Gujarati NewsEntertainmentAfter Sonam Kapoor and Deepika Padukone, this actress will make a splash at the Cannes Film Festival.
સોનમ કપૂર અને દીપિકા પાદુકોણ બાદ આ અભિનેત્રી કાન્સ ફિલ્મ ફેસ્ટિવલમાં ધૂમ મચાવશે
બોલિવૂડની લોકપ્રિય અભિનેત્રી અદિતિ રાવ હૈદરી (Aditi Rao Hydari) આ વર્ષે કાન્સ ફિલ્મ ફેસ્ટિવલમાં ડેબ્યૂ કરી રહી છે. ઐશ્વર્યા રાય, સોનમ કપૂર અને દીપિકા પાદુકોણ પછી હવે અદિતિ પણ રેડ કાર્પેટ પર પોતાની સુંદરતા દર્શાવતી જોવા મળશે.
બોલીવુડની (Bollywood) લોકપ્રિય અભિનેત્રી અદિતિ રાવ હૈદરી (Aditi Rao Hydari) 75મા કાન્સ ફિલ્મ ફેસ્ટિવલમાં (Cannes Film Festival) ડેબ્યૂ કરવા જઈ રહી છે. તેણી લોકપ્રિય વૈશ્વિક સ્માર્ટફોન બ્રાન્ડ Vivo Indiaનું રેડ કાર્પેટ પર પ્રતિનિધિત્વ કરશે. અદિતિ રાવ હૈદરીએ આ અંગે કહ્યું છે કે, “હું કાન્સ ફિલ્મ ફેસ્ટિવલ રેડ કાર્પેટ પર વોક કરવા માટે અને વૈશ્વિક સ્તરે લોકપ્રિય બ્રાન્ડ Vivoનું પ્રતિનિધિત્વ કરવા માટે ખૂબ જ ઉત્સાહિત છું.” આ સમાચાર જાણ્યા બાદ તેના ચાહકો તેને અનેક શુભકામનાઓ પાઠવી રહ્યા છે. અદિતિને લાંબા સમય બાદ આટલી વિશાળ રેડ કાર્પેટ ઇવેન્ટમાં જોવા માટે ચાહકો ખુબ ઉત્સાહિત છે.
લોકપ્રિય અભિનેત્રી અદિતિ પહેલા બોલિવૂડની મહાન સુંદરીઓ કાન્સ ફિલ્મ ફેસ્ટિવલમાં ભારત માટે પદાર્પણ કરી ચૂકી છે. જેમાં ઐશ્વર્યા રાય, દીપિકા પાદુકોણ અને સોનમ કપૂરના નામ એ લિસ્ટમાં સામેલ છે, કે જે દર વર્ષે કાન્સ ફિલ્મ ફેસ્ટિવલમાં હાજરી આપવા પહોંચે છે. કાન્સ ફિલ્મ ફેસ્ટિવલમાં બોલિવૂડની હિરોઈનોના લુક્સ હંમેશા હેડલાઈન્સમાં રહે છે. કંગના રનૌતથી લઈને હિના ખાન સુધી તમામ હિરોઈનોએ આ રેડ કાર્પેટની સુંદરતા વધારી છે.
Vivo India તેની આ પ્રેસેન્ટેડ ઇવેન્ટમાં, આગામી તા.17 મે થી 28 મે, 2022 દરમિયાન યોજાનારા કાન્સ ફિલ્મ ફેસ્ટિવલમાં એક નવું અભિયાન શરૂ કરશે. જેમાં અભિનેત્રી અદિતિ રાવ હૈદરી આ ઇવેન્ટમાં સ્પોટ થવા જઈ રહી છે. આ અભિયાનનું નામ ‘માય લાઈફ ઈઝ મૂવી’ હશે.
કાન્સ ફિલ્મ ફેસ્ટવલ એ વૈશ્વિક સ્તરે સિનેમાના મહત્વ અને મહાન કલાકારોને રજુ કરવા માટે, તેમની કલાનું સન્માન કરવા માટે દર વર્ષે યોજવામાં આવે છે. વૈશ્વિક સિનેમામાં આ સૌથી પ્રતિષ્ઠિત એવોર્ડ સેરેમની ગણાય છે. આ સેરેમનીમાં રેડ કાર્પેટ પર શ્રેષ્ઠ કલાકારો દ્વારા કરવામાં આવતું કેટવોક એ હંમેશા પાપારાઝીઓની ફેવરિટ ઇવેન્ટ રહે છે.
અદિતિ આ દિવસોમાં તેના અંગત જીવનના તેમજ કારકિર્દીના પણ સારા તબક્કામાં છે. અભિનેત્રી હાલમાં, ભલે કોઈ ફિલ્મો ન કરી રહી હોય, પરંતુ તેની પાસે ઘણા બધા એડ શૂટ અને ફોટોશૂટસ ઉપલબ્ધ છે. જેમાં અભિનેત્રી ખૂબ જ વ્યસ્ત રહે છે. અદિતિ સોશિયલ મીડિયા પર ખૂબ જ એક્ટિવ છે અને પોતાની પર્સનલ અને પ્રોફેશનલ લાઈફ સાથે જોડાયેલા અવનવા અપડેટ્સ તેના વફાદાર ફેન્સ સાથે શેર કરતી રહે છે.
આજનું રાશિફળ તારીખ 26-04-2024
