અતિવૃષ્ટિ અને પિંક બોલવોર્મના (Pink Bollworm) હુમલાને કારણે આ વખતે કપાસના (Cotton) ઉત્પાદનને વ્યાપક અસર થઈ છે. કપાસની ઉપજ ઘણી ઓછી રહી છે. એક તરફ ઉપજમાં ઘટાડો ખેડૂતો માટે ચિંતાનો વિષય છે તો બીજી તરફ વધેલા ભાવને કારણે તેમને ખુશ થવાની તકો પણ મળી છે. વાસ્તવમાં ઓછી ઉપજને કારણે કપાસના ભાવમાં નોંધપાત્ર વધારો થયો છે. હાલમાં, કપાસનો પાક લઘુત્તમ ટેકાના ભાવ (MSP) કરતા 60 ટકા વધુ ભાવે વેચાઈ રહ્યો છે. સરકારે કપાસની MSP-5,925 રૂપિયા નક્કી કરી છે. ઓછી ઉપજ અને કપાસની ખરીદીમાં ખાનગી કંપનીઓની એન્ટ્રીએ પરિસ્થિતિ ખેડૂતોની તરફેણમાં ફેરવી દીધી છે. હરિયાણાના સિરસા જિલ્લામાં વેપારીઓ રૂ. 9700 પ્રતિ ક્વિન્ટલના ભાવે કપાસની ખરીદી કરી રહ્યા છે. ખેડૂતોને આશા છે કે ભાવ હજુ વધશે. તેમનું કહેવું છે કે અમે વરસાદ અને ગુલાબી બોલવોર્મના હુમલાથી થતા નુકસાનને વધતા ભાવથી ઘટાડી રહ્યા છીએ.
કોટન કોર્પોરેશન ઓફ ઈન્ડિયા (CCI)ના અધિકારી મોહિત શર્માએ જણાવ્યું હતું કે, ગયા વર્ષે સપ્ટેમ્બરમાં કમોસમી વરસાદ અને ત્યારબાદ ગુલાબી બોલવોર્મના હુમલાએ માત્ર ઉપજને જ નહીં પરંતુ પાકની ગુણવત્તાને પણ અસર કરી છે.
તેમણે કહ્યું કે ઓછી ઉપજની સાથે આંતરરાષ્ટ્રીય બજારના ભાવ પણ ખેડૂતો માટે નફાકારક છે. હાલમાં વિદેશી બજારોમાં રૂના ભાવ ખૂબ ઊંચા છે, જેની અસર સ્થાનિક બજારો પર પડી રહી છે. મોહિત શર્માએ કહ્યું કે સીસીઆઈએ આ વખતે હજુ સુધી કપાસની ખરીદી કરી નથી. જોકે અમે તેના માટે તૈયાર હતા.
સીસીઆઈના અધિકારીએ કહ્યું કે હાલમાં કપાસની કિંમત સરકાર દ્વારા નક્કી કરવામાં આવેલી MSP કરતા ઘણી વધારે છે. આ જ કારણ છે કે ખેડૂતો અમને ઉત્પાદન વેચતા નથી. તેમણે જણાવ્યું કે પાકની ગુણવત્તાના આધારે કપાસ 9000 થી 9700 રૂપિયા પ્રતિ ક્વિન્ટલના ભાવે વેચાઈ રહ્યો છે. બજારના નિષ્ણાતોએ જણાવ્યું હતું કે લણણીની સિઝન લગભગ પૂરી થઈ ગઈ છે. સિરસા જિલ્લાના વિવિધ બજારોમાં અત્યાર સુધીમાં માત્ર 16.36 લાખ ક્વિન્ટલ કપાસની આવક થઈ છે જ્યારે ગયા વર્ષે 22.76 લાખ ક્વિન્ટલ કપાસ આવ્યો હતો.
એક કૃષિ અધિકારીએ જણાવ્યું કે હરિયાણામાં આ સિઝનમાં લગભગ 14.78 લાખ એકર કપાસનું વાવેતર થયું છે, જેમાં સિરસામાં 5 લાખ એકર જમીનનો સમાવેશ થાય છે. અહેવાલમાં ઉલ્લેખ કરવામાં આવ્યો છે કે વરસાદ અને ગુલાબી બોલવોર્મના હુમલાને કારણે લગભગ 50 થી 70 ટકા પાક નાશ પામ્યો હતો.
આ પણ વાંચો : Lily Flower Farming: લીલીના ફૂલથી થશે સારી કમાણી, આવો જાણીએ કેવી રીતે ખેતી કરવામાં આવે છે અને શું રાખવું પડે છે ધ્યાન
આ પણ વાંચો : ખેડૂતોના ફાયદાની વાત, ક્યાંક તમે આ સુવિધાનો લાભ લેવાનું ચૂકી તો રહ્યા નથીને
Published On - 8:14 pm, Fri, 21 January 22