NEET PG Exam Postponement: શું NEET PG પરીક્ષા મુલતવી રાખવામાં આવશે ?  મેડિકલ વિદ્યાર્થીઓએ જંતર-મંતર પર વિરોધ પ્રદર્શન કર્યું

NEET PG Exam 2022: નેશનલ એન્ટ્રન્સ કમ એલિજિબિલિટી ટેસ્ટ (NEET) 2022 ના ઉમેદવારો વડા પ્રધાન નરેન્દ્ર મોદી પાસે NEET PG પરીક્ષાનું આયોજન હાલ પુરતુ મુલતવી રાખવાની માંગ કરી રહ્યા છે. ઘણા ઉમેદવારો દિલ્લીના જંતર મંતર પાસેની એક જગ્યા પર એકઠા થયા હતા, તેઓએ નેશનલ બોર્ડ ઓફ એક્ઝામિનેશન્સ (NBE) અને મેડિકલ કાઉન્સેલિંગ કમિટીને NEET PG પરીક્ષા મુલતવી રાખવા વિનંતી કરી હતી. તમને જણાવી દઈએ કે 21 મેના રોજ NEET PG 2022 યોજાવાની છે. મેડિકલ સ્ટુડન્ટ્સ એસોસિએશને તાજેતરમાં સુપ્રીમ કોર્ટમાં એક અરજી દાખલ કરીને પરીક્ષા મોકૂફ રાખવાની વિનંતી કરી હતી અને કહ્યું હતું કે પરીક્ષા NEET PG 2021ના કાઉન્સિલિંગ દરમિયાન થઈ રહી છે, તેથી NEET PG પરીક્ષા 2022 સ્થગિત કરવી જોઈએ.

8 મેના રોજ, INI-CET પરીક્ષા પૂરી થતાં જ, તબીબી વિદ્યાર્થીઓ રાષ્ટ્રીય રાજધાનીમાં જંતર-મંતર પહોંચ્યા અને NEET PG પરીક્ષા મોકૂફ રાખવાની માંગણી સાથે વિરોધ કર્યો. NEET PG 2022 મુલતવી મેમોરેન્ડમ PM મોદીને સુપરત કરવામાં આવ્યું છે. આ સાથે જ સુપ્રીમ કોર્ટમાં પણ અરજી દાખલ કરવામાં આવી છે.

પીએમ મોદીને અપીલ

મેડિકલ સ્ટુડન્ટ્સ એસોસિએશને પરીક્ષા મોકૂફ રાખવા અંગે પીએમ મોદીને એક મેમોરેન્ડમ સુપરત કર્યું છે. મેમોરેન્ડમમાં જણાવાયુ છે કે,, “અમે મોટાભાગના NEET PG ઉમેદવારો વતી 15,000 ઉમેદવારોને પત્ર લખી રહ્યા છીએ જેઓ 2021ની ચાલી રહેલી કાઉન્સેલિંગ અને 21મી મેના રોજ પ્રસ્તાવિત NEET PG પરીક્ષા 2022ના કારણે પરેશાન છીએ. અમે તમને આ ઉમેદવારોની આ મુશ્કેલીથી વાકેફ કરવા માંગીએ છું. ઉમેદવારો એવી પણ ફરિયાદ કરી રહ્યા છે કે ઘણા વિદ્યાર્થીઓ તેમના COVID-19 સમયગાળા દરમિયાન સમયસર તેમની ઇન્ટર્નશિપ પણ પૂર્ણ કરી શક્યા ન હતા.