Sunny Deol Bungalow: હાલમાં બોલિવૂડ સુપરસ્ટાર સની દેઓલની ખુશીનું કોઈ સ્થાન નથી. સનીની ફિલ્મ ગદર 2 સિનેમાઘરોમાં બમ્પર કમાણી કરી રહી છે. આ ફિલ્મે અત્યાર સુધીમાં 336 કરોડથી વધુનો બિઝનેસ કર્યો છે. માત્ર તારા સિંહ અને સકીનાની લવસ્ટોરીની જ બધે ચર્ચા થઈ રહી છે. એક તરફ એવા સમાચાર પણ સામે આવી રહ્યા છે કે સની દેઓલ (Sunny Deol) આર્થિક સંકટનો સામનો કરી રહ્યો છે.
પ્રાપ્ત માહિતી અનુસાર, બેંક ઓફ બરોડા દ્વારા પ્રકાશિત એક નોટિસમાં કહેવામાં આવ્યું છે કે, મુંબઈના જુહુ વિસ્તારમાં સ્થિત સની ઘરની બાકી રકમની ચુકવણી ન કરવા પર ઈ-ઓક્શન કરવામાં આવશે. એટલે કે સ્પષ્ટ શબ્દોમાં કહીએ તો સની દેઓલ પર ઘણું મોટું દેવું છે. તે ચૂકવી ન શકવાને કારણે હવે તેમની મોટી સંપત્તિની હરાજી થવાની છે. આટલું જ નહીં બેંકે બંગલાની હરાજી માટે એક જાહેરાત પણ પ્રકાશિત કરી છે.
આ પણ વાંચો : Gadar 2 Collection: ‘ગદર 2’એ ફરી સ્પીડ પકડી, 9માં દિવસે છપ્પડફાડ કમાણી કરી
જો આખા મામલાની વાત કરીએ તો સની દેઓલે પોતાના સની વિલા નામના બંગલા પર ઘણી મોટી રકમની લોન લીધી હતી. આ બંગલો પાછો મેળવવા માટે સનીએ 56 કરોડ રૂપિયા ચૂકવવા પડ્યા હતા. પરંતુ હજુ સુધી સની દેઓલે આ રકમ બેંકને પરત કરી નથી. જેના કારણે હવે તેની હરાજી કરવા માટે નોટિસ આપવામાં આવી છે. હવે બેંકે લોન અને વ્યાજની વસૂલાત માટે આ પગલું ભર્યું છે. 25 સપ્ટેમ્બરે આ બંગલાની હરાજી થશે.
જો કે આ સમાચાર પર હજુ સુધી સની દેઓલ તરફથી કોઈ પ્રતિક્રિયા સામે આવી નથી. ગદર 2 ની વાત કરીએ તો, સની દેઓલને તેની કારકિર્દીની અત્યાર સુધીની સૌથી હિટ ફિલ્મ મળી છે. ગદર 2ના તોફાન સામે OMG 2 પણ પાછળ રહી ગયું છે. ફિલ્મની સફળતાથી સની દેઓલ ઘણો ખુશ છે. મેકર્સ પણ ફિલ્મની જબરદસ્ત કમાણી જોઈને ખુશ નથી.