Happy Birthday Virat kohli : ભારતીય ક્રિકેટ ટીમના કેપ્ટને આ કંપનીઓમાં કર્યું છે રોકાણ, જુઓ લિસ્ટ
Virat Kohli Investments: ભારતીય ક્રિકેટ ટીમના કેપ્ટન વિરાટ કોહલીએ 25 વર્ષની ઉંમરે પોતાની ઇન્વેસ્ટમેન્ટ યાત્રા શરૂ કરી હતી. વિરાટ કોહલીના 33માં જન્મદિવસ પર ચાલો તેના રોકાણ પર એક નજર કરીએ.
Happy Birthday Virat kohli : જેમ-જેમ પૈસા વધે છે તેમ તેમ રોકાણની જવાબદારીઓ આવે છે. ઘણી હસ્તીઓ અને મોટા ઉદ્યોગપતિઓએ સ્ટાર્ટઅપ્સમાં રોકાણ કર્યું છે. વિરાટ કોહલીને (Virat Kohli) દરેક વ્યક્તિ ક્રિકેટર તરીકે જાણે છે, પરંતુ કોહલીને એક ઉદ્યોગસાહસિક તરીકે બહુ ઓછા લોકો જાણે છે.
સૌથી કુશળ ખેલાડીઓ પૈકી એક, ભારતીય ક્રિકેટ ટીમના કેપ્ટને મોબાઈલ ગેમિંગ, ફેશન વેર અને ફિનટેક જેવા અનેક સ્ટાર્ટઅપ્સમાં રોકાણ કર્યું છે. વિરાટ કોહલીના બર્થડે (Virat Kohli Birthday) પર ચાલો તેના રોકાણ પર એક નજર કરીએ. કોહલીએ તેની ઇન્વેસ્ટમેન્ટ જર્ની 25 વર્ષની ઉંમરે શરૂ કરી હતી જ્યારે તેણે લંડન સ્થિત સોશિયલ મીડિયા સ્ટાર્ટઅપ સ્પોર્ટ્સ કોન્વોમાં (Sports Convo) હિસ્સો ખરીદ્યો હતો.
ફેબ્રુઆરી 2019 માં Galactus Funware ટેકનોલોજીમાં રોકાણ કર્યું ફેબ્રુઆરી 2019 માં ભારતીય ક્રિકેટ ટીમના કેપ્ટને બેંગલોરની Galactus Funware Technology Pvt Ltd માં રોકાણ કર્યું છે. જે ઓનલાઈન ગેમિંગ પ્લેટફોર્મ મોબાઈલ પ્રીમિયર લીગ (MPL) ની માલિકી ધરાવે છે. જો કે, બાદમાં તેમના દ્વારા કરવામાં આવેલ આ રોકાણ વિવાદમાં સપડાયું હતું. કોહલી સામે હિતોના સંઘર્ષો ઉભા થયા કારણ કે કંપની પાછળથી ભારતીય ક્રિકેટ કંટ્રોલ બોર્ડ (BCCI)ની સત્તાવાર કીટ સ્પોન્સર અને બિઝનેસ પાર્ટનર બની હતી.
એક મીડિયા રિપોર્ટ અનુસાર, કોહલીને Galactus Funware Technology Pvt Ltd માં 33.32 લાખમાં ફરજિયાત કન્વર્ટિબલ ડિબેન્ચર ફાળવવામાં આવ્યા હતા અને જાન્યુઆરી 2020માં MPLના બ્રાન્ડ એમ્બેસેડર તરીકે નિયુક્ત કરવામાં આવ્યા હતા. Galactus એ M-League Pte Ltd ની પેટાકંપની છે. જે સિંગાપોરની છે.
યુનિવર્સલ સ્પોર્ટ્સબિઝમાં 19.30 કરોડનું રોકાણ કર્યું કોહલીના રોકાણ પોર્ટફોલિયોમાં યુનિવર્સલ સ્પોર્ટ્સબિઝ (USPL) પણ સામેલ છે. તે એક ફેશન સ્ટાર્ટઅપ છે જેમાં તેણે ઓક્ટોબર 2020માં 19.30 કરોડ રૂપિયાનું રોકાણ કર્યું હતું. સ્પોર્ટ્સ ટેલેન્ટ મેનેજમેન્ટ ફર્મ, કોર્નરસ્ટોન સ્પોર્ટ એલએલપી, જે કોહલીનું પ્રતિનિધિત્વ કરે છે. તેણે પણ રોકાણમાં ભાગ લીધો હતો. કોર્પોરેટ મંત્રાલયના ફાઇલિંગ મુજબ, યુએસપીએલે બે રોકાણકારોને રૂ 10ના નજીવા મૂલ્ય અને રૂ. 47,561ના પ્રીમિયમ પર 4282 શેર ફાળવ્યા હતા. નોંધપાત્ર રીતે, સચિન તેંડુલકર પણ યુનિવર્સલ સ્પોર્ટ્સબિઝમાં રોકાણકાર છે.
હેલ્થ અને ફિટનેસ સ્ટાર્ટઅપમાં 90 કરોડનું રોકાણ ક્રિકેટની બેંગ્લોર સ્થિત હેલ્થ અને ફિટનેસ સ્ટાર્ટઅપમાં પણ વિરાટ કોહલી હિસ્સો ધરાવે છે જે દેશભરમાં જીમ અને ફિટનેસ સેન્ટર ધરાવે છે. બિઝનેસ સ્ટાન્ડર્ડ અનુસાર, કોહલીએ 2015માં કંપનીમાં 90 કરોડ રૂપિયાનું રોકાણ કર્યું હતું.
કોહલી રેસ્ટોરન્ટનો માલિક છે એટલું જ નહીં કોહલી એક રેસ્ટોરન્ટનો માલિક પણ છે. આરકે પુરમ, નુએવામાં સ્થિત કોહલીની એક મલ્ટી-ક્યૂઝન રેસ્ટોરન્ટ છે જે પોર્ટુગલ, ઇટાલી, સ્પેન, જાપાન અને અન્ય પ્રદેશોથી પ્રેરિત દક્ષિણ અમેરિકન ભોજન પીરસે છે.
કોહલીએ આ વીમા કંપનીમાં પણ રોકાણ કર્યું છે કોહલીના રોકાણ વિશે સૌથી વધુ ચર્ચા ઓનલાઈન ઈન્સ્યોરન્સ એગ્રીગેટર ડિજીટ ઈન્સ્યોરન્સમાં છે, જેનું મૂલ્ય તાજેતરના ભંડોળના રાઉન્ડ પછી 3.5 બિલિયન ડોલર હતું. વિરાટ કોહલી અને તેની પત્ની અનુષ્કા શર્મા 2.2 કરોડ રૂપિયાના કુલ રોકાણ સાથે પ્રેમ વત્સ આધારિત ફિનટેક કંપનીમાં 0.25 ટકા હિસ્સો ધરાવે છે. તેમજ કોહલીનું પ્રતિનિધિત્વ કરતા કોર્નરસ્ટોને ડિજીટમાં 1 કરોડ રૂપિયાનું રોકાણ કર્યું છે.
આ પણ વાંચો : પત્રકારના સવાલ પર રવિન્દ્ર જાડેજાનો સીધો જવાબ ‘બેગ પેક કરીને ઘરે જઈશુ’ જુઓ વીડિયો
આ પણ વાંચો : Air Indiaનું લેણું તાત્કાલિક ચૂકવવા સાંસદોને રાજ્યસભાનો આદેશ, ટિકિટ રોકડથી ખરીદવા પણ અપાઈ સૂચના
