આરોગ્ય મંત્રાલય અને એજન્સીઓ રસીના બૂસ્ટર ડોઝની જરૂરિયાતનું મૂલ્યાંકન કરશે: સંસદીય સમિતિ
સમિતિએ ભલામણ કરી છે કે કેન્દ્રીય ગૃહ મંત્રાલય રાજ્યોને કોવિડ-19 ઈન્ફ્રાસ્ટ્રક્ચર જેમ કે પરીક્ષણ સુવિધાઓ, ICU બેડ અને મેડિકલ ઓક્સિજનમાં ઘટાડો ન કરવાની સલાહ આપી શકે છે.
સંસદીય સમિતિએ (Parliamentary Committee) ભલામણ કરી છે કે આરોગ્ય મંત્રાલયે (Health Ministry) સંબંધિત એજન્સીઓ સાથે મળીને કોરોના વાયરસના (Corona Virus) વિવિધ પ્રકારો સામે લડવા માટે રસી બૂસ્ટર શોટની જરૂરિયાતનું મૂલ્યાંકન કરવું જોઈએ. કોવિડ-19ના નવા પ્રકાર ઓમિક્રોનને (Omicron) ધ્યાનમાં રાખીને ગૃહ બાબતોની સંસદીય સ્થાયી સમિતિએ ભલામણ કરી છે કે આરોગ્ય અને પરિવાર કલ્યાણ મંત્રાલય રાષ્ટ્રીય ટેકનિકલ સલાહકાર જૂથ અને રસીકરણ પરના રાષ્ટ્રીય નિષ્ણાત જૂથ સાથે સંકલનમાં છે.
એમ પણ કહ્યું કે કોવિડ-19 માટેના રાષ્ટ્રીય નિષ્ણાત જૂથે ભારતમાં વાયરસના વિવિધ પ્રકારો સામે લડવા માટે બૂસ્ટર ડોઝની (Booster Dose) જરૂરિયાતનું મૂલ્યાંકન કરવું જોઈએ. શુક્રવારે લોકસભામાં (Lok Sabha) રજૂ કરાયેલા અહેવાલમાં કહેવામાં આવ્યું છે કે સમિતિ એ જાણવા માંગે છે કે દેશમાં વિવિધ પ્રકારો સામે ICMR અને અન્ય સંબંધિત સંસ્થાઓ દ્વારા આપવામાં આવતી રસીની અસરકારકતા પર કોઈ સંશોધન કરવામાં આવ્યું છે કે કેમ.
તકેદારી અને તૈયારી અંગે કોઈપણ સ્તરે સમાધાન ન કરો કોવિડ-19 રોગચાળાની પ્રકૃતિ અને વિષાણું અણધારા છે તેના પર ભાર મૂકતા, સમિતિએ ચેતવણી આપી હતી કે તકેદારી અને તૈયારી સાથે કોઈપણ સ્તરે સમાધાન કરી શકાય નહીં. સમિતિએ ભલામણ કરી છે કે કેન્દ્રીય ગૃહ મંત્રાલય રાજ્યોને કોવિડ-19 ઈન્ફ્રાસ્ટ્રક્ચર જેમ કે પરીક્ષણ સુવિધાઓ, ICU બેડ અને મેડિકલ ઓક્સિજનમાં ઘટાડો ન કરવાની સલાહ આપી શકે છે, કારણ કે વાયરસ ત્રીજી લહેર તરફ દોરી શકે છે.
સાથે જ ભલામણ કરવામાં આવી છે કે તેમને નિષ્ક્રિય સ્થિતિમાં રાખવામાં આવે જેથી તે આગામી રોગચાળાની લહેરનો સામનો કરવા માટે ફરીથી સક્રિય થઈ શકે. સમિતિએ નિષ્ણાતો અને રોગચાળાના નિષ્ણાતોના અવલોકનોને ધ્યાનમાં રાખીને કોવિડ-19 દર્દીઓ માટે ઇન્ફ્રાસ્ટ્રક્ચર વધારવાની પણ ભલામણ કરી હતી કે સંભવિત ત્રીજી લહેર રસી વિનાની વસ્તી અને તેમાં પણ ખાસ કરીને બાળકોને લક્ષ્ય બનાવી શકે છે.
તેની ભલામણમાં સમિતિએ ગૃહ મંત્રાલય અને આરોગ્ય મંત્રાલયોને રોગચાળા અને અન્ય જાહેર આરોગ્ય કટોકટીઓ દરમિયાન હોસ્પિટલના બેડની કિંમતને મર્યાદિત કરવા માટેની માર્ગદર્શિકાનો મુદ્દો ઉઠાવવા પણ કહ્યું હતું. એમ પણ જણાવ્યું હતું કે આ દરોને યોગ્ય પ્રસિદ્ધિ આપવામાં આવે જેથી લોકો હોસ્પિટલના બેડની કિંમત વિશે જાણી શકે અને જીવન રક્ષક દવાઓના કાળાબજારીને અટકાવી શકાય.
Latest News Updates
