Omicron Cases: દેશમાં શનિવારે ઓમિક્રોનના 30 નવા કેસ નોંધાયા, દર્દીઓની સંખ્યા વધીને 143 થઈ

ભારતમાં કોરોના વાયરસના (Corona Virus) ઓમિક્રોન વેરિઅન્ટથી (Omicron) સંક્રમિત દર્દીઓની કુલ સંખ્યા શનિવારે વધીને 143 થઈ ગઈ છે. તેલંગાણામાંથી 12 કેસ, કર્ણાટકમાંથી છ, કેરળમાંથી ચાર, જ્યારે મહારાષ્ટ્રમાં વધુ આઠ દર્દીઓમાં ચેપની પુષ્ટિ થઈ છે.

Omicron Cases: દેશમાં શનિવારે ઓમિક્રોનના 30 નવા કેસ નોંધાયા, દર્દીઓની સંખ્યા વધીને 143 થઈ
Omicron Variant Cases
TV9 GUJARATI

| Edited By: Bhavesh Bhatti

Dec 19, 2021 | 7:18 AM

ભારતમાં કોરોના વાયરસના (Corona Virus) ઓમિક્રોન વેરિઅન્ટથી (Omicron) સંક્રમિત દર્દીઓની કુલ સંખ્યા શનિવારે વધીને 143 થઈ ગઈ છે. તેલંગાણામાંથી 12 કેસ, કર્ણાટકમાંથી છ, કેરળમાંથી ચાર, જ્યારે મહારાષ્ટ્રમાં વધુ આઠ દર્દીઓમાં ચેપની પુષ્ટિ થઈ છે. કેન્દ્રીય અને રાજ્ય અધિકારીઓના જણાવ્યા અનુસાર, અત્યાર સુધીમાં 11 રાજ્યો અને કેન્દ્રશાસિત પ્રદેશોમાં મહારાષ્ટ્ર (48), દિલ્હી (22), રાજસ્થાન (17) અને કર્ણાટક (14), તેલંગાણા (20), ગુજરાત (7), કેરળ (11) છે. આંધ્રપ્રદેશ (1), ચંદીગઢ (1), તમિલનાડુ (1) અને પશ્ચિમ બંગાળ (1)માં ઓમિક્રોન કેસ નોંધાયા છે.

તેલંગાણામાં ઓમિક્રોનના વધુ 12 કેસના આગમન સાથે નવા પ્રકારથી સંક્રમિતોની સંખ્યા વધીને 20 થઈ ગઈ છે. તેલંગાણાના આરોગ્ય વિભાગના એક બુલેટિનમાં જણાવાયું છે કે 12 નવા દર્દીઓમાંથી બે કેન્દ્ર દ્વારા જાહેર કરાયેલ ‘જોખમના દેશો’માંથી આવ્યા હતા જ્યારે 10 લોકો અન્ય દેશોમાંથી આવ્યા હતા. ત્રણ દર્દીઓના સેમ્પલના રિપોર્ટની રાહ જોવાઈ રહી છે.

કર્ણાટકમાં ઓમિક્રોન વેરિઅન્ટના વધુ 6 કેસ સામે આવ્યા કર્ણાટકમાં ઓમિક્રોન વેરિઅન્ટના વધુ છ કેસ નોંધાયા છે. ચેપના છ કેસોમાંથી, દક્ષિણ કન્નડ જિલ્લાની બે શૈક્ષણિક સંસ્થાઓમાં પાંચ કેસ નોંધાયા હતા. હવે રાજ્યમાં ઓમિક્રોન કેસની સંખ્યા વધીને 14 થઈ ગઈ છે. કર્ણાટકના આરોગ્ય પ્રધાન કે સુધાકરે ટ્વિટ કર્યું કે દક્ષિણ કન્નડની બે શૈક્ષણિક સંસ્થાઓમાંથી આજે કોવિડના બે ક્લસ્ટર નોંધાયા છે: ક્લસ્ટર વન: 14 કેસ (જેમાંથી ચાર ઓમિક્રોનના છે). ક્લસ્ટર બે: 19 કેસ (એક ઓમિક્રોનનો છે).

કેરળમાં ઓમિક્રોન વેરિઅન્ટના વધુ 4 કેસ સામે આવ્યા કેરળમાં ઓમિક્રોન ચેપના વધુ ચાર કેસ નોંધાયા પછી, ચેપગ્રસ્ત લોકોની કુલ સંખ્યા વધીને 11 થઈ ગઈ છે. તિરુવનંતપુરમમાં બે લોકો કોરોના વાયરસના આ પ્રકારથી સંક્રમિત જોવા મળ્યા હતા. તેમાંથી એકની ઉંમર 17 વર્ષ અને બીજી 44 વર્ષની છે. મલપ્પુરમમાં 37 વર્ષીય વ્યક્તિ સંક્રમિત જોવા મળ્યો હતો જ્યારે 49 વર્ષીય વ્યક્તિ થ્રિસુરમાં ચેપગ્રસ્ત મળી આવ્યો હતો.

કેરળના આરોગ્ય પ્રધાન વીણા જ્યોર્જે જણાવ્યું હતું કે તિરુવનંતપુરમમાં સંક્રમિત જોવા મળેલો 17 વર્ષનો છોકરો બ્રિટનથી આવ્યો હતો, જ્યારે 44 વર્ષીય વ્યક્તિ ટ્યુનિશિયાથી ચાર્ટર્ડ ફ્લાઇટ દ્વારા આવ્યો હતો. મલપ્પુરમમાં જોવા મળેલો દર્દી તાન્ઝાનિયાથી આવ્યો હતો, જ્યારે ત્રિશૂરનો વતની કેન્યાથી આવ્યો હતો.

આ પણ વાંચો : ચૂંટણી કમિશનરો સાથેની બેઠક વિવાદ, કેન્દ્રએ કરી સ્પષ્ટતા – ચૂંટણી સુધારા અંગે મતભેદો ઉકેલવા માટે બોલાવવામાં આવી બેઠક

આ પણ વાંચો : પી ચિદમ્બરમે છોકરીઓ માટે લગ્નની ઉંમર 21 વર્ષ કરવાના નિર્ણયને આપ્યું સમર્થન, કહ્યું- બંને વચ્ચે ન હોવો જોઈએ કોઈ ભેદભાવ 

Follow us on

Related Stories

Most Read Stories

Click on your DTH Provider to Add TV9 Gujarati