TCS BUYBACK :આજની બોર્ડ મીટિંગમાં બાયબેકના પ્રસ્તાવ ઉપર લાગી શકે છે મંજૂરીની મહોર
31 ડિસેમ્બર, 2021 ના રોજ પૂરા થતા ત્રીજા ક્વાર્ટર અને છેલ્લા નવ મહિનાના કંપનીના નાણાકીય પરિણામોને મંજૂરી આપવા TCS ની આજે બેઠક મળશે.
દેશની સૌથી મોટી IT કંપની ટાટા કન્સલ્ટન્સી સર્વિસિસ (TCS)નું બોર્ડ આજે 12 જાન્યુઆરીએ તેની મીટિંગમાં શેર બાયબેક પ્રસ્તાવ પર વિચાર કરશે. કંપનીએ શુક્રવારે સ્ટોક એક્સચેન્જને આપેલા નિવેદનમાં જણાવ્યું હતું કે, “કંપની બોર્ડ 12 જાન્યુઆરી, 2022 ના રોજ યોજાનારી મીટિંગમાં બાયબેક પર વિચારણા કરશે. જોકે, કંપનીએ અન્ય કોઈ વિગતો જાહેર કરી નથી.
31 ડિસેમ્બર, 2021 ના રોજ પૂરા થતા ત્રીજા ક્વાર્ટર અને છેલ્લા નવ મહિનાના કંપનીના નાણાકીય પરિણામોને મંજૂરી આપવા TCS ની આજે બેઠક મળશે. હકીકતમાં જ્યારે કોઈ કંપની તેના પોતાના શેરધારકો પાસેથી શેર પાછા ખરીદે છે ત્યારે તેને બાયબેક કહેવામાં આવે છે. એટલે કે તે કંપનીમાં શેર ધરાવતા રોકાણકારો જ તેમાં ભાગ લઈ શકે છે. બાયબેક માટે ટેન્ડર ઓફર અથવા ઓપન માર્કેટનો ઉપયોગ કરવામાં આવે છે.
TCS પાસે સરપ્લસ કેશ
સપ્ટેમ્બર 2021 ના અંત સુધીમાં TCS પાસે રોકડ અને રોકડ સમકક્ષ રૂ. 51,950 કરોડ છે. મંગળવારે શેર 1 ટકા આસપાસ વધીને રૂ. 3,917.00 પર બંધ થયો હતો. કંપનીઓ સ્ટોક બાયબેક લાવે છે ત્યારે તેઓ બજાર કિંમત કરતાં વધુ પ્રીમિયમ પર રોકાણકારો પાસેથી શેર પાછા ખરીદે છે. આ કિસ્સામાં વર્તમાન બજાર કિંમત કરતા રોકાણકારોને ઊંચી કિંમત મળે છે.
TCS અગાઉ પણ બાયબેક કરી ચૂક્યું છે
TCSએ ગયા વર્ષે ડિસેમ્બરમાં લગભગ રૂ. 16,000 કરોડનું બાયબેક કર્યું હતું. કંપનીએ શેર દીઠ રૂ. 3,000ના ભાવે બાયબેક કર્યું હતું. અગાઉ 2018 માં TCS એ રૂ. 16,000 કરોડનું બાયબેક કર્યું હતું. જેમાં રૂ. 2,100 પ્રતિ ઇક્વિટી શેર બાયબેક કરવામાં આવ્યો હતો. કંપનીએ 2017માં શેરધારકો પાસેથી શેર પણ પાછા ખરીદ્યા હતા. એ જ રીતે ઇન્ફોસિસ અને વિપ્રોએ પણ તેમના શેરધારકોને પરત કરવા માટે વધારાની રોકડ ખરીદી કરી છે.
શા માટે શેર બાયબેક કરાય છે?
સામાન્ય રીતે કંપની પાસે બેલેન્સ શીટમાં વધારાની રોકડ હોય છે તેથી તેઓ શેર પાછા ખરીદે છે. કંપની તેની વધારાની રોકડનો ઉપયોગ શેર બાયબેક માટે કરે છે. કેટલીકવાર કંપનીને લાગે છે કે તેના શેરની કિંમત ઓછી છે તેથી તે બાયબેક દ્વારા તેને વધારવાનો પ્રયાસ કરે છે. કંપનીના બોર્ડે શેર બાયબેક કરવાની ઓફરને મંજૂરી આપી છે. એકવાર મંજૂર થયા પછી કંપની ઇવેન્ટમાં રેકોર્ડ તારીખ અને બાયબેક તારીખની જાહેરાત કરે છે. રેકોર્ડ તારીખ એ તારીખ છે કે જેના પર રોકાણકારો તે કંપનીના શેર ધરાવે છે અને તેઓ તે કંપનીના બાયબેકમાં ભાગ લઈ શકે છે.
આ પણ વાંચો : આધાર 2.0 પર ખૂબ જ ઝડપથી ચાલી રહ્યું છે કામ, જરૂરીયાત મુજબ મળશે આંશિક ચકાસણીની સુવિધા
આ પણ વાંચો : વિશ્વ બેંકનુ અનુમાન ગ્લોબલ ઈકોનોમીમાં વધશે મંદી, ભારતનો ગ્રોથ રહેશે આટલો