Karwa Chauth 2021 : અભિષેક બચ્ચને પત્નિ ઐશ્વર્યાને આપી આ ખાસ સરપ્રાઇઝ, અમિતાભ બચ્ચને કર્યો ખુલાસો
બિગ બીએ પોતાના બ્લોગમાં જણાવ્યું કે અભિષેકે કરવા ચોથના દિવસે બધાને ચોંકાવી દીધા હતા. ખાસ કરીને ઐશ્વર્યાને. તેમણે ખુલાસો કર્યો કે અભિષેક તેની આગામી ફિલ્મ બ્રેથની બીજી સીઝન માટે દિલ્હીમાં શૂટિંગ કરી રહ્યો હતો.
બોલિવૂડ એક્ટર અમિતાભ બચ્ચન સોશિયલ મીડિયા દ્વારા ફેન્સ સાથે જોડાયેલા રહે છે. તે પોતાના બ્લોગ અને ટ્વીટ દ્વારા ચાહકોને તેની અંગત અને વ્યાવસાયિક જીવન વિશે જણાવતો રહે છે. આ વખતે તેણે ફેન્સને તેના પુત્ર અભિષેક અને પુત્રવધૂ ઐશ્વર્યા રાય બચ્ચન વિશે જણાવ્યું છે. રવિવારે બોલિવૂડ સેલેબ્સે ધામધૂમથી કરવા ચોથના તહેવારની ઉજવણી કરી હતી. કરવા ચોથના અવસર પર અભિષેકે પત્ની ઐશ્વર્યાને ખાસ ભેટ આપી છે.
કરવા ચોથના અવસર પર સેલેબ્સે પોતાની તસવીરો શેર કરી છે. તસવીરોમાં સેલેબ્સ ટ્રેડિશનલ અવતારમાં જોવા મળ્યા હતા. કરવા ચોથના દિવસે પત્નીઓ તેમના પતિના લાંબા આયુષ્ય માટે વ્રત રાખે છે. અહેવાલ મુજબ, અમિતાભ બચ્ચને સૌથી પહેલા પોતાના બ્લોગમાં કરવા ચોથના રિવાજો વિશે જણાવ્યું હતું.
બિગ બીએ લખ્યું કે, કરવા ચોથના દિવસે પત્ની તેના પતિના લાંબા આયુષ્યની શુભેચ્છા પાઠવે છે. આખો દિવસ ઉપવાસ રાખે છે, દિવસે કે સાંજે પૂજા કરે છે. આ ખાસ તહેવાર પર, તેઓ સારી રીતે તૈયાર થાય છે અને પછી સાંજે તેઓ ચંદ્રની પૂજા કરીને ઉપવાસ તોડે છે. પૂજા કર્યા પછી તે પતિના હાથનું પાણી પીવે છે અને ભોજન કરે છે.
બિગ બીએ પોતાના બ્લોગમાં જણાવ્યું કે અભિષેકે કરવા ચોથના દિવસે બધાને ચોંકાવી દીધા હતા. ખાસ કરીને ઐશ્વર્યાને. તેમણે ખુલાસો કર્યો કે અભિષેક તેની આગામી ફિલ્મ બ્રેથની બીજી સીઝન માટે દિલ્હીમાં શૂટિંગ કરી રહ્યો હતો. અને અચાનક સાંજે ઘરે આવીને તેણે બધાને ચોંકાવી દીધા. તેણે ઘરે કોઈને કહ્યું ન હતું કે તે આવી રહ્યો છે.
અમને આ સરપ્રાઇઝની અપેક્ષા નહોતી. તહેવારના દિવસે આખો પરિવાર એકત્ર થયો. ડાઇનિંગ ટેબલ પર પોતાનું સ્વાદિષ્ટ ભોજન ખાઈને તેણે ઘણી વાતો કરી.
તમને જણાવી દઈએ કે તાજેતરમાં જ અભિષેક બચ્ચને બ્રેથની સીઝન 2ની જાહેરાત કરી હતી. તેણે પોતાની એક તસવીર સોશિયલ મીડિયા પર શેર કરી છે. ફોટોમાં બ્રેથના પોસ્ટરની સામે આખી ટીમ એકસાથે ઉભી જોવા મળી હતી. આ સિરીઝમાં અભિષેકની સાથે અમિત સાધ, નિત્યા મેનન સહિત ઘણા સેલેબ્સ મહત્વની ભૂમિકા ભજવતા જોવા મળશે.
આ પણ વાંચો –
OMG ! હોટડોગ ખાવાની શરતના ચક્કરમાં યુવતીએ ગુમાવ્યો જીવ, ગળામાં એવો ફસાયો ખોરાક કે ડૉક્ટર પણ ન બચાવી શક્યા જીવ
આ પણ વાંચો –
Alert ! 1 નવેમ્બરથી સેમસંગ, એપલ સહિત આ સ્માર્ટફોનમાં નહીં ચાલે WhatsApp, જુઓ સંપૂર્ણ લીસ્ટ
આ પણ વાંચો –
સોશિયલ મીડિયામાં ગ્રેડ પે આંદોલન મુદ્દે ગુજરાત પોલીસે જાહેર કર્યા આદેશ, ગેરમાર્ગે દોરનાર સામે લેવાશે પગલાં
Latest News Updates
