MSP ગેરંટીને લઈ આયોજીત કિસાન સંગઠનની બેઠકમાં શું થયું ?

કેન્દ્ર સરકારે 2020માં ત્રણ નવા કૃષિ કાયદા (Farm Laws)લાગુ કર્યા હતા. આ પછી દેશમાં ખેડૂતોએ આંદોલન શરૂ કર્યું. આ સાથે, ફરી એકવાર દેશમાં પાકના લઘુત્તમ ટેકાના ભાવ (MSP)ની ખાતરી આપવા માટે કાયદો બનાવવાની માંગ તેજ થઈ ગઈ છે. જો કે ગત વર્ષ નવેમ્બરમાં કેન્દ્ર સરકારે ત્રણેય કૃષિ કાયદાને રદ કરી દીધા હતા. જે બાદ 14 મહિનાથી ચાલેલા ખેડૂત આંદોલન(Farmer Protest)નો પણ અંત આવ્યો હતો, પરંતુ ખેડૂતોના સંગઠનો તરફથી MSP ગેરંટી કાયદો બનાવવાની માંગ હજુ પણ ચાલુ છે.આ સંદર્ભમાં મંગળવારે દિલ્હીમાં ખેડૂત સંગઠનોની એક દિવસીય બેઠકનું આયોજન કરવામાં આવ્યું હતું. જેમાં ખેડૂત સંગઠનોએ નિર્ણય લીધો છે કે MSP ગેરંટી કાયદા પર કોઈપણ પ્રકારના આંદોલન કરતા પહેલા ખેડૂત સંગઠનો ખેડૂતો અને દેશની સરકારને MSP અંગે વાકેફ કરશે.

MSP ગેરંટી કિસાન મોરચાની રચના

MSP ગેરંટી અંગે રાષ્ટ્રીય ખેડૂત મજદૂર સંગઠનના વડા સરદાર વીએમ સિંહની આગેવાની હેઠળ ND તિવારી ઓડિટોરિયમ, ITO, દિલ્હીમાં મંગળવારે એક દિવસીય બેઠકનું આયોજન કરવામાં આવ્યું હતું. બેઠકમાં લેવાયેલા નિર્ણયની માહિતી આપતાં સરદાર વીએમ સિંહે કહ્યું કે ખેડૂતોની માંગણીઓ માટે MSP ગેરંટી કિસાન મોરચાની રચના કરવામાં આવી છે. તેમણે કહ્યું કે આ સાથે જ બેઠકમાં નિર્ણય લેવામાં આવ્યો છે કે આ મુદ્દે કોઈપણ પ્રકારના આંદોલન કરતા પહેલા પ્રચાર અને જાગૃતિ કાર્યક્રમો ચલાવવામાં આવશે.

આંદોલન અંગે ઓક્ટોબરમાં નિર્ણય લેવામાં આવશે

સરદાર વીએમ સિંહે કહ્યું કે મંગળવારે યોજાયેલી બેઠકમાં 20 રાજ્યોની અંદર ફ્રન્ટ ટીમની રચના કરવામાં આવી છે. જે અંતર્ગત રાજ્ય સંયોજકોની નિમણૂક કરવામાં આવી છે, જેઓ પોતપોતાના રાજ્યોમાં MSP અંગે પ્રચાર અને જાગૃતિ અભિયાનની કમાન સંભાળશે.

તેમણે કહ્યું કે આ પછી મે મહિનામાં આ તમામ સંયોજકો સાથે બેઠક યોજવામાં આવશે. જે બાદ 6 થી 8 ઓક્ટોબર દરમિયાન દિલ્હીના કાંઝાવાલામાં મોરચાની ત્રણ દિવસીય બેઠકનું આયોજન કરવામાં આવશે. આ બેઠકમાં દેશભરમાંથી ખેડૂતો હાજર રહેશે. જો આ બેઠકમાં MSPને લઈને કોઈપણ પ્રકારના આંદોલનની જરૂર પડશે તો બેઠકમાં આંદોલનની રણનીતિ નક્કી કરવામાં આવશે.

MSP ગેરંટી લાગુ કરવાથી GDPને ફાયદો થશેઃ સરદાર વી.એમ

સરદાર વીએમ સિંહે કહ્યું કે MSP ગેરંટી લાગુ થવાથી દેશના જીડીપીને ફાયદો થશે. અમે સરકારને આ સમજાવવાનો પ્રયાસ કરી રહ્યા છીએ અને આગળ પણ સમજાવીશું. તેમણે કહ્યું કે સરકાર MSME માટે ભંડોળ બહાર પાડે છે, જેઓ કોઈપણ ચીજવસ્તુનું ઉત્પાદન કરી શકે છે, પરંતુ જો ખેડૂતને તેના પાક માટે વધુ ભાવ મળે છે, તો તેની ખરીદ શક્તિમાં વધારો થશે, જેનો સીધો ફાયદો દેશના જીડીપીને થશે.

તેમણે કહ્યું કે સરકાર અને ખેડૂત નેતાઓ વચ્ચેની પ્રથમ બેઠક દરમિયાન જ્યારે 3 એગ્રીકલ્ચર એક્ટ વિરુદ્ધ ખેડૂતોનું આંદોલન શરૂ થયું ત્યારે અમે એમએસપી ગેરંટી કાયદો ઘડવાની પણ માગ કરી હતી. આ કાયદો ખેડૂતો માટે ખૂબ જ મહત્વપૂર્ણ છે.

આ પણ વાંચો: Saheed Diwas: આજે ઉજવાઈ રહ્યો છે શહીદ દિવસ, જાણો ભગત સિંહ સાથે જોડાયેલા કેટલાક અજાણ્યા તથ્યો

આ પણ વાંચો: Viral: ક્લાસમાં બેઠા બાળકે કર્યું કંઈક એવું કે, વીડિયો જોઈ લોકોને આવી સ્કૂલના દિવસોની યાદ