સરકારની નજર ગગડતા રૂપિયા પર છે, અન્ય કરન્સી કરતાં આપણી વધુ સારી સ્થિતિ : નાણામંત્રી સીતારમણ
આ સિવાય સરકાર દર 15 દિવસે ક્રૂડ ઓઈલ, ડીઝલ, એરક્રાફ્ટ ઈંધણ પર લાગતા ટેક્સની સમીક્ષા કરશે. નાણામંત્રી નિર્મલા સીતારમણે આજે આ માહિતી આપી છે.
નાણાપ્રધાન નિર્મલા સીતારમણે(Nirmala Sitharaman) શુક્રવારે કહ્યું હતું કે સરકાર દેશની આયાત(Import) પર રૂપિયાના ઘટતા મૂલ્યની અસર પર સાવચેતીપૂર્વક નજર રાખી રહી છે. છેલ્લા કેટલાક મહિનામાં અમેરિકી ડૉલર(USD) સામે રૂપિયાના મૂલ્યમાં સતત ઘટાડાના સંદર્ભમાં સીતારમણે કહ્યું કે રૂપિયાએ અન્ય કરન્સી કરતાં ઘણું સારું પ્રદર્શન કર્યું છે. સીતારમણે એક કાર્યક્રમમાં કહ્યું કે રિઝર્વ બેંક(RBI) રૂપિયાના વિનિમય દર પર ખૂબ જ નજીકથી નજર રાખી રહી છે. સીતારમણે કહ્યું કે આપણે આ દુનિયામાં એકલા નથી. અમે ખુલ્લી અર્થવ્યવસ્થાનો ભાગ છીએ. નાણાપ્રધાનના જણાવ્યા અનુસાર જો રૂપિયાએ અન્ય કરન્સીની સરખામણીમાં ડોલરની સરખામણીમાં ઘણું સારું પ્રદર્શન કર્યું છે.
જોકે, તેમણે સ્વીકાર્યું હતું કે રૂપિયામાં ઘટાડો આયાત પર તાત્કાલિક અસર કરશે અને આયાત વધુ મોંઘી કરશે. તેમણે કહ્યું કે તેઓ આ અંગે ખૂબ જ સાવચેત અને જાગૃત છે કારણ કે આપણા ઉદ્યોગનો મોટો હિસ્સો ઉત્પાદન માટે કેટલીક આવશ્યક વસ્તુઓની આયાત પર નિર્ભર છે.
બુધવારે અમેરિકી ડોલર સામે રૂપિયો 79 રૂપિયાની નીચે ગયો હતો જે તેનું અત્યાર સુધીનું સૌથી નીચું સ્તર છે. રુસો-યુક્રેન યુદ્ધ શરૂ થયા બાદથી છેલ્લા કેટલાક મહિનામાં રૂપિયાનું અવમૂલ્યન સતત થઈ રહ્યું છે.
ગુરુવારે જાહેર કરાયેલા રિઝર્વ બેંકના નાણાકીય સ્થિરતા અહેવાલમાં પણ કહેવામાં આવ્યું છે કે અન્ય કરન્સીની સરખામણીમાં રૂપિયાએ ડોલર સામે ઘણું સારું પ્રદર્શન દર્શાવ્યું છે. જો કે, રૂપિયાના સમર્થનને કારણે છેલ્લા ચાર મહિનામાં વિદેશી મુદ્રા ભંડારમાં 40.94 બિલિયન ડોલરનો ઘટાડો થયો છે.
આ સિવાય સરકાર દર 15 દિવસે ક્રૂડ ઓઈલ, ડીઝલ, એરક્રાફ્ટ ઈંધણ પર લાગતા ટેક્સની સમીક્ષા કરશે. નાણામંત્રી નિર્મલા સીતારમણે આજે આ માહિતી આપી છે. આજે શુક્રવારે સરકારે રિલાયન્સ ઇન્ડસ્ટ્રીઝ જેવી કંપનીઓ દ્વારા અન્ય દેશોમાં પેટ્રોલ, ડીઝલ અને એવિએશન ફ્યુઅલ (ATF) ની નિકાસ પર ટેક્સ લાદ્યો છે. વાસ્તવમાં રશિયા દ્વારા સસ્તા દરે ક્રૂડ ઓઈલ ઓફર કરવામાં આવતા ભારતીય ખરીદદારોએ રશિયા પાસેથી તેમની ખરીદી અનેક ગણી વધારી છે અને તેની સાથે રિફાઈનરી ઉત્પાદનોની નિકાસ પણ વધી છે.
ક્રૂડ ઓઈલના ભાવમાં વધારો અને ફેડરલ રિઝર્વની કડક નીતિઓ સાથે ડોલરની મજબૂતાઈના કારણે ડોલર સામે રૂપિયામાં નબળાઈ જોવા મળી રહી છે. ક્રૂડ ઓઈલમાં વધારો અને રૂપિયાની નબળાઈને કારણે ચાલુ ખાતાની ખાધમાં વધારો થવાની સંભાવના છે. બીજી તરફ, ફેડરલ રિઝર્વ દ્વારા દર વધુ કડક કરવાના કારણે રૂપિયામાં વધુ નબળાઈ આવવાની શક્યતા છે.