બાળપણમાં જ ગુમાવી દીધી પોતાની આંખો, મિત્રો અને પરિવારના સહયોગથી પૂર્ણા સુંદરીએ પાસ કરી UPSC, જાણો તેમની સફર વીશે
તમિલનાડુની પૂર્ણા સુંદરી પાંચ વર્ષની ઉંમરે પોતાની આંખો ગુમાવી દીધી હતી. આ બધું હોવા છતાં તેણે યુપીએસસીની તૈયારી કરી અને પરીક્ષા પાસ કરી.
UPSC Success Story: UPSCમાં સફળતા મેળવવા માટે, ઉમેદવારો ઘણા વર્ષો સુધી સખત મહેનત કરે છે, ઘણા બધા સંસાધનો હોવા છતાં પણ પરીક્ષા પાસ કરી શકતા નથી. તે જ સમયે, કેટલાક ઉમેદવારો એવા છે જે સંસાધનોની ગેરહાજરીમાં પણ પરીક્ષા પાસ કરે છે. તમિલનાડુની પૂર્ણા સુંદરી (poorna sundari) પણ તેમાંથી એક છે જેમણે પાંચ વર્ષની ઉંમરે પોતાની આંખો ગુમાવી દીધી હતી. આ બધું હોવા છતાં તેણે યુપીએસસીની તૈયારી કરી અને પરીક્ષા પાસ કરી.
તમિલનાડુના મદુરાઈમાં રહેતી પૂર્ણાએ (poorna sundari) 2019માં UPSC પરીક્ષા આપીને 286મો રેન્ક મેળવ્યો હતો. અગાઉ તે ત્રણ પ્રયાસોમાં નિષ્ફળ ગઈ હતી, જે દરમિયાન તે ઘણી વખત નિરાશ થઈ હતી, પરંતુ તેણે હિંમત જાળવી રાખી અને ચોથા પ્રયાસમાં સફળતા બતાવી. તેણે પોતાની સફળતાનો શ્રેય તેના માતા-પિતાને આપ્યો. પૂર્ણાએ જણાવ્યું કે, તેણે UPSC ક્લિયર કરવા માટે પાંચ વર્ષ સુધી તૈયારી કરી, તેણે ઓડિયો ફોર્મેટમાં અભ્યાસ સામગ્રી સાથે અભ્યાસ કર્યો અને લેપટોપમાંથી બોલતા સોફ્ટવેરની મદદથી કામ કર્યું. તૈયારી દરમિયાન તેના માતા-પિતાએ પણ તેને પુસ્તકો વાંચ્યા, મિત્રોએ પણ ઘણી મદદ કરી.
11માં ધોરણમાં નક્કી કર્યું લક્ષ્ય
પૂર્ણાએ જણાવ્યું કે, તેનું 11મા ધોરણમાં IAS બનવાનું સપનું હતું, તે શિક્ષણ, સ્વાસ્થ્ય અને મહિલા સશક્તિકરણ જેવા ક્ષેત્રોમાં પોતાની સેવા આપવા માંગે છે. પૂર્ણા સુંદરીએ 5 વર્ષ સુધી સામાન્ય બાળકોની જેમ અભ્યાસ કર્યો હતો, પરંતુ તે પછી તેની આંખોની રોશની ઘટી ગઈ હતી. થોડા સમય પછી તેણે બંને આંખોની દૃષ્ટિ ગુમાવી દીધી. પરંતુ તેણે પોતાના સપના સાથે સમાધાન કર્યું ન હતું. પૂર્ણા સુંદરીએ તેના સપનાને સાકાર કરવા સખત મહેનત કરી અને તેની મહેનત રંગ લાવી. તેની આંખોની રોશની ગુમાવી દીધી હોવા છતાં તેણે યુપીએસસી પાસ કરીને બધાને પ્રેરણા આપી છે.
ઘણીવાર એવું બને છે કે UPSC પરીક્ષા આપનારા ઉમેદવારો પ્રથમ કે, બીજા પ્રયાસમાં પરીક્ષા પાસ કરી શકતા નથી, પછી તેઓ હતાશ થઈ જાય છે. પરંતુ પૂર્ણા સુંદરીએ તેના ચોથા પ્રયાસમાં આ રેન્ક હાંસલ કર્યો હતો. તે માને છે કે તમારી ભૂલોથી નિરાશ થવાને બદલે, તમારે તેમાંથી શીખવું જોઈએ અને તે ભૂલોનું પુનરાવર્તન કરવાનું ટાળવું જોઈએ. પૂર્ણા સુંદરીએ સૌથી ખરાબ સંજોગોનો સામનો કર્યો અને દ્રઢતા સાથે તેના ચોથા પ્રયાસમાં UPSC પરીક્ષા પાસ કરી. તે કહે છે કે, તેના માતા-પિતા હંમેશા તેની સાથે હતા અને તેને તેના સપના પૂરા કરવા માટે પ્રેરણા આપી હતી.
આ પણ વાંચો: IGNOU Admissions 2022: IGNOU જાન્યુઆરી સત્ર માટે પ્રવેશની તારીખ લંબાવાઈ, 21 ફેબ્રુઆરી સુધી થશે અરજી
આ પણ વાંચો: શું તમે બેરોજગાર છો? સરકારની આ યોજના તમને આર્થિક સહાય આપશે, જાણો યોજના અને અરજી કરવાની પ્રક્રિયા વિશે
