Corona: કોરોના મહામારી સમાપ્ત થઇ નથી, હવે નવા પ્રકારો આવવાનો ભય -નિષ્ણાત

Corona: કોરોના મહામારી સમાપ્ત થઇ નથી, હવે નવા પ્રકારો આવવાનો ભય -નિષ્ણાત
Corona (symbolic image )

નિષ્ણાતો કહે છે કે કોરોના વાયરસ સતત પોતાને બદલતો રહે છે. મ્યુટેશનના કારણે આ વાયરસ નવા પ્રકારમાં બદલાઈ શકે છે. જો આ પ્રકાર ઝડપથી ફેલાય અને રોગપ્રતિકારક શક્તિને અસર કરે તો કોરોનાના કેસ વધી શકે છે.

TV9 GUJARATI

| Edited By: Dhinal Chavda

Mar 04, 2022 | 9:07 AM

દેશમાં કોરોના વાયરસ (Coronavirus)ના કેસમાં ઘટાડો થવા લાગ્યો છે. રિકવરી રેટ વધી રહ્યો છે અને સકારાત્મકતા દર ઘટી રહ્યો છે. કોવિડ (Covid19)થી રિકવર થવાની વચ્ચે લોકોને લાગે છે કે કોરોના મહામારી હંમેશ માટે ખતમ થઈ ગઇ છે, પરંતુ નિષ્ણાતોનું કહેવું છે કે એવું ન સમજવું જોઈએ કે કોરોના હવે કાયમ માટે ખતમ થઈ ગયો છે. કારણ કે આ વાયરસ હજુ પણ આપણી વચ્ચે છે. આ વાયરસનું નવું સ્વરૂપ વિશ્વમાં ગમે ત્યારે આવી શકે છે. આવી સ્થિતિમાં અત્યારે કોરોના પ્રત્યે બેદરકાર રહેવું યોગ્ય નથી.

કોવિડ નિષ્ણાત ડૉ. જુગલ કિશોર કહે છે કે કોરોના વાયરસ પોતાની જાતને સતત બદલતો રહે છે. મ્યુટેશનના કારણે આ વાયરસ નવા પ્રકારમાં બદલાઈ શકે છે. જો આ પ્રકાર ઝડપથી ફેલાય છે અને રસી અથવા કુદરતી રોગપ્રતિકારક શક્તિને અસર કરે છે, તો કોરોનાના કેસ વધી શકે છે. જો કે, નવી લહેર આવવાની શક્યતા ઘણી ઓછી છે, કારણ કે વસ્તીનો મોટો ભાગ ઓમિક્રોન વેરિઅન્ટથી સંક્રમિત થયો છે. લોકોમાં ચેપ સામે રોગપ્રતિકારક શક્તિ હોય છે. પરંતુ આનાથી લોકોને એવું ન લાગે કે કોરોના હવે કાયમ માટે ખતમ થઈ ગયો છે.

સ્વાસ્થ્ય મંત્રાલયના સંયુક્ત સચિવ લવ કુમાર અગ્રવાલનું કહેવું છે કે વિશ્વમાં એક સપ્તાહમાં દરરોજ સરેરાશ 15 લાખથી વધુ કેસ આવી રહ્યા છે. લોકોએ સમજવું જોઈએ કે કોરોના મહામારી હજુ સમાપ્ત થઇ નથી. આવી સ્થિતિમાં લોકોએ સાવચેતી રાખવી ખૂબ જ જરૂરી છે.

ભારતમાં સ્થિતિ સુધરી રહી છે

સ્વાસ્થ્ય મંત્રાલયના જણાવ્યા અનુસાર દેશમાં કોરોનાના કેસમાં 55.7 ટકાનો ઘટાડો થયો છે. મૃત્યુદરમાં પણ 76.6 ટકાનો ઘટાડો થયો છે. ભારતમાં રસીકરણથી ઘણો ફાયદો થયો છે. બીજી લહેર, જ્યાં એક દિવસમાં ચાર લાખથી વધુ કેસ નોંધાયા હતા, ત્રીજી લહેરમાં, મૃત્યુના કેસો અને રોજિંદા કેસ પણ બીજા લહેર કરતા ઘણા ઓછા હતા. ત્રીજી લહેરની ટોચ કોરોનાના બીજી લહેર કરતાં વહેલા આવી હતી.

આ પણ વાંચો :અમદાવાદના વૈજ્ઞાનિકે શોધ્યુ ન્યૂક્લિયર રેડિએશન પ્રુફ બંકર, યુદ્ધના સમયે જાનહાનિ ટાળવા અનોખો પ્રયાસ

આ પણ વાંચો :Russia Ukraine War: રશિયાએ યુક્રેનના 17 શહેર પર તબાહી મચાવી, શું કિવ પુતિનની સેના સામે ટકી શકશે?

Follow us on

Related Stories

Most Read Stories

Click on your DTH Provider to Add TV9 Gujarati