2023 માં ક્યારે લેવામાં આવશે NEET PG પરીક્ષા? 10 મેડિકલ પરીક્ષાની તારીખો જાહેર

ઓક્ટોબર 2022 થી આવતા વર્ષ સુધી યોજાનારી 10 મુખ્ય મેડિકલ પરીક્ષાઓની તારીખો જાહેર કરવામાં આવી છે. નેશનલ એજ્યુકેશન બોર્ડે (NBE) શુક્રવાર, 16 સપ્ટેમ્બર 2022 ના રોજ તેની ઓફિશિયલ વેબસાઇટ natboard.edu.in પર પૂરી ડેટશીટ જાહેર કરી છે. આવામાં નીટ પીજી 2023 (NEET PG 2023), નીટ એમડીએસ (NEET MDS) થી FMGE સહિત કુલ 10 મેડિકલ પરીક્ષાઓની તારીખો આપવામાં આવી છે. પરંતુ આ સંભવિત તારીખો છે. આ તારીખો પ્રવર્તમાન સંજોગો અને જરૂરિયાત મુજબ બદલી શકાય છે. મેડિકલ પરીક્ષાઓ જેની તારીખો જાહેર કરવામાં આવી છે, તેનું આયોજન નેશનલ બોર્ડ ઓફ એક્ઝામિનેશન ઈન મેડિકલ સાયન્સ એટલે કે NBEMS દ્વારા કરવામાં આવશે. તેનું આખું શેડ્યુલ આગળ આપવામાં આવ્યું છે.

NBE Exams 2023 Date: કઈ પરીક્ષા ક્યારે હશે

એનબીઈએમએસ એ કહ્યું છે કે આ નવા શેડ્યુલ પછી આ પરીક્ષાઓની તમામ જૂની તારીખો રદ માનવી જોઈએ. આ પરીક્ષાની નવી તારીખો છે, જ્યાં સુધી બોર્ડ કોઈ નવી નોટિસ જાહેર ન કરે ત્યાં સુધી તેને ધ્યાનમાં રાખો. એનબીઈએમએસ એ આ પણ કહ્યું છે કે આ 10 મેડિકલ પરીક્ષાઓમાંથી દરેકની એક નિશ્ચિત તારીખ અને સૂચના માટે ઈન્ફોર્મેશન બુલેટિન ચેક કરો. આ સિવાય NBE ની ઓફિશિયલ વેબસાઇટ natboard.edu.in પર નજર રાખો .

નેશનલ એજ્યુકેશન બોર્ડ દ્વારા જાહેર NBE Exams Schedule ચેક કરવા માટે ક્લિક કરો

આ પરીક્ષાઓ માટે એપ્લાય ક્યારે અને કેવી રીતે કરવું? અલગ અલગ પરીક્ષાઓ માટે NBE Exam Form ક્યારે બહાર પાડવામાં આવશે? તેની ડિટેલ્સ તમને સમય સમય nbe.edu.in પર મળશે. આ પરીક્ષાઓ સંબંધિત કોઈપણ સવાલ, સ્પષ્ટતા અથવા મદદ માટે તમે NBEMS ને તેના કોમ્યુનિકેશન પોર્ટલ પર લખી શકો છો.