આલિયાના ગાઉનની કિંમત બરાબર બે iPhone 14 ની ખરીદી ! ના વિશ્વાસ આવતો હોય તો વાંચો આ સ્ટોરી
આલિયા ભટ્ટ હાલમાં જ ઝી સિને એવોર્ડ્સમાં પહોંચી હતી, જ્યાં તે સુંદર ગ્રીન ગાઉનમાં જોવા મળી હતી. હવે તે ગાઉનની કિંમતનો ખુલાસો થયો છે.
આલિયા ભટ્ટ છેલ્લા કેટલાક દિવસોથી ચર્ચામાં છે. પહેલા તેની પ્રાઈવસીનો મામલો હેડલાઈન્સમાં હતો અને હવે તેના એક ડ્રેસની કિંમત ચર્ચાનો વિષય બની ગઈ છે. તાજેતરમાં આલિયા ભટ્ટે મુંબઈમાં ઝી સિને એવોર્ડ્સમાં હાજરી આપી હતી.
આ એવોર્ડ શોમાં તે ગ્રીન થાઈ હાઈ સ્લિટ ગાઉનમાં જોવા મળી હતી. હવે આ ગાઉનની કિંમત પણ સામે આવી છે.બાય ધ વે, ફિલ્મ સ્ટાર્સ જે પણ પહેરે છે તે મોંઘુ હોય છે. આલિયા અનેક ઈવેન્ટમાં મોંઘા ડ્રેસ, બેગ અને જ્વેલરીમાં પણ જોવા મળી છે. આ વખતે તે લાખોની કિંમતના ગાઉનમાં જોવા મળી છે. આલિયા ભટ્ટે પહેરેલા ગ્રીન ગાઉનની કિંમત 1 લાખ 71 હજાર 740 રૂપિયા છે.
સામાન્ય લોકોની દૃષ્ટિએ આ કિંમત ઘણી વધારે છે. આ ફેશન બ્રાન્ડ કોસ્ટારેલોસ દ્વારા બનાવવામાં આવી છે. આ પહેલા નવા વર્ષ પર પણ આલિયાએ ખૂબ જ મોંઘો ડ્રેસ પહેર્યો હતો. તે સમયે તેણે જે પાયજામા પહેર્યો હતો તેની કિંમત અંદાજે 75 હજાર 500 રૂપિયા હતી.
આ ડ્રેસમાં આલિયા ખૂબ જ સુંદર લાગી રહી હતી
આલિયાએ એવોર્ડ શોમાં પિસ્તા ગ્રીન રંગનો જ્યોર્જેટ ગાઉન પહેર્યું હતુ. તેનું ફેબ્રિક એવું હતું કે તે આલિયાના લુકને વધુ ગ્લેમરસ બનાવી રહ્યું હતું. પોતાના લુકને નિખારવા માટે આલિયા ભટ્ટે ડ્રેસ સાથે ડાયમંડ નેકલેસ પહેર્યું હતુ.
આલિયા ભટ્ટને એવોર્ડ મળ્યો
આલિયા ભટ્ટને ફિલ્મ ગંગુબાઈ કાઠિયાવાડી માટે ઝી સિને એવોર્ડ્સમાં શ્રેષ્ઠ અભિનેત્રીનો એવોર્ડ આપવામાં આવ્યો હતો. આટલું જ નહીં, આ સમારોહમાં નેટફ્લિક્સ પર રિલીઝ થયેલી ફિલ્મ ડાર્લિંગ માટે તેને શ્રેષ્ઠ અભિનેત્રીનો જ્યુરી એવોર્ડ પણ આપવામાં આવ્યો હતો. આ સમારોહમાં કાર્તિક આર્યનને ભૂલ ભુલૈયા 2 માટે શ્રેષ્ઠ અભિનેતાનો એવોર્ડ મળ્યો હતો.
ફિલ્મોની વાત કરીએ તો આલિયા ભટ્ટ છેલ્લે પતિ રણબીર કપૂર સાથે ફિલ્મ બ્રહ્માસ્ત્રમાં જોવા મળી હતી. તેની ફિલ્મ બ્લોકબસ્ટર સાબિત થઈ હતી. આલિયાની આગામી ફિલ્મોમાં રોકી અને રાનીની લવસ્ટોરી અને હોલીવુડની ફિલ્મ હાર્ટ સ્ટોનનો સમાવેશ થાય છે.ઘણી વખત અભિનેત્રીને જીમમાં પણ સ્પોટ કરવામાં આવી છે. પરંતુ હાલમાં જ આલિયાની એવી તસવીર સામે આવી છે. જેને જોઈને અભિનેત્રીનો ગુસ્સો સાતમા આસમાને છે અને તેણે આ મામલે મુંબઈ પોલીસ સાથે વાત કરી છે.
