West Bengal: કલકત્તા નેશનલ મેડિકલ કોલેજના 80 થી વધુ ડોકટરો કોરોના સંક્રમિત થયા, હોસ્ટેલ ખાલી કરવાનો આદેશ
કલકત્તા મેડિકલ કોલેજ અને હોસ્પિટલના (Calcutta National Medical College & Hospital) સૂત્રોના જણાવ્યા અનુસાર, છેલ્લા 72 કલાકમાં 80 ડોકટરો અને જુનિયર ડોકટરો અને તબીબી વિદ્યાર્થીઓ કોરોનાથી સંક્રમિત થયા છે.
પશ્ચિમ બંગાળના (West Bengal) ફ્રન્ટલાઈન વર્કર્સમાં કોરોના (Corona Cases) ઝડપથી ફેલાઈ રહ્યો છે. એક પછી એક ડોક્ટરોના કોરોના સંક્રમિત થવાના સમાચાર આવી રહ્યા છે. કલકત્તા મેડિકલ કોલેજ અને હોસ્પિટલના (Calcutta National Medical College & Hospital) સૂત્રોના જણાવ્યા અનુસાર, છેલ્લા 72 કલાકમાં 80 ડોકટરો અને જુનિયર ડોકટરો અને તબીબી વિદ્યાર્થીઓ કોરોનાથી સંક્રમિત થયા છે.
કોવિડ સંક્રમિતોની સંખ્યા 100 ની નજીક
સંક્રમિતોમાં ચાર સહાયક અધિક્ષકનો પણ સમાવેશ થાય છે. એકંદરે, કોવિડ સંક્રમિતોની સંખ્યા 100 ની નજીક છે. વિદ્યાર્થીઓમાં કોરોના સંક્રમણના કેસ વધ્યા બાદ હોસ્પિટલ મેનેજમેન્ટે હોસ્ટેલ ખાલી કરવાની સૂચના આપી છે. આ સાથે ઉત્તર બંગાળ મેડિકલ કોલેજ હોસ્પિટલમાં 25 ડોક્ટરો અને આરોગ્ય કર્મચારીઓ કોવિડથી સંક્રમિત થયા છે.
દરમિયાન આરજીકર મેડિકલ કોલેજ અને હોસ્પિટલ બાદ આ વખતે નેશનલ મેડિકલ કોલેજમાં પણ કોરોનાનો (Corona Virus) ભય ફેલાયો છે. નેશનલ મેડિકલ કોલેજની હોસ્ટેલ ખાલી કરવાનો આદેશ આપવામાં આવ્યો છે.
હોસ્પિટલોમાં કોરોના ચેપ ઝડપથી ફેલાઈ રહ્યો છે
એવી આશંકા છે કે હોસ્ટેલમાંથી કોરોના વાયરસ વધુ ઝડપથી ફેલાઈ શકે છે. કારણ કે, હોસ્ટેલમાં ઘણા લોકો એક સાથે રહે છે. આ સ્થિતિમાં, જો કોઈ વ્યક્તિ સંક્રમિત થાય છે, તો તે ઝડપથી ફેલાવવાનું જોખમ રહેલું છે. હોસ્ટેલના રહેવાસીઓ સાથે ખાય-પીવે છે. તમામ પાસાઓને ધ્યાનમાં રાખીને, પરિસ્થિતિ વધુ જટિલ બને તે પહેલા હોસ્ટેલ ખાલી કરવાનો નિર્દેશ આપવામાં આવ્યો છે. દરમિયાન, હાવડામાં 46 આરોગ્ય કર્મચારીઓને ચેપ લાગ્યો હોવાના અહેવાલ છે.
ઉલુબેરિયા સબડિવિઝન હોસ્પિટલના સુપરિન્ટેન્ડેન્ટ સહિત 12 લોકોને અસર થઈ છે. જો કે, પરિસ્થિતિનો સામનો કરવા માટે તમામ પ્રયાસો કરવામાં આવી રહ્યા છે. જિલ્લાની સરકારી અને ખાનગી હોસ્પિટલો અને નર્સિંગ હોમમાં ડોકટરો, નર્સો અને આરોગ્ય કર્મચારીઓને અસર થઈ છે. પરિણામે આરોગ્ય વિભાગ માટે આ સમયે તબીબી સેવાઓ આપવી એ મોટો પડકાર બની ગયો છે.
SSKM હોસ્પિટલ સહિત ઘણી હોસ્પિટલો સંવેદનશીલ
SSKM હોસ્પિટલના કિસ્સામાં પણ સ્થિતિ ખૂબ જ ખરાબ છે. છેલ્લા 24 કલાકમાં 26 ડોકટરો કોરોનાથી સંક્રમિત થયા છે. ત્રણ દિવસમાં આ આંકડો પચાસને પાર કરી ગયો છે. કેટલાક આરોગ્ય નિષ્ણાતો માને છે કે, શંભુનાથ પંડિત હોસ્પિટલ અને પોલીસ હોસ્પિટલમાં અસરગ્રસ્ત ડોકટરોની કુલ સંખ્યા 100 વટાવી જાય તો નવાઈ નહીં.
સૂત્રોના જણાવ્યા અનુસાર, સ્થિતિ એટલી ચિંતાજનક છે કે SSKMના અધિકારીઓએ ઈમરજન્સી બેઠક યોજીને આઈસોલેશનનો સમયગાળો ઘટાડીને પાંચ દિવસ કરવાનો નિર્ણય લીધો છે. કાર્ડિયોલોજી, સીટીવીએસ, ઇએનટી, ગાયનેકોલોજી સહિત અનેક વિભાગોના ડોકટરોનો કોવિડ રિપોર્ટ પોઝિટિવ આવ્યો છે.
આ પણ વાંચો : ગોવામાં ભાજપ હેટ્રિક સાથે જીત નોંધાવશે, તમામ 40 બેઠકો પર ચૂંટણી લડશે- પાર્ટીના મહાસચિવ સીટી રવિએ કર્યો દાવો
આ પણ વાંચો : કોરોના-ઓમિક્રોન સંકટ વચ્ચે આવતીકાલે મોદી કેબિનેટની મહત્વની બેઠક, મંત્રીઓ બેઠકમાં વર્ચ્યુઅલી સામેલ થશે
Latest News Updates
