Joyalukkas IPO : આ ભારતીય જ્વેલરી કંપનીએ IPO લાવવાનો વિચાર માંડી વાળ્યો, 2300 કરોડ એકત્ર કરવાની યોજના હતી
Joyalukkas IPO : સોનું ભારતમાં લોકોની પરંપરાગત પસંદગી રહી છે. અહીં લોકો માત્ર આભૂષણના રૂપમાં જ નહીં પણ રોકાણના રૂપમાં પણ સોનું ખરીદે છે. આ કારણોસર, ભારતમાં લોકો પાસે વિશ્વનો સૌથી મોટો સોનાનો ભંડાર છે.
Joyalukkas IPO : ભારતીય જ્વેલરી કંપની Joyalukkas India Ltdએ તેનો પ્રસ્તાવિત IPO લાવવાનો વિચાર હાલ પૂરતો માંડી વાળ્યો છે. કંપનીએ શેરબજારમાંથી પબ્લિક ઈસ્યુ દ્વારા ભંડોળ એકત્ર કરવા માટે ગયા વર્ષે સેબીમાં ડ્રાફ્ટ પેપર (DRHP) ફાઈલ કર્યું હતું. જોકે, હવે કંપનીએ પેપર પાછું ખેંચી લીધું છે. રોઇટર્સના એક અહેવાલ અનુસાર જોયાલુક્કાસ ઇન્ડિયા લિમિટેડે IPO પાછો ખેંચવાનો નિર્ણય કર્યો છે. કંપની પ્રસ્તાવિત IPO દ્વારા રૂપિયા 2,300 કરોડ એકત્ર કરવાની હતી. રોયટર્સે બજાર નિયામક સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયાની વેબસાઈટને ટાંકીને આ સમાચાર આપ્યા છે. કંપનીએ ગયા વર્ષે સેબીમાં IPOનો DRHP ફાઇલ કર્યો હતો.
જ્વેલરી કંપનીએ માર્ચ 2022માં ડ્રાફ્ટ પેપરમાં જણાવ્યું હતું કે તે IPOમાંથી મળેલી રકમનો ઉપયોગ કેટલીક લોન ચૂકવવા અને નવા સ્ટોર ખોલવા માટે કરવાની યોજના ધરાવે છે. કંપનીએ આઈપીઓ માટે એડલવાઈસ ફાઈનાન્સિયલ સર્વિસીસ લિમિટેડ, હૈટોંગ સિક્યોરિટીઝ ઈન્ડિયા પ્રાઈવેટ લિમિટેડ, મોતીલાલ ઓસ્વાલ ઈન્વેસ્ટમેન્ટ એડવાઈઝર્સ લિમિટેડ અને એસબીઆઈ કેનિટલ માર્કેટ્સ લિમિટેડને લીડ મેનેજર બનાવવામાં આવ્યા હતા.
કેરળ સ્થિત આ જ્વેલરી કંપનીએ સૌપ્રથમ વર્ષ 2018માં પણ IPOની યોજના આગળ ધપાવી હતી. જોકે, કેટલાક કારણોસર IPO આવી શક્યો ન હતો. આ પછી કંપનીએ ગયા વર્ષે નવો IPO ડ્રાફ્ટ ફાઇલ કર્યો હતો. જોકે ગત વર્ષ શેરબજાર અને IPO માર્કેટ માટે સારું રહ્યું ન હતું. શેરબજારમાં સતત ઘટાડાનો સામનો કરવો પડ્યો હતો અને તાજેતરમાં લિસ્ટેડ થયેલા ઘણા શેરોને ભારે નુકસાનનો સામનો કરવો પડ્યો હતો. ખાસ કરીને નવા જમાનાની ટેક કંપનીઓના શેરના કારણે રોકાણકારોને ભારે નુકસાન થયું છે. આ કારણોસર ઘણી કંપનીઓએ તેમના પ્રસ્તાવિત IPOને મુલતવી રાખ્યો હતો.
સોનું ભારતમાં લોકોની પરંપરાગત પસંદગી રહી છે. અહીં લોકો માત્ર આભૂષણના રૂપમાં જ નહીં પણ રોકાણના રૂપમાં પણ સોનું ખરીદે છે. આ કારણોસર, ભારતમાં લોકો પાસે વિશ્વનો સૌથી મોટો સોનાનો ભંડાર છે. જોયલુક્કાસ કંપની તે એવા બજારોમાં કામ કરે છે જ્યાં ટાટા ગ્રૂપના તનિષ્ક અને વોરબર્ગ પિંકસ એલએલસી વગેરે દ્વારા સમર્થિત નાના સુવર્ણકારો અને કલ્યાણ જ્વેલર્સનું વર્ચસ્વ છે.
ટાટા ગ્રુપ આપશે કમાણીની તક
ટાટા ગ્રૂપની Financial Services Company ટાટા કેપિટલ 2025માં IPO લાવવાની તૈયારી કરી રહી છે. તે પહેલા કંપની તેની સહયોગી કંપનીઓને એકીકૃત કરવામાં વ્યસ્ત છે. તે ટાટા કેપિટલ ગ્રુપની ત્રણ કંપનીઓની હોલ્ડિંગ કંપની છે. ટાટા કેપિટલ ફાઇનાન્સેલ સર્વિસિસ, ટાટા કેપિટલ હાઉસિંગ ફાઇનાન્સ અને ટાટા ક્લીનટેક કેપિટલનો સમાવેશ થાય છે.