Rule Change From 1 March 2024: જ્યારે પણ નવો મહિનો શરૂ થાય છે ત્યારે ઘણા નિયમો પણ બદલાય છે. આ નિયમોની સીધી અસર સામાન્ય જનતા પર પડે છે. આજથી માર્ચ મહિનો શરૂ થયો છે. આ સ્થિતિમાં ઘણા નિયમો બદલાશે. આ નિયમોની સીધી અસર તમારા દૈનિક વ્યવહારો પર પડશે. ચાલો જાણીએ માર્ચ મહિનામાં કયા નિયમો બદલાઈ રહ્યા છે.
દર મહિનાની પહેલી તારીખે એલપીજી સિલિન્ડરની કિંમતમાં ફેરફાર થાય છે. આજે પણ તેમના ભાવમાં ફેરફાર કરાયો છે તમને જણાવી દઈએ કે ફેબ્રુઆરી મહિનામાં એલપીજી સિલિન્ડરની કિંમતો સ્થિર રહી હતી. ગયા મહિને ગેસના ભાવમાં કોઈ ફેરફાર કરવામાં આવ્યો ન હતો. ચાલુ મહિને પણ ડોમેસ્ટિક ગેસ સિલિન્ડરના ભાવ સ્થિર છે જયારે કોમર્શિયલ ગેસ મોંઘો થયો છે.
જો તમે પણ ફાસ્ટેગ દ્વારા ટોલ ટેક્સ ચૂકવો છો તો તમને જણાવી દઈએ કે આજથી તમારી સમસ્યા વધી શકે છે. નેશનલ હાઈવે ઓથોરિટી ઓફ ઈન્ડિયા (NHAI) એ ફાસ્ટેગ કેવાયસી ફરજિયાત બનાવ્યું છે. જો કોઈ વ્યક્તિ 29 ફેબ્રુઆરી 2024 સુધીમાં ફાસ્ટેગ કેવાયસી અપડેટ નહીં કર્યું હોય તો ફાસ્ટેગ નિષ્ક્રિય થઈ જશે. જો ફાસ્ટેગ બ્લેકલિસ્ટ કરવામાં આવે છે અથવા તે નિષ્ક્રિય થઈ જાય છે તો તમારે ડબલ ટોલ ટેક્સ ચૂકવવો પડશે
ભારત સરકારે IT નિયમોમાં ફેરફાર કર્યા છે. ITના નવા નિયમો આવતીકાલથી લાગુ થશે. નવા નિયમ હેઠળ, જો કોઈ વ્યક્તિ X, Facebook, YouTube અને Instagram જેવા સોશિયલ મીડિયા પર ખોટા તથ્યોના સમાચાર પોસ્ટ કરે છે, તો તેને ભારે દંડ ભરવો પડી શકે છે. સોશિયલ મીડિયાને સુરક્ષિત કરવા માટે સરકારે આ નિર્ણય લીધો છે.
માર્ચમાં હોળી, શિવરાત્રી, ગુડ ફ્રાઈડે જેવા અનેક તહેવારો આવે છે. આવી સ્થિતિમાં આ પ્રસંગોએ બેંકો બંધ રહેશે. આરબીઆઈ દ્વારા જાહેર કરાયેલ બેંક હોલીડે માર્ચ 2024 મુજબ માર્ચમાં બેંકો 14 દિવસ માટે બંધ રહેશે. જો તમે પણ કોઈ કામ માટે બેંક જવાનું વિચારી રહ્યા છો, તો તમારે એકવાર બેંકની રજાઓની યાદી તપાસવી જ જોઈએ. જો કે બેંક બંધ થયા બાદ પણ ગ્રાહકોને ઓનલાઈન બેંકિંગ જેવી અનેક સેવાઓની સુવિધા મળી રહી છે.
Published On - 7:45 am, Fri, 1 March 24