બાળકોની રસી માટે ફાયઝરનો વિકલ્પ બનશે કોવેક્સિન ? ભારત અમેરિકા અને કેનેડામાં રસી અપાઈ શકે છે
ભારત બાયોટેક દ્વારા ભારતમાં વિકસાવવામાં આવેલ કોવેક્સિનને બુધવારે WHO તરફથી કટોકટીના ઉપયોગની મંજૂરી મળી છે અને તે પહેલાથી જ 17 દેશોમાં ઉપયોગ માટે મંજૂર કરવામાં આવી છે.
દુનિયાભરમાં હાલ માત્ર યુએસ(US)માં જ બાળકો માટેની કોરોના(Corona) સામેની રસી(Vaccine) ફાયઝર મંજુર છે. પરંતુ થોડા જ દિવસોમાં અન્ય એક વિકલ્પ પણ દુનિયાને મળી શકે છે. જે ભારતની ભારત બાયોટેક (Bharat Biotech) કંપનીએ વિકસાવેલી કોવેક્સિન હોઇ શકે છે.
ભારત બાયોટેકની રસી યુએસમાં 2 થી 18 વર્ષની વયના બાળકોને આપી શકાય છે. આ માટે, ભારત બાયોટેકની પેટાકંપની ઓક્યુજેન ઇન્ક.એ કેનેડિયન અને યુએસ સત્તાવાળાઓ પાસેથી પરવાનગી માંગી છે. જો યુએસ અને કેનેડા આને મંજૂરી આપે છે, તો ભારતમાં ભારત બાયોટેક (COVAXIN) દ્વારા બનાવવામાં આવેલી કોરોના રસીનો ઉપયોગ આ બંને દેશોમાં પણ થવા લાગશે.
યુએસ અને કેનેડામાં ભારત બાયોટેકના ભાગીદાર ઓક્યુજેન ઇન્ક.એ શુક્રવારે કહ્યું કે તેણે કોવિડ-19 વિરોધી રસી માટે બાળકો માટે રસીના ઉપયોગ માટે યુએસ ફૂડ એન્ડ ડ્રગ એડમિનિસ્ટ્રેશન (FDA)ને અરજી કરી છે. ઓક્યુજેન ઇન્ક.એ બંને દેશોને જણાવ્યું છે કે તેની એપ્લિકેશન ભારત બાયોટેક દ્વારા બે થી 18 વર્ષની વયના 526 બાળકો અને કિશોરો પર ભારતમાં તબક્કા II-III ‘ક્લિનિકલ ટ્રાયલ’ના પરિણામો પર આધારિત છે.
ઓક્યુજેન ઇન્ક. પાસે માગવામાં આવેલી મંજુરીમાં ભારતમાં લગભગ 25,800 પુખ્તો પર હાથ ધરવામાં આવેલા ત્રીજા તબક્કાના પરિણામોનો પણ ઉલ્લેખ કરવામાં આવ્યો છે.બોર્ડના સહ-સ્થાપક અને અધ્યક્ષ શંકર મુસુનુરીએ જણાવ્યું હતું કે, “યુ.એસ.માં બાળકો માટે રસીના કટોકટીના ઉપયોગની મંજુરી માગવાની અરજી એ રસી પૂરી પાડવા અને કોવિડ-19 રોગચાળા સામે લડવામાં મદદરૂપ પગલુ છે”
તેમણે કહ્યું કે, ”કેટલાક અભ્યાસોએ સૂચવ્યું છે કે લોકો પોતાના માટે અને ખાસ કરીને તેમના બાળકો માટે રસીની પસંદગીમાં વધુ પસંદગીઓ ઇચ્છે છે. નવા પ્રકારની રસીઓની ઉપલબ્ધતા સાથે, લોકો ડૉક્ટરોની સલાહ લીધા પછી તેમના બાળકો માટે વધુ સારા નિર્ણયો લઈ શકશે.” તાજેતરમાં વર્લ્ડ હેલ્થ ઓર્ગેનાઈઝેશન (WHO) એ કોવેક્સીનના ઈમરજન્સી ઉપયોગને મંજૂરી આપી છે.
ડેટા નકારી શકાય છે! એવું બની શકે છે કે ઓક્યુજેન દ્વારા આપવામાં આવેલ ડેટા, જેમાં યુ.એસ.ની બહાર પરીક્ષણ કરવામાં આવે છે, તે FDA માટે વિનંતી સ્વીકારવા માટે પૂરતું નહીં હોય. એટલે કે, શક્ય છે કે ભારત બાયોટેકની સબસિડિયરીની દરખાસ્ત ફગાવી દેવામાં આવે.
મૂલ્યાંકન ત્રણ વય જૂથોમાં કરાયુ આ ટ્રાયલ ભારતમાં આ વર્ષે મે થી જુલાઈ દરમિયાન ભારત બાયોટેક દ્વારા હાથ ધરવામાં આવી હતી. કોવેક્સિનનું મૂલ્યાંકન ત્રણ વય જૂથોમાં કરવામાં આવ્યું હતું: 2-6 વર્ષ, 6-12 વર્ષ અને 12-18 વર્ષ અને બધા સહભાગીઓને 28 દિવસના અંતરે રસીના બે ડોઝ આપવામાં આવ્યા હતા. 526 બાળકો પર કરવામાં આવેલા આ પરીક્ષણ પછી, કોઈપણ બાળકમાં કોઈ ગંભીર પ્રતિકૂળ ઘટના જોવા મળી ન હતી, ન તો કોઈને હોસ્પિટલમાં દાખલ કરવાની જરૂર પડી હતી.
USમાં બાળકો માટે માત્ર ફાયઝર ફાઈઝર રસી હાલમાં 18 વર્ષથી ઓછી ઉંમરના બાળકો માટે યુ.એસ.માં મંજૂર કરાયેલી એકમાત્ર રસી છે. ભારત બાયોટેક દ્વારા ભારતમાં વિકસાવવામાં આવેલ કોવેક્સિનને બુધવારે વિશ્વ આરોગ્ય સંસ્થા (WHO) તરફથી કટોકટીના ઉપયોગની મંજૂરી મળી છે અને તેને 17 દેશોમાં ઉપયોગ માટે પહેલેથી જ મંજૂરી આપવામાં આવી છે.
તે રાષ્ટ્રવ્યાપી રસીકરણ કાર્યક્રમમાં ભારતમાં ઉપયોગમાં લેવાતી ચાર રસીઓમાંથી એક છે. અન્ય ત્રણ રસીઓમાં Covishield, Sputnik V અને Zydus Cadila દ્વારા બનાવવામાં આવેલ રસીનો સમાવેશ થાય છે.
આ પણ વાંચો: 700 વર્ષ જૂની પરંપરા : બનાસકાંઠા જિલ્લાના ડીસા તાલુકાના મુડેઠા ગામે અશ્વદોડ યોજાઈ
આ પણ વાંચોઃ Happy Birthday Virat kohli : ભારતીય ક્રિકેટ ટીમના કેપ્ટને આ કંપનીઓમાં કર્યું છે રોકાણ, જુઓ લિસ્ટ
Latest News Updates
