Online Fraud: મહિલા સાથે થઈ 10 લાખની છેતરપિંડી, ફ્રોડની રીત જાણી ઉડી જશે હોંશ

તમે ઘરે બેઠા પૈસા કમાવવા માટે ઘણી બધી જાહેરાતો જોઈ હશે. કેટલીકવાર આ જાહેરાતો પૈસા કમાવવા માટે નથી હોતી પરંતુ ચોક્કસપણે બેંક ખાતું ખાલી કરવાનું કારણ બની જાય છે. આવો જ એક કિસ્સો ગુરુગ્રામથી સામે આવ્યો છે. જ્યાં એક મહિલાને ઓનલાઈન વીડિયો જોઈને કમાવાની લાલચ આપીને 10 લાખથી વધુની છેતરપિંડી કરવામાં આવી છે.

આ પણ વાંચો: સ્લો ઈન્ટરનેટ સ્પીડ અને Call Dropથી મળશે મુક્તિ? TRAIનો કંપનીઓને આદેશ તાત્કાલિક સુધારે

મહિલા પાસેથી ટેલિગ્રામ પર કમાણીનું બહાનું આપીને આ છેતરપિંડી કરવામાં આવી હતી. ખરેખર, મહિલાને ટેલિગ્રામ એપ પર વીડિયો જોયા બાદ તેને લાઈક કરવાનું કહેવામાં આવ્યું હતું અને તેના બદલામાં મોટી કમાણી કરવાનું કહેવામાં આવ્યું હતું.

Web Stories View more

મુંબઈની નવરાત્રીમાં અમદાવાદની દીકરી ઐશ્વર્યા મજમુદારે મચાવી ધૂમ, જુઓ Video

સચિન તેંડુલકર બન્યો કેપ્ટન, ચાહકોને 24 વર્ષ જૂના દિવસોની આવશે યાદ

પતિના મૃત્યુ બાદ પણ રેખા કેમ સિંદૂર લગાવે છે? જાતે જણાવ્યું કારણ

Blood Sugar કંટ્રોલમાં લાવવા માટે આ રીતે કરો તુલસીનો ઉપયોગ

મહારાષ્ટ્રના સૌથી મોટા નવરાત્રી ઉત્સવમાં ગુજરાતી ગાયક ગીતા રબારીએ મચાવી ધમાલ, જુઓ Video

ક્રિકેટર રવીન્દ્ર જાડેજા ફરી ઘોડે ચડયા, જુઓ Video

શું છે સમગ્ર મામલો?

મીડિયા રિપોર્ટ્સ અનુસાર મહિલા ગુરુગ્રામની રહેવાસી છે અને તેનું નામ શાનુપ્રિયા વર્ષાને છે. મહિલાએ પોલીસમાં કરેલી ફરિયાદ મુજબ મહિલાને 1 ફેબ્રુઆરીના રોજ વોટ્સએપ પર ઓફર મળી હતી. જેમાં તેમને ડિજિટલ માર્કેટિંગમાં રોકાણ કરીને જંગી વળતર આપવામાં આવશે તેમ જણાવાયું હતું. આ માટે મહિલાએ ટેલિગ્રામ એપ પર યુટ્યુબ વીડિયો જોઈને લાઈક કરવાનો રહેશે અને તે ઘરે બેસીને મોટી કમાણી કરી શકે છે.

મહિલાને સૌપ્રથમ ટેલિગ્રામ ગ્રુપમાં એડ કરવામાં આવી હતી. પોસ્ટ દ્વારા તેને કહેવામાં આવ્યું હતું કે તેણે યુટ્યુબ પર વીડિયો જોઈને તેને લાઈક કરવાનો છે અને શરૂઆતમાં મહિલાને વીડિયો જોવા અને લાઈક કરવા માટે થોડા રૂપિયા આપવામાં આવ્યા હતા, પરંતુ ત્યારબાદ અસલી ખેલ શરૂ થયો હતો.

મેમ્બરશીપના નામે ફસાવ્યા

સૌથી પહેલા મહિલાને વીઆઈપી મેમ્બરશિપના નામે 8000 રૂપિયા જમા કરાવવા માટે કહેવામાં આવ્યું હતું. આ પછી મહિલાને સુપર વીઆઈપી સભ્યપદ માટે ફી જમા કરવા માટે કહેવામાં આવ્યું. તેના બદલામાં મહિલા પાસેથી મોટું વળતર મળવાનું કહેવાયું હતું. ઠગ આટલેથી ન અટક્યા, મહિલાની સભ્યપદના નામે 10 લાખ રૂપિયાથી વધુની છેતરપિંડી આચરવામાં આવી. મહિલા સાથે અંદાજે 10 લાખ 75 હજાર રૂપિયાની છેતરપિંડી કરવામાં આવી હતી. મહિલાએ છેતરપિંડીની આશંકાથી પોલીસને જાણ કરી હતી.

આ રીતે સાવચેત રહો

• કોઈપણ સાયબર છેતરપિંડીથી બચવાનો સૌથી સરળ રસ્તો છે, કોઈપણ અજાણી લિંક પર ક્લિક કરશો નહીં અને ચૂકવણી કરશો નહીં.
• તમારી બેંકિંગ વિગતો, OTP અને ATM પાસવર્ડ કોઈની સાથે શેર કરશો નહીં.
• મફત ભેટનું વચન આપતા કૉલ્સથી સાવચેત રહો અને તેમને કોઈપણ માહિતી અને OTP આપશો નહીં.
• ઘરે બેસીને કમાવાની લાલચમાં ન પડો. આવા કૉલ્સ અથવા જાહેરાતોને અવગણો.
• સોશિયલ મીડિયા અથવા ઈન્ટરનેટ પર કોઈપણ અવાંછિત ઈ-મેઈલ, એસએમએસ અથવા મેસેજમાં કોઈપણ જોડાણ અથવા લિંક ખોલશો નહીં.
• તમારા એકાઉન્ટના પાસવર્ડ નિયમિતપણે બદલો.