તમે IRFCના IPO માટે અરજી કરી છે, શેર્સ મળ્યા કે નહિ કઈ રીતે જાણશો ? વાંચો અહેવાલ
જો તમે IRFC ના IPO માટે અરજી કરી છે, તો આજે તમે જાણી શકશો કે તમને એલોટમેન્ટ મળ્યું છે કે નહીં .
જો તમે IRFC ના IPO માટે અરજી કરી છે, તો આજે તમે જાણી શકશો કે તમને એલોટમેન્ટ મળ્યું છે કે નહીં … KFin Technologies વેબસાઇટ અનુસાર, રેલવે મંત્રાલયની ફાઇનાન્સ કંપની IRFC IPO ના એલોટમેન્ટ નો આજે નિર્ણય થશે. ઇશ્યૂના એલોટમેન્ટ અને રિફંડ વિશે માહિતી વિષે તમે આ વેબસાઇટ દ્વારા પણ તપાસ કરી શકો છો કે તમને શેર્સ પ્રાપ્ત થયા છે કે નહીં ?
એ રોકાણકારો કે જેમને શેર ફાળવવામાં આવશે, તેઓના ડિમેટ ખાતામાં શેર 28 જાન્યુઆરીએ જમા કરવામાં આવશે. આ સિવાય શેર ન મેળવનારા રોકાણકારોના નાણાં 27 જાન્યુઆરી સુધીમાં તેમના ખાતામાં પહોંચી જશે. આ સિવાય 29 જાન્યુઆરીથી આ શેરનો વેપાર શેર બજારમાં શરૂ થશે.
ફાળવણીની સ્થિતિ ચકાસવા નીચે જણાવેલ સ્ટેપ્સને અનુસરો >> સૌ પ્રથમ IPOના રજિસ્ટ્રાર ASBAની વેબસાઇટની મુલાકાત લેવી >> ભારતીય રેલ્વે ફાઇનાન્સ કોર્પોરેશનનો IPO પસંદ કરો. >> જો એપ્લિકેશન નંબર દાખલ કરો છો, તો એપ્લિકેશન પ્રકારમાં ASBA અથવા NON-ASBA પસંદ કરો અને એપ્લિકેશન નંબર દાખલ કરો. >> જો તમે DPID અથવા CLIENT ID દાખલ કરી રહ્યાં છો, તો ડિપોઝિટરીમાં NSDL અથવા CDSL પસંદ કરો. >> DPID અથવા CLIENT ID દાખલ કરો. >> જો PAN પસંદ કરી રહ્યા હોય, PAN નંબર લખી સબમિટ કરો. >> શેર ફાળવણીની સ્થિતિ બતાવવામાં આવશે.
BSE ની વેબસાઇટ પર પણ ચકાસી શકો છો કે તમને શેર્સ મળ્યા છે કે નહીં? >>આ માટે તમારે પહેલા www.bseindia.com પર જવું પડશે . >>ઇશ્યૂ પ્રકારમાં ઇક્વિટી પસંદ કરવી >>IRFC પસંદ કરો હવે તમારો એપ્લિકેશન નંબર ભરો >>PAN નંબર દાખલ કરો.A >>સર્ચ બટન પર ક્લિક કરો. >>સ્ક્રીન પર શેરની ફાળવણી જોશો.
આઈપીઓનો કેવો પ્રતિસાદ હતો? IRFC નો IPO 3.49 વખત સબ્સ્ક્રાઇબ થયો હતો. કંપની દ્વારા આ આઈપીઓ માટે લગભગ 124 કરોડ શેર જારી કરવામાં આવ્યા હતા, જ્યારે કંપનીને 435 કરોડ શેર માટે બિડ મળી હતી. બિન-સંસ્થાકીય રોકાણકારો માટે અનામત સ્થિતિ 2.67 વખત સબ્સ્ક્રાઇબ થઈ છે. રિઝર્વ પોર્સનને છૂટક રોકાણકારો માટે 3.66 વખત બિડ મળી છે. રેલવેના કર્મચારીઓએ 43.73 વખત સબ્સ્ક્રાઇબ કર્યું છે.