બીમાર ફેનની વરુણ ધવને મદદ કરી અને પાણી પીવડાવ્યું, વીડિયો થયો વાયરલ
સોશિયલ મીડિયા પર વરુણ ધવનનો (Varun Dhawan) એક વીડિયો વાયરલ થઈ રહ્યો છે, જેમાં તે એક બીમાર ફેનની મદદ કરતો જોવા મળી રહ્યો છે.
ફિલ્મ એક્ટર વરુણ ધવન અને કૃતિ સેનન હાલમાં તેમની અપકમિંગ ફિલ્મ ભેડિયાના પ્રમોશનમાં વ્યસ્ત છે. બંને સ્ટાર્સ જયપુર પહોંચ્યા હતા અને ફિલ્મનું પ્રમોશન કર્યું હતું. આ દરમિયાન એક ઈવેન્ટમાં પહોંચેલી એક છોકરી બીમાર પડી અને સ્ટેજ પાસે પડી ગઈ. વરુણ ધવન પોતાની ફેનને બીમાર જોઈને તરત જ સ્ટેજ પરથી નીચે ઉતરી ગયો અને તેની મદદ કરી. આ સમગ્ર ઘટનાનો વીડિયો સોશિયલ મીડિયા પર વાયરલ થયો છે.
વરુણ ધવનના એક ફેન પેજે ટ્વિટર પર આ વીડિયો શેયર કર્યો છે. વીડિયોમાં વરુણ ધવન બીમાર છોકરીની પાસે બેઠો છે અને તેને પાણી પીવડાવતો જોવા મળી રહ્યો છે. આ દરમિયાન ત્યાં ભારે ભીડ જોવા મળે છે. એક્ટ્રેસ કૃતિ સેનન અન્ય ઘણા લોકો સાથે સ્ટેજ પર ઉભી જોવા મળે છે. એવું કહેવામાં આવી રહ્યું છે કે કોલેજની એક ઈવેન્ટ દરમિયાન છોકરીની તબિયત અચાનક બગડી ગઈ, જેના પછી વરુણે પોતે જ તેની મદદ કરી.
A fan fell sick, during the college event yesterday and varun taking care of that girl🥺#VarunDhawan #KritiSanon #Bhediya pic.twitter.com/mUHaHiXLr3
— annesha.🐺 (@ApnaaVarun) November 13, 2022
વરુણ ધવને શેયર કર્યો છે જયપુરનો વીડિયો
શનિવારે વરુણ ધવન અને કૃતિ સેનન જયપુર પહોંચ્યા હતા. એક કોલેજમાં તેમને ફિલ્મનું પ્રમોશન કર્યું હતું. આ દરમિયાન હજારો લોકો ત્યાં હાજર હતા. વરુણે જયપુરનો આભાર માન્યો હતો. ઈન્સ્ટાગ્રામ પર વીડિયો શેયર કરતા તેણે લખ્યું, “જયપુરે પોતાનો બનાવી લીધો. 25 એ ભેડિયા.” વીડિયોમાં વરુણ સ્ટેજ પર કૃતિ સાથે ડાન્સ કરતો જોવા મળી રહ્યો છે.
View this post on Instagram
અમર કૌશિકે કર્યું છે નિર્દેશન
ભેડિયાનું ટ્રેલર લોકોને પસંદ આવ્યું છે. આ એક હોરર-કોમેડી ફિલ્મ હશે. આ ફિલ્મનું નિર્દેશન અમર કૌશિકે કર્યું છે અને દિનેશ વિજને પ્રોડ્યુસ કરી છે. આ પહેલા અમર કૌશિકે શ્રદ્ધા કપૂર અને રાજ કુમાર રાવ સ્ટારર ફિલ્મ સ્ત્રીનું નિર્દેશન કર્યું હતું. આ ફિલ્મ બોક્સ ઓફિસ પર સારો બિઝનેસ કરવામાં સફળ રહી હતી. દર્શકોને પણ આ ફિલ્મ ઘણી પસંદ આવી હતી.
ભેડિયામાં વરુણ અને કૃતિ સિવાય દીપક ડોબરિયાલ, અભિનય રાજ અને ભાવેશ લોહાર જેવા કલાકારો પણ જોવા મળશે. આ ફિલ્મ 25 નવેમ્બરે થિયેટરોમાં રિલીઝ થશે. વરુણ ધવન છેલ્લે ફિલ્મ જુગ જુગ જિયોમાં જોવા મળ્યો હતો અને કૃતિ સેનન હીરોપંતી 2માં જોવા મળી હતી.