ICAI CMA Foundation Exam 2022: CMA ફાઉન્ડેશન જૂન પરીક્ષાની તારીખ જાહેર કરવામાં આવી છે, અહીં તપાસો સંપૂર્ણ સમયપત્રક

ICAI CMA Foundation Exam 2022: ઇન્ડિયન ઇન્સ્ટિટ્યૂટ ઑફ કોસ્ટ એકાઉન્ટન્ટ્સ ઑફ ઇન્ડિયા (ICAI)એ જૂન 2022 સત્ર માટે ICAI CMA ફાઉન્ડેશન પરીક્ષાનું શેડ્યૂલ બહાર પાડ્યું છે. ICAI CMA ફાઉન્ડેશનની પરીક્ષા માટે હાજર રહેલા વિદ્યાર્થીઓ સંપૂર્ણ સમયપત્રક તપાસવા માટે સત્તાવાર વેબસાઇટની મુલાકાત લઈ શકે છે. નવીનતમ અપડેટ મુજબ ICAI CMA જૂન 2022 સત્ર પરીક્ષા 8 જુલાઈ, 2022ના રોજ લેવામાં આવશે. વિદ્યાર્થીઓ માટે પરીક્ષા બે સત્રમાં લેવામાં આવશે. ICAI CMA ફાઉન્ડેશનની પરીક્ષાનું પ્રથમ સત્ર જૂન 2022માં સવારે 10 થી બપોરે 12 વાગ્યા સુધી લેવામાં આવશે જ્યારે પરીક્ષાનું બીજું સત્ર બપોરે 2 થી 4 વાગ્યા સુધી લેવામાં આવશે.

જે ઉમેદવારોએ ICAI CMA ફાઉન્ડેશનની પરીક્ષા આપી હતી તેઓ અધિકૃત વેબસાઇટ – icmai.in પર પરીક્ષાનું સંપૂર્ણ સમયપત્રક ચકાસી શકે છે. CMA ફાઉન્ડેશન પરીક્ષા 2022 શિડ્યુલ તપાસવા માટે વિદ્યાર્થીઓ માટે સીધી લિંક પણ ઉપલબ્ધ છે. જાહેર કરાયેલ સત્તાવાર સૂચના અનુસાર, વિદ્યાર્થીઓએ પરીક્ષામાં બેસવા માટે 1200 રૂપિયાની પરીક્ષા ફી ચૂકવવી પડશે. વિદેશી વિદ્યાર્થીઓ માટે અરજી ફી US$60 છે.

પરીક્ષા ઓનલાઈન મોડમાં યોજાશે

વિદ્યાર્થીઓ માટે પરીક્ષા ફી જમા કરાવવાની છેલ્લી તારીખ 8 મે, 2022 છે. સંસ્થા જૂન 2022 ICAI CMA ફાઉન્ડેશન પરીક્ષા ઓનલાઈન મોડમાં લેવામાં આવશે. ઉમેદવારો મોબાઈલ / લેપટોપ / ડેસ્કટોપ / ટેબનો ઉપયોગ કરીને તેમના ઘરેથી પરીક્ષા આપી શકે છે. પરીક્ષા આપનાર વિદ્યાર્થીઓએ ખાતરી કરવી જોઈએ કે પરીક્ષાના સુચારુ સંચાલન માટે તમામ જરૂરી વ્યવસ્થાઓ કરવામાં આવી છે. જેમ કે ઇન્ટરનેટ કનેક્શન, વીજળીની સુવિધા વગેરે.

ICAI CMA પરીક્ષા ઓનલાઈન પ્રોક્ટોરેડ મોડમાં લેવામાં આવશે. વિદ્યાર્થીઓએ 200 માર્કસના 100 MCQ ના જવાબ આપવાના રહેશે. ICAI CMA ઓનલાઈન પ્રોક્ટોરેડ પરીક્ષામાં ભાગ લેનારા વિદ્યાર્થીઓએ ખાતરી કરવી જોઈએ કે તેઓ પરીક્ષા માટે ઉપયોગમાં લેવાતા ઉપકરણ માટે સારું ઈન્ટરનેટ કનેક્શન ધરાવે છે.

શેડ્યૂલ જોવા માટે અહીં ક્લિક કરો.

આ પણ વાંચો: Maharashtra Schools: મહારાષ્ટ્રની શાળાઓમાં ઉનાળુ વેકેશન રદ, સંપૂર્ણ સમયનો અભ્યાસ, કોરોના સમયની ભરપાઈ કરવામાં આવશે

આ પણ વાંચો: AIIMS Recruitment 2022: AIIMSમાં આસિસ્ટન્ટ પ્રોફેસર સહિત ઘણી જગ્યાઓ માટે ભરતી, આ રીતે કરો અરજી