Aryan Drugs Case : શાહરૂખના લાડલાને કોઈ રાહત નહિ, આર્યનની જામીન અરજી અંગે બુધવારે થશે સુનાવણી

Aryan Drugs Case :  સુપરસ્ટાર શાહરૂખ ખાનના પુત્ર આર્યન ખાનને આજે રાહત મળી નથી. જામીન ન મળવાને કારણે આર્યને હવે મુંબઈની આર્થર રોડ જેલમાં વધુ બે રાત વિતાવવી પડશે. ડ્રગ્સ કેસમાં આર્યનની કસ્ટડી (Aryan’s Custody) લંબાવવામાં આવી છે. મળતી માહતી અનુસાર,કોર્ટ દ્વારા આર્યનની જામની અરજી અંગે 13 ઓક્ટોબર ના રોજ સુનાવણી હાથ ધરવામાં આવશે.

NCBએ ડ્રગ્સ કેસને લઈને કોર્ટ પાસે સમય માંગ્યો હતો

ઉલ્લેખનીય છે કે, NCBએ આર્યન ડ્રગ્સ કેસને (Drugs Case) લઈને કોર્ટ પાસે સમય માંગ્યો હતો. જેને કારણે મુંબઈ સેશન્સ કોર્ટે આર્યન ખાનની જામીન અરજી પર બુધવારે સુનાવણી કરવાનો આદેશ આપ્યો છે. તમને જણાવી દઈએ કે, આર્યન ખાન વતી એડવોકેટ સતીશ માનશિંદેએ શનિવારે એનડીપીએસ કોર્ટમાં જામીન માટે અપીલ કરી હતી. તેમજ 11 ઓક્ટોબરે વકીલ અમિત દેસાઈ આર્યન ખાનનું પ્રતિનિધિત્વ કરવા કોર્ટમાં પણ હાજર રહ્યા હતા.

Web Stories View more

અદાણી લાંચ કેસમાં માત્ર કાકા-ભત્રીજા જ નહીં, આ 7 લોકો પણ ફસાયા

'કાચા બદામ ગર્લ' અંજલિ અરોરા માટે દિવાળી હતી પીડાદાયક, ખુદ જણાવી ઘટના

IPL Mega Auction : આ ટીમ રૂપિયા ખર્ચવામાં નંબર-1

IPL 2025 Auction : જાણો ક્યાં મફતમાં ઓક્શન લાઈવ જોઈ શકાશે

કાજોલે આ કારણથી શાહરૂખ ખાનની ફિલ્મ કરી હતી રિજેક્ટ, બાદમાં એશ્વર્યાને મળ્યો રોલ

સૌથી સસ્તી Tata Car ની કાર કેટલાની આવે ? જાણો તેની કિંમત

આર્યનના વકીલે કોર્ટમાં આ દલીલ કરી

જો કે આર્યનના વકીલે કોર્ટમાં દલીલ કરી હતી કે, આર્યન ખાન પાસેથી કોઈ ડ્રગ્સ મળ્યુ નથી, તેથી તેને જામીન મળવા જોઈએ. પરંતુ એનસીબીના વકીલ એસપી ચીમલકરે કહ્યું કે, અમિત દેસાઈએ (Lawyer Amit Desai) આપેલી હકીકતો સાચી નથી. NCB તમામ પુરાવા અને કાગળો કોર્ટ સમક્ષ રજૂ કરવા માટે તૈયાર છે. પરંતુ આ માટે તેને 2-3 દિવસનો સમય જોઇએ છે. સામાન્ય રીતે, આ પ્રકારની કાર્યવાહીને લગતા પુરાવા અને માહિતી એકત્ર કરવા માટે દસ્તાવેજીકરણમાં એક સપ્તાહનો સમય લાગે છે.

પુરાવા એકઠા કરવા NCBએ કોર્ટમાં સમયની માંગ કરી

આર્યનના વકીલ અમિત દેસાઈએ જણાવ્યું હતું કે શુક્રવારે આર્યન ખાન (Aryan Khan) માટે જામીન અરજી દાખલ કર્યા બાદ NCB ને બે દિવસનો પૂરતો સમય મળ્યો છે. પરંતુ NCB ના અધિકારીઓ વધુ દરોડા પાડવામાં વ્યસ્ત હતા. તેથી યોગ્ય પુરાવા શોધી શક્યા નથી.આ અંગે એનસીબી વતી અન્ય વકીલ એસપીપી સેઠનાએ જણાવ્યું કે, આ કેસના પુરાવા માટે અમે બે-ત્રણ દિવસનો સમય માંગી રહ્યા છીએ, અને તે વાજબી માંગ છે. સામાન્ય રીતે NCB પુરાવા માટે સાત દિવસનો કોર્ટમાં સમય માંગતી હોય છે.

આ પણ વાંચો : Maharashtra Bandh : લખીમપુર ખેરી હિંસાની અસર મહારાષ્ટ્રમાં, રાજ્યબંધને પગલે ભાજપે ઉઠાવ્યા સવાલ

આ પણ વાંચો : Covid-19: મુંબઈની મુશ્કેલીમાં ફરી વધારો કરી શકે છે કોરોના, ‘આર વેલ્યુ’ સપ્ટેમ્બરના અંતમાં વધીને 1 થઈ