ટૂંક સમયમાં મોંઘા ખાદ્ય તેલની સમસ્યા દૂર થશે, સરકારે લીધા મહત્વના પગલા : કેન્દ્રીય કૃષિ મંત્રી

મોદી સરકારે તાજેતરમાં ‘નેશનલ એડિબલ ઓઇલ મિશન – પામ ઓઇલ’ શરૂ કર્યું છે. તે મુજબ આગામી દિવસોમાં, ભારત પામ તેલની આયાત પરની નિર્ભરતા ઘટાડવાના ઉદ્દેશ સાથે પૂર્વોત્તર ભારત અને આંદામાન અને નિકોબારમાં પામ તેલની ખેતી અને પ્રક્રિયા પર ભાર મૂકશે.

કેન્દ્રીય કૃષિ અને ખેડૂત કલ્યાણ મંત્રી નરેન્દ્ર સિંહ તોમરે કહ્યું કે સબકા સાથ-સબકા વિકાસ-સબકા વિશ્વાસ-સબકા પ્રાયસના સિદ્ધાંતના આધારે દેશને આગળ લઈ જવા માટે મોદીજીના નેતૃત્વમાં સૌથી સફળ પ્રયાસો થઈ રહ્યા છે. કેન્દ્રીય કૃષિ અને ખેડૂત કલ્યાણ મંત્રી નરેન્દ્ર સિંહ તોમરે ગુવાહાટીમાં ઉત્તર પૂર્વીય રાજ્યોની રાષ્ટ્રીય ખાદ્યતેલ મિશન-ઓઈલ સમિટમાં આ વાત કરી હતી.

ટૂંક સમયમાં મોંઘા ખાદ્ય તેલની સમસ્યા હલ થશે કેન્દ્રીય કૃષિ અને ખેડૂત કલ્યાણ મંત્રી નરેન્દ્ર સિંહ તોમરે જણાવ્યું હતું કે, વડાપ્રધાન મોદીના નેતૃત્વમાં, ઉત્તર -પૂર્વના વિશાળ સંભવિત વિસ્તારનો ઉપયોગ કરવા અને તેલની આયાત નિર્ભરતા ઘટાડવાની તેમની દ્રષ્ટિ, કેન્દ્ર સરકારે રાષ્ટ્રીય સ્તરે રૂ. 11 હજાર કરોડના ખાદ્ય તેલ મિશન – ઓઇલ પામને મંજૂરી આપી છે. આ મિશન માત્ર ઓઇલ પામ ઉત્પાદન વધારવા અને આયાત ઘટાડવાની બાબતમાં જ નહીં પરંતુ રોજગારીની દ્રષ્ટિએ પણ ખૂબ મહત્વ ધરાવે છે. અહીં આવતા રોકાણથી આ સમગ્ર વિસ્તારમાં રોજગારીનું સર્જન થશે અને વિસ્તારનો સર્વાંગી વિકાસ શક્ય બનશે.

કેન્દ્રીય મંત્રીએ કહ્યું કે દેશમાં 28 લાખ હેક્ટર વિસ્તાર પામતેલની ખેતી માટે યોગ્ય છે, જેમાંથી લગભગ 9.62 લાખ હેક્ટર એકલા ઉત્તર પૂર્વમાં ઉપલબ્ધ છે. આ મિશન ખેડૂતોને વળતરના ભાવની ખાતરી પણ આપે છે. DBT મારફતે ખેડૂતોના ખાતામાં ટ્રાન્સફર કરવામાં આવશે. ખેડૂતોએ કોઈ પણ ચિંતા કર્યા વગર વધુમાં વધુ ખેતી કરીને મિશનનો લાભ લેવો જોઈએ. ઉદ્યોગ અહીં આવે તે માટે ખેડૂતોએ પણ વાતાવરણ બનાવવામાં યોગદાન આપવું જોઈએ.

તોમરે કહ્યું કે વડાપ્રધાને ભાર મૂક્યો છે કે અનાજની જેમ આપણો દેશ દરેક બાબતમાં આત્મનિર્ભર હોવો જોઈએ અને નિકાસ વધવી જોઈએ. આપણા દેશની મોટાભાગની વસ્તી ગામડાઓમાં રહે છે અને મોટી સંખ્યામાં લોકો ખેતરોમાં કામ કરે છે. રાજ્યો અને તમારા બધાના સહકારથી મિશનની સફળતા મેળવી શકાય છે. આશા છે કે આ સમિટ મિશનની ઝડપી પ્રગતિને સક્ષમ કરશે.

વિકાસ હવે ગતિ પકડી રહ્યો છે : જી. કિશન રેડ્ડી કેન્દ્રીય ઉત્તર પૂર્વીય પ્રદેશ વિકાસ અને પ્રવાસન અને સંસ્કૃતિ મંત્રી જી. કિશન રેડ્ડીએ જણાવ્યું હતું કે મિશનનું લક્ષ્ય પામ તેલની ખેતીને પ્રોત્સાહન આપવાનું છે, જેથી દેશ ખાદ્ય તેલોની બાબતમાં આત્મનિર્ભર બની શકે. તેમણે વિશ્વાસ વ્યક્ત કર્યો કે તમામ રાજ્યો મળીને આ કેન્દ્રિય પ્રાયોજિત મિશનને સફળ બનાવશે. પૂર્વોત્તરમાં રેલવે જોડાણ માટે મિશન મોડ પર કામ કરવામાં આવી રહ્યું છે. પ્રદેશના રાજ્યોમાં રસ્તા, સંચાર સહિત અન્ય તમામ સુવિધાઓ માટે પણ કામ ઝડપથી કરવામાં આવી રહ્યું છે.

આ પણ વાંચો : Haryana: લખીમપુર બાદ હવે અંબાલામાં પણ હંગામો, ભાજપના સાંસદ પર વિરોધ કરી રહેલા ખેડૂતો પર કાર ચલાવવાનો લાગ્યો આરોપ

આ પણ વાંચો : Nobel Prize 2021: અબ્દુલરાઝક ગુરનાહને સાહિત્યમાં નોબેલ, શરણાર્થીઓની સમસ્યા ઉજાગર કરવા બદલ મળ્યુ સન્માન