Vadodara : વૈજનાથ વિદ્યાલય વેજપુર ખાતે મોડેલ રોકેટ્રી વર્કશોપ યોજાયો, વિદ્યાર્થીઓએ રોકેટ મોડેલ ડીઝાઈન કર્યા અને રોકેટ ઉડાડવાનો આનંદ મેળવ્યો

Vadodara : જીજ્ઞાસા અને ગ્રીન સ્કૂલ પ્રોજેક્ટ (Green School Project)હેઠળ યુનાઈટેડ વે ઓફ બરોડા દ્વારા સી.એસ.આર પાર્ટનર ટી. ડી. વિલિયમસનના સહયોગથી વૈજનાથ વિદ્યાલય, વેજપુર ખાતે મોડેલ રોકેટ્રી વર્કશોપનું (Model Rocketry Workshop)આયોજન કરવામાં આવ્યું હતું.

વૈજનાથ વિદ્યાલય શાળાને હરિયાળી બનાવવા માટે સોલાર પેનલ સિસ્ટમ, મિની સાયન્સ લેબોરેટરી અને કમ્પોસ્ટિંગ ટમ્બલર આપવા સાથે જ સાયન્સ સીટી મુલાકાત અને રોબોટ કાર જેવી અનેક વૈજ્ઞાનિક પ્રવૃત્તિઓ માટે વિદ્યાર્થીઓને પ્રોત્સાહીત કર્યા છે.

મોડેલ રોકેટ્રી વર્કશોપમાં શાળાના 45થી વધુ વિદ્યાર્થીઓ માટે ટેક્નોલોજી સાથે કામ કરવાના પડકારોનો સામનો કરવા માટે શીખવાનું પ્લેટફોર્મ હતું. આ વર્કશોપ દ્વારા, વિદ્યાર્થીઓને રોકેટ મોડલ ડિઝાઇન કરવા અને નિર્માણ કરવા માટે પ્રોત્સાહિત કરવામાં આવ્યા હતા અને તેમને સલામતીનાં પગલાં સાથે લોન્ચ કરવામાં આવ્યા હતા.

રોકેટ મોટર ટેક્નોલોજીના પ્રણેતાએ વર્કશોપમાં વિદ્યાર્થીઓને રોકેટરીના મૂળભૂત કાયદા અને સિદ્ધાંતો અને એરોડાયનેમિક્સ અને તેના પર કામ કરતા અન્ય દળોની અસર વિશે વિસ્તૃત સમજ આપી હતી.

રોકેટ મોડલ ડિઝાઇન કરવા અને બનાવવા માટે જૂથ ટીમો બનાવવામાં આવી હતી. દરેક ટીમને જરૂરી સામગ્રી આપવામાં આવી હતી. વિદ્યાર્થીઓએ તેમના રોકેટ મૉડલ ડિઝાઇન કર્યા અને બનાવ્યા અને તેમના સંબંધિત મૉડલ લૉન્ચ કરવા માટે તૈયાર હતા. વિદ્યાર્થીઓમાં ઉત્સાહની લહેર જોવા મળી હતી.

રોકેટ લોન્ચ કરતી વખતે સલામતી સુનિશ્ચિત કરવા સૂચનાઓ આપવામાં આવી હતી. પ્રિન્સિપાલ અને શિક્ષકો ટીમોને તેમના રોકેટ મોડલ લોન્ચ કરવા માટે ઉત્સાહિત કર્યા હતા.

શાળાની ધો.8 માં અભ્યાસ કરતી વિદ્યાર્થિની ક્રિષ્ના પરમાર કહે છે કે “મોડલ રોકેટ્રી વર્કશોપ દ્વારા રોકેટનું મોડેલ કેવી રીતે બનાવવું તે શીખી. જેમ જેમ મેં અને મારી ટીમે અમારા મોડલને ડિઝાઇન કરવાનું પૂર્ણ કર્યું, અને લોન્ચ કરવાનો સમય હતો ત્યારે અમે અતિ ઉત્સાહિત થયા હતા. અમારું મોડલ સફળતાપૂર્વક લોન્ચ કરવામાં આવ્યું હતું. વિજ્ઞાનના ક્ષેત્રમાં મારી કારકિર્દીના માર્ગને આગળ ધપાવવા માટે મને પ્રેરણા આપવા બદલ હું સંસ્થાની આભારી છું.”

શાળાના શિક્ષક રાકેશ રબારીએ જણાવ્યું કે રોકેટ બનાવવા માટે વિદ્યાર્થીઓ ખૂબ ઉત્સાહિત જોવા મળ્યો હતો.જે વિદ્યાર્થીઓ ટેલિવિઝનમાં રોકેટ ઉડતા જોતા હોય ત્યારે રોકેટ વર્ગખંડમાં પોતાની જાતે તૈયાર કરી મેદાનમાં જઈને ઊડાડવાનો આનંદ અનેરો હતો. યુનાઈટેડ વે ઑફ બરોડા અને ટી ડી વીલીયમસના સહયોગથી ગ્રામ્ય વિસ્તારની શાળાની આ પ્રોજેક્ટમાં પસંદગી કરી વિદ્યાર્થીઓને ખરેખર પ્રોત્સાહીત કર્યા અને આવનાર ભવિષ્યમાં અમારી શાળામાં સ્માર્ટ ક્લાસની ખાસ જરુરિયાત છે. જે આ પ્રોજેક્ટમાં સમાવેશ થશે તો વિદ્યાર્થીઓને ટેકનોલોજીનો ખૂબ જ લાભ મળશે.

આ પણ વાંચો : Junagadh : મહાશિવરાત્રિના મેળાનો પ્રારંભ, શ્રદ્ધાળુઓની સુવિધા માટે બસોની સંખ્યા વધારાઇ, પોલીસ તંત્ર પણ સજ્જ

આ પણ વાંચો : દેવભૂમિ દ્વારકામાં કોંગ્રેસની ચિંતન શિબિર શરુ, વિધાનસભાની ચૂંટણી 2022 માટેનો રોડમેપ તૈયાર કરાશે