજેક્ટ વિશે વધારે કાંઈ જણાવ્યું નથી.

ધ ડર્ટી પિક્ચરને ડાયરેક્ટ કરી હતી મિલન લુથરિયાએ. ફિલ્મે બજેટથી અંદાજે 4 ગણી વધારે કમાણી કરી હતી. સૈકનિલ્કના રિપોર્ટ મુજબ મેકર્સે 28 કરોડના રુપિયાના ખર્ચે આ ફિલ્મ બનાવી હતી. વર્લ્ડવાઈડ બોક્સ ઓફિસ પર ફિલ્મે 116.55 કરોડ રુપિયાનું ગ્રોલ કલેક્શન કર્યું હતુ.

એકતા કપૂરની મહેનત

એક વાતચીત દરમિયાન, એકતા કપૂરે એ દિવસો વિશે વાત કરી જ્યારે તે માત્ર 17 વર્ષની હતી અને પોતાની કારકિર્દી બનાવવા માટે સખત મહેનત કરતી હતી. તેના શો વિશે વાત કરતા, એકતા કપૂરે કહ્યું, “હું મારા શોના દરેક એપિસોડ જોતી હતી. એક સમય હતો જ્યારે હું છ મહિના સુધી ઘરે જતી નહોતી, ભલે મારું ઘર ઓફિસથી માત્ર 10 મિનિટના અંતરે હોય. કોઈને આ વિશે ખબર નહોતી.

વિદ્યા બાલને ટીવી સિરીયલથી કર્યું હતું ડેબ્યુ,આવો છે મંજુલિકાનો પરિવાર અહી ક્લિક કરો