Ajmer 92 : ‘250 છોકરીઓનો થયો શિકાર’ – કાશ્મીર-કેરળ પછી હવે અજમેરની સ્ટોરી, મોટા પડદા પર આવી રહી છે નવી ફિલ્મ
Ajmer 92 Film : કાશ્મીર ફિલ્મ્સ અને ધ કેરળ સ્ટોરી બાદ વધુ એક ફિલ્મ સમાચારમાં છે. ફિલ્મનું નામ છે 'અજમેર 92', જેનું નિર્દેશન પુષ્પેન્દ્ર સિંહ કરશે. આ ફિલ્મ અજમેરની એક સત્ય ઘટના પર આધારિત છે.
Ajmer 92 Film : વર્ષ 2022માં રિલીઝ થયેલી વિવેક અગ્નિહોત્રીની ધ કાશ્મીર ફાઇલ્સ હોય કે સુદીપ્તો સેનની ધ કેરલા સ્ટોરી, બંને ફિલ્મોને બોક્સ ઓફિસ પર જબરદસ્ત સફળતા મળી. જ્યારે કાશ્મીર ફાઇલ્સે 250 કરોડથી વધુની કમાણી કરી હતી, ત્યારે કેરળ સ્ટોરી પણ ટૂંક સમયમાં આ આંકડો પાર કરવા જઈ રહી છે.
આ પણ વાંચો : The Kerala Story : ‘ધ કેરલા સ્ટોરી’ ને વિવાદોનો ફાયદો, 200 કરોડને પાર પહોંચી ફિલ્મ, 18 દિવસમાં જ કર્યો જોરદાર બિઝનેસ
અજમેર ઉપર બનશે ફિલ્મ
કાશ્મીર ફાઇલ્સમાં કાશ્મીરી પંડિતોની હિજરતની વાર્તા બતાવવામાં આવી હતી. બીજી તરફ, ધ કેરળ સ્ટોરી અંગે, નિર્માતાઓ દાવો કરે છે કે આ ફિલ્મ કેરળની એક સાચી ઘટના પર આધારિત છે, જ્યારે કેરળની 30,000 થી વધુ છોકરીઓનું બ્રેઈનવોશ કરીને ધર્મ પરિવર્તનની રમત રમાઈ હતી. કાશ્મીર અને કેરળ બાદ હવે અજમેરની વાર્તા પર ફિલ્મ આવવાની છે.
‘AJMER 92’ TO RELEASE ON 14 JULY… A #RelianceEntertainment presentation, #Ajmer92 will release in *cinemas* on 14 July 2023… Stars #KaranVerma, #SumitSingh, #SayajiShinde and #ManojJoshi… Directed by #PushpendraSingh… Produced by #UmeshKumarTiwari. pic.twitter.com/ddKnAedh6D
— taran adarsh (@taran_adarsh) May 26, 2023
અજમેરની સ્ટોરી પરની ફિલ્મ
હાલમાં જ અજમેરની એક સત્ય ઘટના પર ફિલ્મની જાહેરાત કરવામાં આવી છે. ફિલ્મનું ટાઇટલ ‘અજમેર 92’ છે. આ ફિલ્મ રિલાયન્સ એન્ટરટેઈનમેન્ટના બેનર હેઠળ બનવા જઈ રહી છે, જેનું નિર્દેશન પુષ્પેન્દ્ર સિંહ કરી રહ્યા છે અને ઉમેશ કુમાર તિવારી નિર્મિત છે. હાલમાં જ આ ફિલ્મનું પોસ્ટર સામે આવ્યું છે.
250 છોકરીઓની વાર્તા
અજમેર 92 નું જે પોસ્ટર આવ્યું છે. તે ઘણા અખબારોના કટિંગ્સમાંથી તૈયાર કરવામાં આવ્યું છે, જેમાં ઘણી મોટી અને સનસનાટીભરી હેડલાઈન્સ જોવા મળી રહી છે. જેમ કે- ‘250 કોલેજીયન યુવતીઓ બની શિકાર, વહેંચવા લાગ્યા ન્યૂડ ફોટા’, ‘એક પછી એક આત્મહત્યા પરથી પડદો ઉંચકાયો’, ‘આ આત્મહત્યા નહીં પણ હત્યા છે અને તેની પાછળ શહેરના મોટા લોકોનો હાથ છે’.
શું છે અજમેરની ઘટના?
રિપોર્ટ્સ અનુસાર, વર્ષ 1992માં અજમેરમાં આવી ઘટના બની હતી. જેણે દરેકના દિલને હચમચાવી નાખ્યું હતું. કહેવાય છે કે અજમેરમાં લગભગ 300 છોકરીઓને ન્યૂડ ફોટાની આડમાં બ્લેકમેલ કરીને રેપ કરવામાં આવ્યો હતો. કહેવાય છે કે, આ ઘટનાને શહેરના એક મોટા પરિવાર અને તેમના નજીકના લોકોએ અંજામ આપ્યો હતો. મેકર્સે પોસ્ટરમાં 250 છોકરીઓનો ઉલ્લેખ કર્યો છે. જણાવી દઈએ કે આ ફિલ્મ 14 જુલાઈના રોજ સિનેમાઘરોમાં રિલીઝ થશે.
એન્ટરટેઇન્મેન્ટના તમામ સમાચાર વાંચવા માટે અહીં ક્લિક કરો
