સ્લો ઈન્ટરનેટ સ્પીડ અને Call Dropથી મળશે મુક્તિ? TRAIનો કંપનીઓને આદેશ તાત્કાલિક સુધારે
આ બેઠકમાં ટેલિકોમ કંપનીઓને તેમની સેવા સુધારવા માટે કહેવામાં આવ્યું છે. TRAIએ તમામ ટેલિકોમ ઓપરેટરોને તેમની કોલ ક્વોલિટી સુધારવા અને કોલ ડ્રોપ્સની સમસ્યા દૂર કરવા નિર્દેશ આપ્યો છે. ઓથોરિટીએ કહ્યું છે કે સર્વિસ પ્રોવાઈડરોએ ધ્યાન રાખવું જોઈએ કે કોલ ડ્રોપ્સની કોઈ સમસ્યા ન થાય.
5G લોન્ચ થયા પછી પણ ઘણા યુઝર્સ કોલ ડ્રોપ્સ અને ખરાબ નેટવર્કની સમસ્યાથી પરેશાન છે. યુઝર્સની સતત ફરિયાદો બાદ ટેલિકોમ રેગ્યુલેટરી ઓથોરિટી ઓફ ઈન્ડિયાએ આ અંગે સંજ્ઞાન લીધું છે. ઓથોરિટીએ 17 ફેબ્રુઆરીએ તમામ ટેલિકોમ ઓપરેટરો સાથે બેઠક યોજી હતી. આ બેઠકમાં ટેલિકોમ કંપનીઓને તેમની સેવા સુધારવા માટે કહેવામાં આવ્યું છે. TRAIએ તમામ ટેલિકોમ ઓપરેટરોને તેમની કોલ ક્વોલિટી સુધારવા અને કોલ ડ્રોપ્સની સમસ્યા દૂર કરવા નિર્દેશ આપ્યો છે. ઓથોરિટીએ કહ્યું છે કે સર્વિસ પ્રોવાઈડરોએ ધ્યાન રાખવું જોઈએ કે કોલ ડ્રોપ્સની કોઈ સમસ્યા ન થાય.
આ પણ વાંચો: હવે WhatsApp વીડિયો કોલ પર પણ મળશે PiP ફીચર, યુઝર્સને મળશે વધુ સારો અનુભવ
TRAIએ ક્વોલિટી સુધારવા માટે આપી સૂચના
આ સિવાય TRAIએ તમામ ટેલિકોમ કંપનીઓને ઓછામાં ઓછુ ડિસ્ટર્બન્સ થાય, એવુ મેન્ટેન કરવા માટે કહ્યુ છે. ટેલિકોમ રેગ્યુલેટરી ઓથોરિટી ઓફ ઈન્ડિયાએ કોલ ડ્રોપ અને ધીમી ઈન્ટરનેટ સ્પીડની ફરિયાદ પર આ બેઠક યોજી હતી. જો અહેવાલોનું માનીએ તો ટ્રાઈએ બેઠકમાં જણાવ્યું હતું કે જો સેવાની ક્વોલિટીમાં સુધારો નહીં થાય તો તે સેવા પ્રોવાઈડર પર કેટલાક નિયમન લાદી શકે છે. ઓથોરિટી ટેલિકોમ કંપનીઓની સેવા પર નજર રાખી રહ્યા છે.
લાગુ થઈ શકે છે કડક નિયમો
અગાઉ ટેલિકોમ્યુનિકેશન વિભાગે ટ્રાઈને કડક નિયમો બનાવવાનો આદેશ આપ્યો હતો. DoTએ ટ્રાઈને ક્વોલિટી ઓફ સર્વિસ પર કડક નિયમો બનાવવા કહ્યું છે. કોલ ડ્રોપની સતત ફરિયાદો બાદ વિભાગે આ પગલું ભર્યું છે. આ બાબતમાં એક અધિકારીએ જણાવ્યું હતું કે DoTએ TRAIને ક્વોલિટી ઓફ સર્વિસ પેરામીટરને કડક બનાવવા કહ્યું છે. અગાઉના અહેવાલો અનુસાર ટેલિકોમ્યુનિકેશન વિભાગે વૈશ્વિક સ્તરે ટેલિકોમ સર્વિસેસની ક્વાલિટી પર સ્ટડી કરી છે અને કેટલાક મુખ્ય પ્રદર્શન સૂચકાંકોનું અવલોકન કર્યું છે. DoT એ TRAI સાથે સમાન પરિમાણો શેર કર્યા છે.
5G લોન્ચ થયા પછી પણ નથી સુધરી રહી ક્વોલિટી
વાસ્તવમાં, 5G નેટવર્ક લોન્ચ થયા પછી ટેલિકોમ સેવાઓ વધુ સારી થવાની આશા હતી, પરંતુ એવું થયું નહીં. યુઝર્સે પહેલા કરતા વધુ કોલ ડ્રોપ અને ધીમી ઈન્ટરનેટ સ્પીડની સમસ્યા જોઈ. યૂઝર્સ આ અંગે સતત ફરિયાદ કરી રહ્યા હતા, ત્યારપછી ટ્રાઈએ ટેલિકોમ સર્વિસ પ્રોવાઈડર્સ સાથે બેઠક કરી છે.