BSFએ અમૃતસરમાં પાકિસ્તાનથી આવતા ડ્રોનને તોડી પાડ્યું, લગભગ 11 કિલો હેરોઈન જપ્ત
બોર્ડર સિક્યોરિટી ફોર્સ (BSF) એ પંજાબના અમૃતસરમાં હેરોઈન લઈને જઈ રહેલા પાકિસ્તાની ડ્રોનને તોડી પાડ્યું છે. આ ડ્રોનમાંથી 9 પેકેટ મળી આવ્યા છે, જેનું વજન 10.67 કિલો છે.
બોર્ડર સિક્યોરિટી ફોર્સ (BSF) એ પંજાબના (Punjab) અમૃતસરમાં હેરોઈન લઈને જઈ રહેલા પાકિસ્તાની ડ્રોનને (Pakistani drones)તોડી પાડ્યું છે. BSFએ સોમવારે આ જાણકારી આપી. બીએસએફએ કહ્યું કે તેણે ડ્રોનમાંથી હેરોઈનના નવ પેકેટો જપ્ત કર્યા અને સીમા પારથી દાણચોરીના પ્રયાસને નિષ્ફળ બનાવ્યો. તેના સત્તાવાર ટ્વિટર હેન્ડલ પરથી માહિતી આપતાં, BSF પંજાબ ફ્રન્ટિયરે કહ્યું કે તેમને પાકિસ્તાની ડ્રોનમાંથી 9 પેકેટ મળ્યા છે, જેનું વજન 10.67 કિલો છે. હેરોઈનનો આટલો મોટો જથ્થો મળ્યા બાદ બીએસએફની સાથે અન્ય એજન્સીઓના અધિકારીઓ પણ આ વિસ્તારમાં સર્ચ ઓપરેશન ચલાવી રહ્યા છે.
આ પહેલા BSFએ શનિવારે આંતરરાષ્ટ્રીય બોર્ડર પર પાકિસ્તાની ડ્રોનની હિલચાલની જાણ થતાં અનેક રાઉન્ડ ફાયરિંગ કર્યું હતું. એક અધિકારીએ આ માહિતી આપી. તેમણે જણાવ્યું હતું કે ડ્રોન પાકિસ્તાન પરત ફર્યું હતું, પરંતુ ડ્રોનમાંથી કોઈ સામગ્રી છોડવામાં ન આવે તે સુનિશ્ચિત કરવા માટે એક વિશાળ સર્ચ ઓપરેશન શરૂ કરવામાં આવ્યું હતું.
ડ્રોનને નષ્ટ કરવા માટે આઠ રાઉન્ડ ફાયરિંગ
આ કેસમાં જમ્મુ ફ્રન્ટિયર બીએસએફના ડેપ્યુટી ઈન્સ્પેક્ટર જનરલ અને જનસંપર્ક અધિકારી એસ. પી. સંધુએ કહ્યું, “પાકિસ્તાન તરફથી એક ડ્રોનને સાંજે 7.25 વાગ્યે અરનિયા વિસ્તારમાં ભારતીય ક્ષેત્રની નજીક આવતું જોવા મળ્યું હતું.” તેણે લગભગ આઠ રાઉન્ડ ફાયરિંગ કર્યું, સંધુએ જણાવ્યું હતું કે સમગ્ર વિસ્તારને કોર્ડન કરી લેવામાં આવ્યો હતો અને ડ્રોનમાંથી કોઈ સામગ્રી છોડવામાં ન આવે તેની ખાતરી કરવા માટે સર્ચ ઓપરેશન શરૂ કરવામાં આવ્યું હતું. બીએસએફ દ્વારા સાંબા જિલ્લાના ચક ફકીરા વિસ્તારમાં ભૂગર્ભ સીમા પાર સુરંગનો પર્દાફાશ કર્યાના ત્રણ દિવસ બાદ આ ઘટના બની હતી.
હરિયાણામાં પણ આતંકવાદી ષડયંત્રને નિષ્ફળ બનાવાયું હતું
ગુરુવારે હરિયાણાના કરનાલમાં વિસ્ફોટકોની સપ્લાય માટે તેલંગાણા જઈ રહેલા પાકિસ્તાન સાથે જોડાયેલા ચાર શંકાસ્પદ આતંકવાદીઓના વાહનમાંથી હથિયારો, વિસ્ફોટકો અને આઈઈડી મળી આવ્યા હતા. આ સાથે એક મોટા આતંકવાદી ષડયંત્રને નિષ્ફળ બનાવ્યું હતું. વરિષ્ઠ પોલીસ અધિકારીઓએ જણાવ્યું હતું કે કરનાલના પોલીસ અધિક્ષક ગંગા રામ પુનિયાએ જણાવ્યું હતું કે તેઓ કથિત રીતે પાકિસ્તાન સ્થિત એક વ્યક્તિના સંપર્કમાં હતા. જે આતંકવાદી પ્રવૃત્તિઓમાં સામેલ છે અને તેને એપ દ્વારા તે જગ્યાઓ વિશે માહિતી મોકલે છે. જ્યાં વિસ્ફોટકો અને હથિયારો પહોંચાડવાના હોય છે.