Mamta banerjee કરવા ગયા ઇંધણ ભાવ વધારાનો વિરોધ, સ્કૂટી પરથી પડતા પડતા બચ્યા દીદી, જુઓ વિડીયો

ઇંધણના ભાવ વધારા સામે મમતા બેનર્જીએ ઇલેક્ટ્રિક સ્કૂટીમાં સફર કરીને વિરોધ નોંધાવ્યો હતો. આ દરમિયાન સ્કૂટી ચલાવતી વખતે તેઓ પડતા પડતા બચ્યા હતા.

  • tv9 webdesk37
  • Published On - 12:48 PM, 26 Feb 2021
Mamta banerjee કરવા ગયા ઇંધણ ભાવ વધારાનો વિરોધ, સ્કૂટી પરથી પડતા પડતા બચ્યા દીદી, જુઓ વિડીયો
મમતા બેનર્જી

પશ્ચિમ બંગાળના મુખ્યમંત્રી Mamta banerjee એ પેટ્રોલ અને ડીઝલના ભાવમાં થતા વધારા સામે વિરોધ નોંધાવ્યો હતો. મમતા બેનર્જી ઇલેક્ટ્રિક સ્કૂટર પર રાજ્ય સચિવાલય ‘નબાન્ન’ પહોચ્યા હતા. આ સ્કૂટરને રાજ્ય સરકારના મંત્રી અને કોલકાતાના મેયર ફરહદ હાકિમે ચલાવ્યું હતું. કેમ કે જ્યારે મુખ્યમંત્રી મમતાએ સ્કૂટર ચલાવવાનો પ્રયાસ કર્યો ત્યારે પડતા પડતા બચ્યા હતા.

સ્કૂટર ઉપર સવાર મમતા બેનર્જીએ તેના ગળા પર પાટિયું લગાવી દીધું હતું. જેના પર ઇંધણના કિંમતોમાં વધારા સામે સૂત્રોચ્ચાર લખવામાં આવ્યા હતા. મમતાએ હેલ્મેટ પહેરેલું હતું અને હાજરા મોડથી રાજ્ય સચિવાલય સુધી સાત કિલોમીટર સુધી સ્કૂટર પર મુસાફરી કરી ત્યારે રસ્તાની બંને બાજુએ લોકોએ હાથ મિલાવ્યા અને તેમનું અભિવાદન કર્યું હતું.

લગભગ 45 મિનિટની મુસાફરી પછી ‘નબાન્ન’ પહોંચી મમતા બેનર્જીએ કેન્દ્ર સરકાર પર ટીકા કરતા કહ્યું કે, અમે બળતણના ભાવમાં થયેલા વધારાનો વિરોધ કરી રહ્યા છીએ. મોદી સરકાર માત્ર ખોટા વચનો આપે છે. તેમણે બળતણની કિંમત ઘટાડવા માટે કંઇ કર્યું નહીં. તમે હવે મોદી સરકારના સત્તામાં આવ્યા સમયે અને અત્યારે પેટ્રોલના ભાવમાં તફાવત જોઈ શકો છો. ”

સીએમ મમતા બેનર્જી પેટ્રોલ અને ડીઝલની વધતી કિંમતોના વિરોધ પ્રદર્શન દરમિયાન પડતા બચી ગયા, જુઓ વીડિયો

 

તેમણે કહ્યું કે તૃણમૂલ કોંગ્રેસ શુક્રવારથી બળતણની કિંમતમાં વધારા સામે વિરોધ શરૂ કરશે. બેનર્જીએ કહ્યું કે, “સત્તામાં આવતા પહેલા ભાજપે લોકોને મફત એલપીજી જોડાણો આપવાનું વચન આપ્યું હતું અને હવે તે બળતણના ભાવમાં વધારો કરી રહ્યા છે.” તેમણે કહ્યું, “વડા પ્રધાન અને ગૃહ મંત્રી દેશને વેચી રહ્યા છે. તેઓ નફો કરતા સાર્વજનિક ઉપક્રમો વેચી રહ્યા છે. આ લોક વિરોધી, મહિલા વિરોધી, યુવા વિરોધી અને ખેડૂત વિરોધી સરકાર છે. “