લગ્ન કે વારસામાં મળેલા સોના પર શું ટેક્સ લાગશે? આપણી પાસે કેટલું સોનું રાખી શકાય? વાંચો જવાબ અહેવાલમાં

લગ્નની સિઝનમાં ઘણા સંબંધીઓ સોનાના દાગીના ભેટમાં આપે છે. નવવધુને ઘણું સોનું મળે છે. આવી સ્થિતિમાં ઘણા લોકોના મનમાં આ સવાલ આવશે કે શું સોનું રાખવાની કોઈ  મર્યાદા છે? શું સોના પર પણ કોઈ ટેક્સ લાગે છે? આ તમામ પ્રશ્નોના જવાબ અમે તમને જણાવી રહયા છીએ.

તમે તમારી સાથે કેટલું સોનું રાખી શકો છો?

નિષ્ણાંતો અનુસાર ઘણા વર્ષો પહેલા CBDT દ્વારા એક પરિપત્ર બહાર પાડવામાં આવ્યો હતો. આ સર્ક્યુલરમાં લખવામાં આવ્યું હતું કે છોકરાઓ 100 ગ્રામ સુધીનું સોનું પોતાની સાથે રાખી શકે છે. અપરિણીત મહિલાઓ 250 ગ્રામ સુધીનું સોનું પોતાની પાસે રાખી શકે છે અને પરિણીત મહિલાઓને 500 ગ્રામ સોનું રાખવા પર કોઈ પ્રતિબંધ નથી.

મર્યાદા કરતા વધુ સોનું રાખશો તો શું થશે?

જો તમારી પાસે આ મર્યાદા કરતાં વધુ સોનું છે, તો તમારે IT વિભાગને પુરાવા આપવા પડશે કે તમે આ સોનું કેવી રીતે ખરીદ્યું છે. ઉદાહરણ તરીકે, જો તમે તમારી આવક 10 લાખ રૂપિયા બતાવી છે અને તેમાંથી તમે 2 લાખ રૂપિયાનું સોનું ખરીદ્યું છે અને તમારી પાસે બિલ પણ છે તો તમારા માટે કોઈ સમસ્યા નથી. પરંતુ જો વર્ષોથી તમારી આવક 2 લાખ રૂપિયા છે અને તમારી પાસે 50 લાખ રૂપિયાનું સોનું છે, તો તમે તેને સમજાવી શકશો નહીં અને તમને સમસ્યાઓનો સામનો કરવો પડશે. આવક કરતાં અનેકગણું સોનું રાખવા પર વ્યાજ સહિત ટેક્સ અને પેનલ્ટી લાગુ થશે. તેથી આવક અને સોનાની ખરીદી વચ્ચે તાલમેલ જાળવવો ખૂબ જ જરૂરી છે.

લગ્નમાં મળતા સોના પર કેટલો ટેક્સ લાગશે?

જો આપણે લગ્નની વાત કરીએતો લગ્નમાં મળેલા સોના પર કોઈ ટેક્સ આપવો પડતો નથી. પરંતુ તમારે લગ્નની ભેટ તરીકે મળેલા સોનાનો પુરાવો તમારી સાથે રાખવાનો રહેશે જેથી ભવિષ્યમાં જો કોઈ સમસ્યા ઉભી થાય તો તમે સાબિત કરી શકો કે તમને તે લગ્નની ભેટ તરીકે પ્રાપ્ત થયું છે.

વારસાગત કરમુક્ત શું છે?

જો તમને વારસામાં સોનું મળ્યું હોય તો તેના પર પણ કોઈ ટેક્સ લાગતો નથી. સોનાનો વારસો એ વસિયતનામાનો પુરાવો છે. તમારે વારસામાં મળેલા સોના માટે એક વસિયત તૈયાર કરવી જોઈએ જેથી તમારા બાળકોને આવતીકાલે કોઈ સમસ્યાનો સામનો ન કરવો પડે. જો વિલ કરવામાં આવ્યું ન હોય અને કોઈ સમસ્યા ઊભી થાય તો તમારે સોનું જૂનું હોવાનો પુરાવો આપવો પડશે.

આ પણ વાંચો : ટાટા ગૃપની આ કંપનીનો આવી રહ્યો છે IPO, વિમેન્સ પ્રીમિયર લીગના ઓક્શનમાં કંપનીએ કર્યું પ્રમોશન