આ દેશોમાં ખુલશે ભારતીય યુનિવર્સિટીઓના કેમ્પસ, UGC ટૂંક સમયમાં કરશે જાહેરાત

UGC : હવે ટૂંક સમયમાં જ વિદેશમાં ભારતીય યુનિવર્સિટીઓના કેમ્પસ ખુલશે. યુનિવર્સિટી ગ્રાન્ટ કમિશન (UGC) એક મહિનામાં આ અંગે જાહેરાત કરી શકે છે. UGC ચેરમેનના જણાવ્યા અનુસાર એવા ઘણા દેશો છે જે ભારતીય યુનિવર્સિટીઓને ઈન્ફ્રાસ્ટ્રક્ચર આપવા માટે આગળ આવી રહ્યા છે, જેથી તેઓ વિદેશમાં કેમ્પસ સ્થાપી શકે.

આ પણ વાંચો : 67 દેશો સુધી UGCનો ‘મેસેજ’ પહોંચાડશે ભારતીય રાજદૂત, આ મિશનની મળશે જવાબદારી

યુનિવર્સિટી ગ્રાન્ટ કમિશનના અધ્યક્ષ એમ. જગદીશ કુમારે જણાવ્યું હતું કે, ભારતીય યુનિવર્સિટીઓના કેમ્પસ આફ્રિકન અને ખાડી દેશો, થાઈલેન્ડ અને વિયેતનામમાં ખોલવામાં આવશે. આ માટે તમામ ધારા-ધોરણોને પૂર્ણ કરવામાં આવ્યા છે. ટૂંક સમયમાં આ અંગે જાહેરાત કરવામાં આવશે.

ત્રણ મુખ્ય સુધારાઓનો સમાવેશ

તેમણે કહ્યું કે રાષ્ટ્રીય શિક્ષણ નીતિમાં શિક્ષણના આંતરરાષ્ટ્રીયકરણની યોજનામાં ત્રણ મુખ્ય સુધારાઓનો સમાવેશ કરવામાં આવ્યો છે, જેમાં વિદેશી યુનિવર્સિટીઓએ ભારતમાં કેમ્પસ ખોલવા જોઈએ અને ભારતીય યુનિવર્સિટીઓએ વિદેશમાં તેમના કેમ્પસ ખોલવા જોઈએ. ભારતીય યુનિવર્સિટીઓમાં દ્વિ ડિગ્રી અને સંયુક્ત કાર્યક્રમોના સહયોગથી વિદેશી યુનિવર્સિટીઓ ડિગ્રી કોર્સ સમાવેશ થાય છે.

ખાનગી યુનિવર્સિટીઓ પણ ખોલી શકે છે કેમ્પસ

યુજીસી ચેરમેનના જણાવ્યા અનુસાર, દેશમાં સરકારી અને ખાનગી એમ બંને કેટેગરીમાં સારી યુનિવર્સિટીઓ છે. તેમણે કહ્યું કે અમે આ સંસ્થાઓને વિદેશમાં કેમ્પસ ખોલવા માટે પ્રોત્સાહિત કરીશું. એવા ઘણા દેશો છે જે ભારતીય યુનિવર્સિટીનું કેમ્પસ ખોલવામાં રસ દાખવી રહ્યા છે. જે દેશોમાં વિદેશી ભારતીયોની સંખ્યા વધુ છે. તે દેશો આ મામલે આગળ આવી રહ્યા છે.

IIT આ દેશોમાં ખોલી શકે છે કેમ્પસ

તેમણે કહ્યું કે આફ્રિકન દેશોમાં ભારતીય યુનિવર્સિટીઓના કેમ્પસ ખોલવાની વધુ સંભાવના છે. જેમાં થાઈલેન્ડ, વિયેતનામ અને કેટલાક ખાડી દેશોનો સમાવેશ થાય છે. IIT દિલ્હી UAE માં તેનું કેમ્પસ ખોલી શકે છે. આ અંગે તેઓ ચર્ચા કરી રહ્યા છે. આ સિવાય IIT મદ્રાસ શ્રીલંકા, નેપાળ અને તાન્ઝાનિયામાં કેમ્પસ ખોલવાના વિકલ્પની શોધ કરી રહી છે. આ ઉપરાંત ઇજિપ્ત, થાઇલેન્ડ, મલેશિયા અને બ્રિટનમાં IIT કેમ્પસ ખોલવાની યોજના છે.

(ઇનપુટ ભાષા)