‘Kandahar’માં હોલીવૂડ સુપર સ્ટાર જેરાર્ડ બટલર સાથે એક્શન કરતો જોવા મળશે અલી ફઝલ
ફિલ્મ વિશે વાત કરતા અલી ફઝલે કહ્યું “હું હંમેશા નવા અને રોમાંચક પ્રોજેક્ટ્સ માટે તૈયાર છું. અમે ટૂંક સમયમાં શૂટિંગ શરૂ કરવાના છીએ." જો કે અભિનેતાએ ફિલ્મમાં તેના પાત્ર વિશે કોઈ માહિતી શેર કરી નથી.
અલી ફઝલે (Ali Fazal) આંતરરાષ્ટ્રીય પ્રોજેક્ટ ‘વિક્ટોરિયા એન્ડ અબ્દુલ’ દ્વારા હોલીવુડમાં (Hollywood) પણ પોતાની પ્રતિભા સાબિત કરી છે. હવે હોલિવૂડનો વધુ એક પ્રોજેક્ટ તેમના ભાગે આવ્યો છે. અલી તેની આગામી ફિલ્મ ‘કંદહાર’માં પ્રખ્યાત હોલીવુડ અભિનેતા ગેરાર્ડ બટલર (Gerard Butler) સાથે સ્ક્રીન શેર કરતો જોવા મળશે. રિક રોમન વો દ્વારા નિર્દેશિત આ એક્શન-થ્રિલર ફિલ્મ અલી ફઝલની ચોથી હોલીવુડ ફિલ્મ છે. તેણે અગાઉ ફ્યુરિયસ 7, કેનેથ બ્રાનાઘની આગામી ફિલ્મ ડેથ ઓન ધ નાઈલમાં તેની અભિનય કૌશલ્ય દર્શાવી છે.
ફિલ્મ વિશે વાત કરતા અલી ફઝલે કહ્યું “હું હંમેશા નવા અને રોમાંચક પ્રોજેક્ટ્સ માટે તૈયાર છું. અમે ટૂંક સમયમાં શૂટિંગ શરૂ કરવાના છીએ.” જો કે અભિનેતાએ ફિલ્મમાં તેના પાત્ર વિશે કોઈ માહિતી શેર કરી નથી. ફિલ્મમાં ગેરાર્ડ બટલર ટોમ હેરિસ તરીકે જોવા મળશે, જે મધ્ય પૂર્વમાં કામ કરતા CIA ઓપરેટિવ છે. જેનું કવર ઈન્ટેલિજન્સ લીક થયા બાદ ઉડી ગયું છે અને તે તેના અનુવાદક સાથે દુશ્મનના દેશમાં ફસાઈ ગયો છે.
આ મુશ્કેલીથી બચવા માટે ફિલ્મમાં ટોમનું પાત્ર ભજવતો ગેરાર્ડ અફઘાનિસ્તાનના કંદહારમાં દુશ્મનોની નજરથી બચવાનો પ્રયાસ કરતો જોવા મળશે. આ ફિલ્મનું નિર્માણ જ્હોન વિક સિરીઝ, સિકારિયો, જી-બાસ અને કેપસ્ટોન ગ્રુપ ઓફ થન્ડર રોડ ફિલ્મ્સ દ્વારા કરવામાં આવ્યું છે. આ ફિલ્મ ભૂતપૂર્વ મિલિટરી ઈન્ટેલિજન્સ ઓફિસર મિથેલ લાફોર્ચ્યુન દ્વારા લખાયેલી વોની પટકથા પર આધારિત છે. ફિલ્મનો પ્લોટ અફઘાનિસ્તાન સ્થિત ડિફેન્સ ઈન્ટેલિજન્સ એજન્સી સાથે સંકળાયેલા લોકોના અનુભવો પર આધારિત છે. આ ફિલ્મનું શૂટિંગ ટૂંક સમયમાં સાઉદી અરેબિયામાં શરૂ થવાની આશા છે.
દરમિયાન અગાથા ક્રિસ્ટીની પ્રખ્યાત ડિટેક્ટીવ વાર્તા પર આધારિત અલી ફઝલની ‘ડેથ ઓન ધ નાઈલ’ જે ઘણી વખત મુલતવી રાખવામાં આવી છે, તે હવે 11 ફેબ્રુઆરી, 2022ના રોજ રિલીઝ થવાની તૈયારીમાં છે. તે અગાઉ ઑક્ટોબર 2020માં રિલીઝ થવાની હતી, પરંતુ કોરોનાને કારણે મુલતવી રાખવામાં આવી હતી. આ ફિલ્મમાં હોલિવૂડની આઈકન ગેલ ગેડોટ પણ છે. અલી અને ગેલ ગાડોલ ઉપરાંત આ ફિલ્મમાં એનેટ બેનિંગ, રસેલ બ્રાન્ડ, ડોન ફ્રેન્ચ, રોઝ લેસ્લી, એમ્મા મેકકે, સોફી ઓકોનેડો, જેનિફર સોન્ડર્સ અને લેટિટિયા રાઈટ પણ છે.
આ પણ વાંચો –Sabarkantha: જયેશ પટેલ અને તેના કાકા માત્ર પેપર લીક જ નહી પરંતુ પહેલા થી જ લોકોને પૈસામાં નવડાવવામાં છે અઠંગ