કેપ્ટન અમરિન્દર સિંહ ‘હોકી સ્ટીક’ સાથે ચૂંટણી મેદાનમાં ઉતરશે, પાર્ટીએ કહ્યું ‘હવે બસ ગોલ કરવાનો બાકી’
કેપ્ટન અમરિન્દર સિંહની પાર્ટી પંજાબ લોક કોંગ્રેસને ચૂંટણી પંચ દ્વારા હોકી સ્ટિક અને હોકી બોલનું ચૂંટણી પ્રતીક આપવામાં આવ્યું છે.
Punjab Politics: ચૂંટણી પંચે પંજાબ(Punjab)ના પૂર્વ મુખ્યમંત્રી કેપ્ટન અમરિંદર સિંહ(Amarinder Singh)ની પાર્ટી પંજાબ લોક કોંગ્રેસ(Punjab Lok Congress)ને હોકી સ્ટિક અને હોકી બોલનું ચૂંટણી ચિન્હ આપી દીધું છે. પંજાબ લોક કોંગ્રેસે એક ટ્વિટમાં કહ્યું, “એ જણાવતા આનંદ થાય છે કે પંજાબ લોક કોંગ્રેસને પાર્ટીનું પ્રતીક – હોકી સ્ટિક અને બોલ મળી ગયો છે.” તે ભારતની રાષ્ટ્રીય રમત છે અને પંજાબમાં ખૂબ જ લોકપ્રિય છે તે રાજ્યના ગ્રામીણ વિસ્તારોમાં સૌથી વધુ રમવામાં આવે છે.
પંજાબથી આવતા ઘણા હોકી ખેલાડીઓએ ભારતીય હોકી ટીમની જર્સી પહેરી છે અને દેશનું પ્રતિનિધિત્વ કર્યું છે. રસપ્રદ વાત એ છે કે ભારતીય હોકી ટીમના પૂર્વ કેપ્ટન પરગટ સિંહ રાજ્યની કોંગ્રેસ સરકારમાં મંત્રી પણ છે. તે જ સમયે, અમરિંદર સિંહે થોડા મહિના પહેલા સુધી પંજાબ સરકારનું નેતૃત્વ કર્યું હતું. પરંતુ ત્યારપછી પંજાબ કોંગ્રેસના વડા અને ક્રિકેટરમાંથી રાજનેતા બનેલા નવજોત સિંહ સિદ્ધુ સાથે તેમની તકરાર વધી અને બંને વચ્ચે વિવાદ થયો. આ પછી અમરિંદર સિંહે મુખ્યમંત્રી પદ પરથી રાજીનામું આપી દીધું અને પોતાની પાર્ટી (પંજાબ લોક કોંગ્રેસ) બનાવી.
Happy to inform that Punjab Lok Congress has received it’s Party Symbol – Hockey Stick and Ball.#Bas_Hun_Goal_Krna_Baki 🏑 pic.twitter.com/7nv0Nv0XNX
— Punjab Lok Congress (@plcpunjab) January 10, 2022
કેપ્ટન વિરોધીઓને પરાસ્ત કરવા તૈયાર છે
અમરિન્દર સિંહની પંજાબ લોક કોંગ્રેસે ભાજપ સાથે હાથ મિલાવ્યા છે અને રાજ્યની વિધાનસભા ચૂંટણીમાં પોતાની તાકાત બતાવવા માટે તૈયાર છે. કેપ્ટન તરીકે ઓળખાતા ભૂતપૂર્વ મુખ્ય પ્રધાન તેમના નવા ચૂંટણી પ્રતીકથી તેમના વિરોધીઓને સ્તબ્ધ કરી દેશે તેવી આશા છે. જો કે, હજુ સુધી પંજાબ લોક કોંગ્રેસે તેના કોઈપણ ઉમેદવારના નામની જાહેરાત કરી નથી. ચૂંટણી પંચે જણાવ્યું છે કે પંજાબમાં 14 ફેબ્રુઆરીએ વિધાનસભા ચૂંટણી યોજાશે અને એક જ તબક્કામાં મતદાન થશે. 10 માર્ચે મતગણતરી થશે.
પાંચ વાઇસ પ્રેસિડેન્ટ અને 17 જનરલ સેક્રેટરીની નિમણૂક
તે જ સમયે, ભૂતપૂર્વ મુખ્ય પ્રધાન અમરિંદર સિંહે રવિવારે તેમની નવી રચાયેલી પાર્ટી પંજાબ લોક કોંગ્રેસમાં પાંચ ઉપાધ્યક્ષ અને 17 મહાસચિવોની નિમણૂક કરી. પ્રભારી જનરલ સેક્રેટરી (સંગઠન) કમલ સૈને જણાવ્યું હતું કે પાર્ટીના હોદ્દાઓ પર નવી નિમણૂકો માટે ઓર્ડર જારી કરવામાં આવ્યા હતા. પાંચ ઉપાધ્યક્ષોના નામ અમરીક સિંહ અલીવાલ, પ્રેમ મિત્તલ, ફરઝાના આલમ, હરજિંદર સિંહ કોન્ટ્રાક્ટર અને સંજય ઈન્દર સિંહ બન્ની ચહલ છે.
જનરલ સેક્રેટરીઓમાં રાજવિંદર કૌર ભાગિકે, રાજિન્દર સિંહ રાજા, પુષ્પિન્દર સિંહ ભંડારી અને સરિતા શર્માનો સમાવેશ થાય છે. તેમણે કહ્યું કે રોહિત કુમાર શર્માને મોહાલીના જિલ્લા પ્રમુખ તરીકે અને એડવોકેટ સંદીપ ગોરસીને પીએલસીના લીગલ સેલના પ્રમુખ તરીકે નિયુક્ત કરવામાં આવ્યા છે.
આ પણ વાંચો :Rajnath Singh Covid Positive: રક્ષા મંત્રી રાજનાથ સિંહને થયો કોરોના, પોતાને કર્યા હોમ ક્વોરેન્ટાઈન
આ પણ વાંચો : PMની સુરક્ષામાં ચૂક: સુપ્રીમ કોર્ટે કેન્દ્ર સરકારને આપ્યો ઝટકો, તપાસ માટે નિવૃત્ત SC જજની અધ્યક્ષતામાં કમિટી બનાવાશે
Latest News Updates
