કેવું રહેશે દીકરી રાશાનું કરિયર? ડેબ્યૂ પહેલા રવીના ટંડને ખોલ્યું રહસ્ય
રવીના ટંડનની પુત્રી ટૂંક સમયમાં જ ફિલ્મ ઈન્ડસ્ટ્રીમાં એન્ટ્રી કરવા જઈ રહી છે. તેની ડેબ્યૂ ફિલ્મની ચર્ચા અવારનવાર થતી હોય છે. તે પહેલા રવીનાએ રાશાને કેટલીક ખાસ સલાહ આપી છે, જે તેના માટે મદદરૂપ સાબિત થઈ શકે છે. તો તમને જણાવી દઈએ કે રવીનાએ તેની દીકરીને શું કહ્યું.
બોલિવુડ એક્ટ્રેસ રવીના ટંડનની દીકરી રાશા થડાની અવારનવાર સોશિયલ મીડિયા પર ચર્ચામાં રહે છે. માતા-પુત્રીની એક સાથે તસવીરો સામે આવતી રહે છે. રવીના છેલ્લા 31 વર્ષથી બોલિવુડમાં કામ કરી રહી છે અને ઈન્ડસ્ટ્રીમાં તેણે મોટું સ્થાન હાંસલ કર્યું છે. હવે તેના દરેક ફેન્સ તેની પુત્રીની ફિલ્મોમાં એન્ટ્રી કરવાની રાહ જોઈ રહ્યા છે. રાશાની ફિલ્મોમાં એન્ટ્રીને લઈને ઘણા સમયથી ચર્ચા ચાલી રહી છે. રવીનાએ પોતાના ડેબ્યૂ પહેલા દીકરીને કેટલીક ખાસ સલાહ આપી છે.
હાલમાં જ એક ઈન્ટરવ્યુમાં રવીનાએ જણાવ્યું હતું કે તેણે રાશાને સલાહ આપી છે કે ઓડિયન્સ જ કિંગ છે, કન્ટેન્ટ કિંગ છે અને તે દર્શકો જ નક્કી કરશે કે તમે અહીં રહેવા માટે છો કે પછી પેકઅપ કરવાનો સમય આવી ગયો છે. તમારે સખત મહેનત કરવી પડશે, તમારે સક્ષમ બનવું પડશે, તમે જે કરી રહ્યાં છો તેના વિશે તમારે પ્રમાણિક બનવું પડશે. બાકીનો ભાગ પણ અમુક અંશે નસીબ પર આધાર રાખે છે.
રાશા રામ ચરણ સાથે ડેબ્યૂ કરશે?
થોડા સમય પહેલા એવા સમાચાર સામે આવ્યા હતા કે રાશા બોલિવુડ દ્વારા નહીં, પરંતુ સાઉથ સિનેમા દ્વારા ફિલ્મોમાં એન્ટ્રી કરશે. એવું કહેવામાં આવી રહ્યું છે કે તે રામ ચરણની સામે જોવા મળી શકે છે. આ સિવાય એક રિપોર્ટમાં એવું પણ કહેવામાં આવ્યું હતું કે તે અભિષેક કપૂરના નિર્દેશનમાં બની રહેલી એક્શન ફિલ્મ દ્વારા ડેબ્યૂ કરશે. રિપોર્ટ મુજબ આ ફિલ્મમાં તેની સાથે અજય દેવગનનો ભત્રીજો અમન દેવગન જોવા મળશે. પરંતુ હજુ સુધી આને લઈને ઓફિશિયલ કોઈ માહિતી સામે આવી નથી.
રાશા સોશિયલ મીડિયાની દુનિયામાં ખૂબ જ પોપ્યુલર છે. તેણે હજી સુધી ઈન્ડસ્ટ્રીમાં એન્ટ્રી કરી નથી અને તેણે એક મજબૂત ફેન ફોલોઈંગ મેળવ્યું છે અને તે ઘણીવાર લાઈમલાઈટનો ભાગ બને છે. ઈન્સ્ટાગ્રામ પર 10 લાખથી વધુ લોકો તેને ફોલો કરે છે.
આ પણ વાંચો: હિના ખાન બની દેશી ગર્લ, ક્લાસી સ્ટાઈલથી ઈમ્પ્રેસ થયા ફેન્સ, જુઓ તસવીરો
એન્ટરટેઇન્મેન્ટના તમામ સમાચાર વાંચવા માટે અહીં ક્લિક કરો
Latest News Updates
