Gujarat Corona Update: કોરોનાના નવા કેસોમાં ઉત્તરોત્તર વધારો, નવા 571 કેસ, એક્ટિવ કેસ 3,000ને પાર
રાજ્યમાં કોરોનાના નવા કેસો અને સાથે જ એક્ટિવ કેસોમાં ઉત્તરોત્તર વધારો થઈ રહ્યો છે. 5 માર્ચે દોઢ મહિના બાદ 500થી વધુ કેસ આવ્યા બાદ આજે 6 માર્ચે પણ નવા કેસો અને સાથે એક્ટિવ કેસો ગઈકાલ કરતાં પણ વધ્યા છે.
Gujarat Corona Update: રાજ્યમાં કોરોનાના નવા કેસો અને સાથે જ એક્ટિવ કેસોમાં ઉત્તરોત્તર વધારો થઈ રહ્યો છે. 5 માર્ચે દોઢ મહિના બાદ 500થી વધુ કેસ આવ્યા બાદ આજે 6 માર્ચે પણ નવા કેસો અને સાથે એક્ટિવ કેસો ગઈકાલ કરતાં પણ વધ્યા છે. રાજ્યમાં આજે 6 માર્ચના દિવસે છેલ્લા 24 કલાકમાં કોરોનાના નવા 571 કેસો સામે આવ્યા છે, જ્યારે આ સમયગાળામાં કોરોનાથી એક દર્દીનું મૃત્યુ થયું છે.
આજે 6 માર્ચે રાજ્યના મહાનગરોમાં નોંધાયેલા કોરોનાના નવા કેસોની વાત કરીએ તો અમદાવાદમાં સૌથી વધુ 123, સુરતમાં 120, વડોદરામાં 104 અને રાજકોટમાં 51 નવા કેસ સામે આવ્યા છે. આજના દિવસે રાજ્યમાં 403 અને અત્યાર સુધીમાં 2,65,372 દર્દીઓ કોરોનાથી મુક્ત થઈ સાજા થયા છે. રાજ્યમાં કોરોનાના નવા કેસોની સાથે એક્ટિવ કેસોમાં પણ વધારો થઈ રહ્યો છે. 6 માર્ચે રાજ્યમાં કોરોનાના એક્ટિવ કેસ 167 વધીને 3,025 થયા છે, જે ગત દિવસે 5 માર્ચે 2,858 હતા.
આ પણ વાંચો: ભાજપ સાંસદ સાધ્વી પ્રજ્ઞા ઠાકુરની તબિયત લથડી, સારવાર માટે પ્લેન દ્વારા મુંબઈ લઈ જવાયા
Latest News Updates
