આ છે ડુંગળીની 5 શ્રેષ્ઠ જાત, ખેડૂતોને મળશે મબલખ ઉત્પાદન અને વધારે નફો
ડુંગળીની માગ બજારમાં બારેમાસ રહે છે. ખેડૂતો ડુંગળીની ખરીફ અને રવિ બંને સીઝનમાં ખેતી કરે છે. જો વાવણી સમયે યોગ્ય જાતોની પસંદગી કરવામાં આવે તો ખેડૂતો ડુંગળીની ખેતીથી સારો નફો મેળવી શકે છે.
ગરમી હોય કે ઠંડી દરેક સિઝનમાં ડુંગળીનો (Onion) ઉપયોગ લગભગ બધા જ શાક બનાવવા માટે દરરોજ કરવામાં આવે છે. તેથી જ ડુંગળીની માગ બજારમાં બારેમાસ રહે છે. ખેડૂતો (Farmers) ડુંગળીની ખરીફ અને રવિ બંને સીઝનમાં ખેતી કરે છે. જો વાવણી સમયે યોગ્ય જાતોની પસંદગી કરવામાં આવે તો ખેડૂતો ડુંગળીની ખેતીથી સારો નફો મેળવી શકે છે. બજારમાં ડુંગળીની ઘણી જાતો ઉપલબ્ધ છે, પરંતુ અમે તમને 5 સૌથી અદ્યતન જાતો વિશે જણાવવા જઈ રહ્યા છીએ જે બમ્પરનું ઉત્પાદન આપે છે.
પુસા રેડ
ડુંગળીની આ જાતનો રંગ લાલ છે. એક હેકટરમાં ઓછામાં ઓછી 200 થી 300 ક્વિન્ટલની ઉપજ થાય છે. સ્ટોરેજ માટે કોઈ ખાસ જગ્યાની જરૂર નથી, તેને ગમે ત્યાં રાખી શકાય છે. ડુંગળીનું વજન 70 થી 80 ગ્રામ હોય છે. પાક 120-125 દિવસમાં તૈયાર થઈ જાય છે.
પુસા રતનાર
ડુંગળીની આ જાતનો આકાર સહેજ સપાટ અને ગોળાકાર છે. આ ઘેરા લાલ રંગની જાત સાથે, ખેડૂતો હેક્ટર દીઠ 400 થી 500 ક્વિન્ટલ ડુંગળીનું ઉત્પાદન મેળવી શકે છે. પાક 125 દિવસમાં તૈયાર થઈ જાય છે.
હિસાર – 2
આ જાતની ડુંગળી પણ ઘેરા લાલ અને ભૂરા રંગની હોય છે. રોપણી પછી 175 દિવસ પાક તૈયાર થાય છે. તેની સૌથી ખાસ વાત એ છે કે તેનો સ્વાદ તીખો હોતો નથી. તે પ્રતિ હેક્ટર 300 ક્વિન્ટલ સુધી ઉપજ આપે છે.
પુસા વ્હાઇટ ફ્લેટ
આપણે ક્યારેક બજારમાં સફેદ રંગની ડુંગળીની ખરીદી કરીએ છીએ, તે આ જ જાત છે. રોપણી પછી 125 થી 130 દિવસમાં તે પાકે છે. સંગ્રહ ક્ષમતા સારી છે. ઉપજ 325 થી 350 ક્વિન્ટલ પ્રતિ હેક્ટર થઈ શકે છે.
અર્લી ગ્રેનો
ડુંગળીની આ જાતનો રંગ આછો પીળો છે. તેનો ઉપયોગ સામાન્ય રીતે સલાડમાં થાય છે. રોપણી પછી પાક 115-120 દિવસમાં પાકશે. હેક્ટર દીઠ 500 ક્વિન્ટલ સુધી ઉપજ મળી શકે છે.
આ પણ વાંચો : Good News for Farmer: ખેડૂતોની આવક બમણી કરવા માટે સરકારે બીજું મોટું પગલું ભર્યું, લાખો રૂપિયાની મદદની જાહેરાત
આ પણ વાંચો : વરસાદ બાદ ભેજને કારણે ડુંગળીના પાકમાં ઘણા રોગ થાય છે, નુકસાનથી બચવા આ રીતે કરો નિયંત્રણ