Cannes Film Festival માં ડેબ્યૂ કરશે અનુષ્કા શર્મા, ફ્રેંચ એમ્બેસેડરે આપ્યા ગુડ ન્યૂઝ

Anushka Sharma Cannes Debut : બોલિવૂડ અભિનેત્રી અનુષ્કા શર્મા આજકાલ ફિલ્મોમાં ઓછી અને ક્રિકેટ સ્ટેડિયમમાં વધુ જોવા મળે છે. અભિનેત્રી તેના પતિ વિરાટ કોહલી અને તેની ટીમને સપોર્ટ કરવા માટે દરરોજ સ્ટેડિયમમાં હાજર રહે છે. આ દરમિયાન અનુષ્કાના ફેન્સ માટે એક સારા સમાચાર સામે આવ્યા છે. અનુષ્કા શર્મા પણ આ વર્ષે કાન્સ ફિલ્મ ફેસ્ટિવલમાં ધૂમ મચાવશે.

આ પણ વાંચો : Cannes ઈતિહાસમાં ગુજરાતનો ડંકો ,ગુજરાતી ફિલ્મ અભિનેત્રી કોમલ ઠક્કરે રેડ કાર્પેટ પર વૉક કરી ગુજરાતનું વધાર્યું ગૌરવ

કાન્સ ફિલ્મ ફેસ્ટિવલ મનોરંજનની દુનિયા સાથે જોડાયેલા સ્ટાર્સ માટે એક મોટી ઇવેન્ટ છે. દરેકની નજર આ મોટી ઘટના પર છે. કાન્સની રેડ કાર્પેટ પર સુંદરીઓનું ગ્લેમર જોવા મળી રહ્યું છે. એકથી વધુ આઉટફિટ સાથે અભિનેત્રીઓએ રેડ કાર્પેટ પર પોતાનો ચાર્મ ફેલાવ્યો હતો. અનુષ્કા શર્મા આ મહિનાના અંતમાં ફ્રેન્ચ રિવેરા માટે જવાની છે. અનુષ્કા કાન્સ ફિલ્મ ફેસ્ટિવલમાં ડેબ્યૂ કરવાની છે.

A pleasure meeting @imVkohli and @AnushkaSharma!

I wished Virat & #TeamIndia all the best for the upcoming tournaments, and discussed Anushka’s trip to #CannesFilmFestival.🏏 🎞️ pic.twitter.com/ex5zfzo1oZ

— Emmanuel Lenain (@E_Lenain) May 4, 2023

ફ્રાંસના રાજદૂત ઈમેન્યુઅલ લેનેને આપી માહિતી

અનુષ્કા ઓસ્કાર વિજેતા કેટ વિન્સલેટ સાથે સિનેમામાં મહિલાઓને સન્માનિત કરવાના કાર્યક્રમમાં ભાગ લેશે. આ માહિતી ભારતમાં ફ્રાંસના રાજદૂત ઈમેન્યુઅલ લેનેને આપી છે. તે કહે છે કે તે સફર પહેલા અનુષ્કા અને વિરાટને મળ્યો હતો. રાજદૂતે ટ્વીટર પર લખ્યું, વિરાટ કોહલી અને અનુષ્કા શર્માને મળીને આનંદ થયો. મેં વિરાટ અને #TeamIndia ને આવનારી ટુર્નામેન્ટ માટે શુભેચ્છા પાઠવી હતી અને અનુષ્કાની #CannesFilmFestival ની સફર વિશે ચર્ચા કરી હતી.

View this post on Instagram

A post shared by AnushkaSharma1588 (@anushkasharma)

આ કેપ્શન સાથે ઈમેન્યુઅલ લેનેને વિરાટ અને અનુષ્કા સાથેની એક તસવીર પણ શેર કરી છે. આ સમાચાર સામે આવ્યા બાદ સોશિયલ મીડિયા યુઝર્સ કમેન્ટ દ્વારા પોતાની ખુશી વ્યક્ત કરી રહ્યા છે. આ સારા સમાચાર માટે ઈમેન્યુઅલ લેનૈનનો પણ આભાર માન્યો. તમને જણાવી દઈએ કે, 76મો કાન્સ ફિલ્મ ફેસ્ટિવલ 16 મે થી 27 મે, 2023 દરમિયાન યોજાશે. અગાઉ પણ શર્મિલા ટાગોર, ઐશ્વર્યા રાય, વિદ્યા બાલન અને દીપિકા પાદુકોણ જેવી અભિનેત્રીઓ ફ્રેન્ચ ફેસ્ટિવલ માટે જ્યુરીમાં જોડાઈ છે.

મનોરંજન જગતના તાજા સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર

ગુજરાતી સિનેમા, ટેલિવિઝન, બોલિવૂડ, મૂવી રિવ્યુ, વેબ સિરીઝ સાથે જોડાયેલા તમામ સમાચાર જાણવા માટે જોડાયેલા રહો…