Opening Bell : તેજી સાથે સાપ્તાહિક કારોબારની શરૂઆત, Sensex અને Nifty 1 ટકા વધારા સાથે ખુલ્યા

Share Market : મજબૂત વૈશ્વિક સંકેત સાથે ભારતીય શેરબજારમાં કારોબારની શરૂઆત(Opening Bell) તેજી સાથે થઇ છે.  આજે સેન્સેક્સ 623.09 અંક અથવા 1.14% વધારા સાથે 55,507.75 ઉપર ખુલ્યો છે તો નિફટીએ 16,527.90 ઉપર કારોબારની શરૂઆત કરી છે. નિફટી આજે 175.45 પોઇન્ટ મુજબ 1.07% ઉપર ખુલ્યો છે. ગત સપ્તાહ દરમિયાન શેરબજારમાં અસ્થિરતા જોવા મળી હતી. શુક્રવારે ઈન્ડેક્સ 54885ના સ્તરે બંધ થયો હતો જે સપ્તાહનું ઉચ્ચ સ્તર હતું. સપ્તાહ દરમિયાન બજારમાં પ્રથમ 3 દિવસ ઘટાડો જોવા મળ્યો હતો જયારે ત્યારબાદના 2 દિવસ સુધી રિકવરી જોવા મળી હતી.

વૈશ્વિક બજારો તરફથી મજબૂત સંકેત

વૈશ્વિક બજારોમાંથી મજબૂતીના સંકેત મળી રહ્યા છે. છેલ્લા ટ્રેડિંગ સપ્તાહની વાત કરીએ તો યુએસ માર્કેટમાં જોરદાર તેજી જોવા મળી હતી. લોંગ વીકએન્ડ પહેલા છઠ્ઠા દિવસે યુએસ માર્કેટમાં ઉછાળો જોવા મળ્યો હતો. ડાઓ 575 પોઈન્ટના ઉછાળા સાથે દિવસના ઉચ્ચ સ્તરે બંધ રહ્યો હતો. તે જ સમયે નાસ્ડેક પણ 3.5 ટકાના ઉછાળા સાથે બંધ થયો છે. 10-વર્ષના બોન્ડની યીલ્ડ ઘટીને 2.75 ટકાની નજીક પહોંચી ગઈ છે. યુએસ માર્કેટમાં તમામ આઈટી શેરોમાં ખરીદી જોવા મળી હતી. 8 અઠવાડિયાના ઘટાડાના ટ્રેન્ડ પર પણ બ્રેક લાગી છે.  અમેરિકન બજારો આજે બંધ રહેશે. યુરોપિયન બજારોમાં 0.5 ટકાનો ઉછાળો જોવા મળ્યો છે અને જો એશિયન બજારની વાત કરીએ તો અહીં પણ ખરીદી જોવા મળી રહી છે. SGX નિફ્ટી 100 થી વધુ પોઈન્ટ્સ ઉપર છે અને આ ઈન્ડેક્સ લીલા નિશાન સાથે ટ્રેડ થઈ રહ્યો છે.

આ સપ્તાહની મહત્વની બાબતો

• યુએસ મે જોબ્સ રિપોર્ટ જાહેર થશે
• યુઝર્સ  ડેટા અને  ઓટો વેચાણના આંકડા આવશે
• યુરોપના  મોંઘવારીના આંકડા આપવામાં આવશે
• ઓપેકની બેઠક મળશે

ગત સપ્તાહે અમેરિકાના બજારોની સ્થિતિ

• ડાઓ 6.2%
• S&P 500 6.5%
• નાસ્ડેક 6.8%

કોમોડિટી  અપડેટ્સ

• ક્રૂડ ઓઇલ 3 મહિનાની ટોચે અને બ્રેન્ટ 120 ડોલર પર પહોંચ્યો
• ગયા અઠવાડિયે તેલ 6.2% ઉછળ્યું, સતત પાંચમો સાપ્તાહિક વધારો હતો
• સોનું 1850 ડોલર ની નજીક સ્થિર તો  ડૉલર દબાણ હેઠળ
• બેઝ મેટલ્સમાં વધારો થયો
• ઝીંક અને નિકલ 5 સપ્તાહની ઊંચી સપાટીએ પહોંચ્યા
• જૂનથી ચીનના ઘણા વિસ્તારોમાંથી કોવિડ પ્રતિબંધો હટાવવામાં આવે તેવી શક્યતા

સેન્સેક્સની TOP-10માં સાત કંપનીઓના માર્કેટ કેપમાં 1.16 લાખ કરોડનો વધારો થયો

સેન્સેક્સની ટોચની 10 કંપનીઓમાંથી સાત કંપનીઓનું માર્કેટ કેપ ગયા સપ્તાહે રૂ. 1,16,048 કરોડ વધી ગયું હતું. HDFC બેંકને સૌથી વધુ ફાયદો થયો હતો. ગયા સપ્તાહે હિન્દુસ્તાન યુનિલિવર, ICICI બેંક, HDFC, સ્ટેટ બેંક ઓફ ઇન્ડિયા (SBI) અને કોટક મહિન્દ્રા બેંકના માર્કેટ કેપમાં વધારો થયો હતો. બીજી તરફ રિલાયન્સ ઈન્ડસ્ટ્રીઝ, ટાટા કન્સલ્ટન્સી સર્વિસિસ (TCS) અને લાઈફ ઈન્સ્યોરન્સ કોર્પોરેશન (LIC)નું માર્કેટ વેલ્યુએશન ઘટ્યું હતું. HDFC બેન્કનું માર્કેટ કેપ રિપોર્ટિંગ સપ્તાહમાં રૂ. 39,358.5 કરોડ વધીને 7,72,514.65 થયું હતું. કરોડ રૂ. કોટક મહિન્દ્રા બેંકનું માર્કેટ કેપિટલાઇઝેશન રૂ. 23,230.8 કરોડ વધીને રૂ. 3,86,264.80 કરોડ અને HDFCનું માર્કેટકેપ રૂ. 23,141.7 કરોડ વધીને રૂ. 4,22,654.38 કરોડ થયું છે. ICICI બેન્કનું માર્કેટ કેપ રૂ. 21,047.06 કરોડ વધીને રૂ. 5,14,298.92 કરોડ અને સ્ટેટ બેન્ક ઓફ ઇન્ડિયા (SBI માર્કેટ કેપ) રૂ. 5,801 કરોડ વધીને રૂ. 4,18,564.28 કરોડ થયું હતું. ઈન્ફોસિસે સપ્તાહ દરમિયાન તેના મૂડીકરણમાં રૂ. 2,341.24 કરોડનો ઉમેરો કર્યો હતો અને તેનું મૂલ્યાંકન રૂ. 6,14,644.50 કરોડ થયું હતું. હિન્દુસ્તાન યુનિલિવરનું મૂલ્યાંકન રૂ. 1,127.8 કરોડ વધીને રૂ. 5,47,525.25 કરોડ થયું છે.