મોદી સરકારના આ મિશનને આગળ વધારશે હરિયાણા, ખેડૂતો સુધી પહોંચશે ડિજિટલ દુનિયાના ફાયદા

મોદી સરકાર કૃષિ ક્ષેત્રને ડિજિટલ વિશ્વનો લાભ આપવાનો પ્રયાસ કરી રહી છે. તેને ડિજિટલ એગ્રીકલ્ચર (Digital Agriculture) મિશન નામ આપવામાં આવ્યું છે. હરિયાણા આ દિશામાં પરિવર્તન કરવા આગળ આવ્યું છે, જે આ વિસ્તારના કામોનો લાભ ખેતી સાથે સંકળાયેલા લોકો સુધી પહોંચાડવાનો પ્રયાસ કરશે. હરિયાણાના કૃષિ વિભાગે કૃષિમાં રિમોટ સેન્સિંગ, જિયોગ્રાફિકલ ઈન્ફોર્મેશન ટેક્નોલોજી, ડેટા એનાલિટિક્સ, આર્ટિફિશિયલ ઈન્ટેલિજન્સ (Artificial intelligence), મશીન લર્નિંગ અને બ્લોકચેન જેવી ઉભરતી તકનીકોનો ઉપયોગ કરવા માટે એક પાયલોટ પ્રોજેક્ટ શરૂ કર્યો છે. આ પ્રોજેક્ટ્સની સફળતા બાદ તેને અપગ્રેડ કરીને રાજ્ય સ્તરે ઉપયોગમાં લેવાશે, જેથી ખેડૂતોને ટેકનોલોજી (Technology)નો લાભ મળી શકે.

હરિયાણા એ રાજ્યોમાં સામેલ છે, જ્યાં અર્થવ્યવસ્થાનો આધાર કૃષિ અને પશુપાલન છે. કેન્દ્ર સરકારનું માનવું છે કે કૃષિ ક્ષેત્રમાં ડિજિટલ ટેકનોલોજીના ઉપયોગથી આયોજન સરળ બનશે. પારદર્શિતા આવશે અને સામાન્ય ખેડૂતો સુધી યોજનાઓ પહોંચવામાં સરળતા રહેશે. ઉત્પાદકતા વધશે, કૃષિ વિભાગના અધિક મુખ્ય સચિવ ડૉ. સુમિતા મિશ્રાએ જણાવ્યું હતું કે પાકની ઉપજ અને પાકના નુકસાનના વધુ સચોટ અંદાજ માટે આર્ટિફિશિયલ ઈન્ટેલિજન્સ સાથે સેટેલાઈટ, ડ્રોન ઈમેજનો ઉપયોગ કરવામાં આવશે.

કેટલો ફાયદો થશે

ડો. મિશ્રાએ માહિતી આપી હતી કે પાકમાં જીવાતો, નીંદણ અને રોગોનું મોનિટરિંગ પણ સેટેલાઈટ, ડ્રોન દ્વારા અલગ-અલગ સમયે મળેલી ઈમેજરીનો ઉપયોગ કરીને આયોજન કરવામાં આવ્યું છે. હરિયાણામાં જંતુનાશકો અને રાસાયણિક ખાતરના છંટકાવ માટે ડ્રોનનો ઉપયોગ કરીને પ્રિ-સિઝન ફાર્મિંગ પણ લાગુ કરવામાં આવશે.

ડ્રોનને સ્પ્રે કરવા માટે ઓછો સમય લાગશે અને માનવ હસ્તક્ષેપ વિના રસાયણો સાથે સમાનરૂપે છંટકાવ કરી શકાય છે. આ ઉપરાંત, બ્લોક ચેઈન ટેક્નોલોજી દ્વારા ખાદ્યાન્નના સોર્સિંગ પર દેખરેખ રાખવા માટે પણ અભ્યાસ કરવામાં આવશે, જે ખેડૂતોને બ્રાન્ડિંગ, ઉત્પાદનના માર્કેટિંગ અને સારી કિંમત મેળવવામાં મદદ કરશે.

પાયલોટ પ્રોજેક્ટમાં શું થશે?

ડિજિટલ એગ્રીકલ્ચર મિશનમાં ખેડૂતોનો ડેટાબેઝ ખૂબ જ મહત્વપૂર્ણ છે. લગભગ 6 કરોડ ખેડૂતોની સંપૂર્ણ વિગતો કેન્દ્ર સરકાર પાસે તૈયાર છે. હવે હરિયાણા સરકારે આર્ટિફિશિયલ ઈન્ટેલિજન્સ અને ડિજિટલ ટેક્નોલોજીનો ઉપયોગ કરીને 5 પ્રોજેક્ટને ખાસ મંજૂરી આપી છે. આનાથી અહીંના કૃષિ ક્ષેત્રમાં મોટો ફેરફાર થવાની અપેક્ષા છે. આ પ્રોજેક્ટ્સની સંપૂર્ણ વિગતો અહીં છે.

1. ઉપગ્રહ અને ડ્રોન ઈમેજ દ્વારા પાક ઉત્પાદન અંદાજ.
2. સેટેલાઈટ અને ડ્રોન ઈમેજીસ દ્વારા પાક નિષ્ફળતાનો અંદાજ.
3. પાકમાં જીવાતો અને રોગોનો અંદાજ.
4. બ્લોકચેન ટેકનોલોજીનો ઉપયોગ કરીને સપ્લાય ચેઈન મોનિટરિંગ.
5. ખેતીમાં ડ્રોનનો ઉપયોગ કરીને જંતુનાશકો અને રાસાયણિક ખાતરોનો છંટકાવ.

ડિજિટલ એગ્રી મિશનમાં કેટલા પૈસા મળ્યા?

અધિક મુખ્ય સચિવે માહિતી આપી હતી કે રાજ્યમાં ડિજિટલ ટેકનોલોજીના ઉપયોગને પ્રોત્સાહન આપવા માટે કેન્દ્રીય કૃષિ મંત્રાલયે કુલ પ્રોજેક્ટ ખર્ચમાંથી રાષ્ટ્રીય કૃષિ ઈ-ગવર્નન્સ પ્લાન (NeGPA-National e-Governance Plan in Agriculture) હેઠળ 15.80 કરોડ રૂપિયાના કુલ પ્રોજેક્ટ કોસ્ટમાંથી હરિયાણા માટે રૂ. 8.29 કરોડ મંજૂર કરવામાં આવ્યા છે. પ્રોજેક્ટનો ખર્ચ કેન્દ્ર અને રાજ્ય સરકારો દ્વારા 60:40ના ગુણોત્તરમાં વહેંચવામાં આવશે.

આ પણ વાંચો: Mandi: મહેસાણાના વિસનગર APMCમાં જુવારના મહત્તમ ભાવ રૂપિયા 3850 રહ્યા, જાણો જુદા-જુદા પાકના ભાવ

આ પણ વાંચો: આજે પિતૃદોષમાંથી મુક્તિ મેળવવાનો શ્રેષ્ઠ અવસર, જાણો પિતૃઓને કેવી રીતે કરશો પ્રસન્ન?

વધુ સમાચાર વાંચવા માટે અમારી ટ્વીટર કોમ્યુનિટીમાં જોડાવા અહીં ક્લિક કરો