FPI Investment : વિદેશી રોકાણકારોએ પહેલા પખવાડિયામાં 19000 કરોડની ખરીદી કરી, શેરબજારની તેજીમાં અહમ ભૂમિકા

ભારતીય શેરબજારમાં ચાલી રહેલી તેજી પાછળ વિદેશી રોકાણકારોની ખરીદીનો મોટો હાથ છે. આ મહિને બે અઠવાડિયાથી ઓછા સમયમાં ફોરેન પોર્ટફોલિયો ઈન્વેસ્ટર્સએ રૂપિયા 19,000 કરોડની ખરીદી કરી છે. વિદેશી રોકાણકારોની આ ખરીદી ભારતમાં બીજા ક્વાર્ટરના સારા પરિણામો અને રૂપિયામાં મજબૂતી વચ્ચે આવી છે. નવેમ્બરમાં અત્યાર સુધીમાં સેન્સેક્સમાં લગભગ 1,050 પોઈન્ટ્સ અને નિફ્ટી50માં 350 પોઈન્ટ્સનો વધારો થયો છે. ભારતીય શેરબજારો ફરી એકવાર વિદેશી રોકાણકારોની પસંદગી બની ગયા છે.આ સામે સ્થાનિક રોકાણકારોએ વેચાણ કર્યું હતું. સ્થાનિક શેરબજારમાં FPIની ખરીદીનો ટ્રેન્ડ ચાલુ રહેવાની ધારણા છે.

ભારતીય બજારમાં વિદેશી રોકાણકારોને વિશ્વાસ

NSDL ડેટા અનુસાર FPIs એ નવેમ્બર 1 થી 11 નવેમ્બર વચ્ચે ભારતીય ઇક્વિટી માર્કેટમાં રૂ. 18,979 કરોડનું રોકાણ કર્યું હતું જ્યારે તેઓ અનુક્રમે રૂ. 2,784 કરોડ અને રૂ. 90 કરોડના આઉટફ્લો સાથે ડેટ અને હાઇબ્રિડ માર્કેટમાં વેચાણકર્તા હતા. FPIsએ નવેમ્બરમાં અત્યાર સુધીમાં ડેટમાં ₹65 કરોડની ખરીદી કરી છે. વર્તમાન મહિનામાં 11 નવેમ્બર સુધી, ઇક્વિટી માર્કેટમાં શાનદાર ખરીદીને કારણે ભારતીય બજારમાં FPIsની કુલ ખરીદી લગભગ રૂ. 16,169 કરોડ હતી.

આર્થિક મોરચે  યુએસ ફેડના વ્યાજ દરો, ક્રૂડ ઓઈલના ભાવમાં વધઘટ, યુએસ બોન્ડ યીલ્ડમાં અસ્થિરતા અને ડોલર ઈન્ડેક્સમાં નબળાઈને કારણે વિદેશી રોકાણકારોનું રોકાણ વધ્યું છે. તે જ સમયે, સ્થાનિક મોરચે, મોંઘવારી પર આરબીઆઈના સતત પ્રયાસો, મજબૂત ટેક્સ વસૂલાત, સ્થાનિક વપરાશના પ્રી-કોવિડ સ્તરે વળતરને કારણે, ભારતીય બજારો અન્ય ઉભરતા બજારો કરતાં વધુ ઝડપથી ઉભરી આવ્યા છે.

શું FPI ખરીદી ચાલુ રહેશે?

જિયોજીત ફાઈનાન્શિયલના ચીફ ઈન્વેસ્ટમેન્ટ સ્ટ્રેટેજિસ્ટ વિજયકુમારે જણાવ્યું હતું કે, “એફપીઆઈના અંદાજમાં સ્પષ્ટ પરિવર્તન આવ્યું છે કારણ કે ડૉલર અને યુએસ બોન્ડની ઉપજ વધી રહી હતી ત્યારે પણ તેઓએ ખરીદી ચાલુ રાખી હતી. હવે સ્થિતિ વધુ સાનુકૂળ બની છે કારણ કે યુએસમાં ફુગાવો નરમ થવાનો ટ્રેન્ડ દેખાઈ રહ્યો છે, તેથી ડોલર અને યુએસ બોન્ડ યીલ્ડમાં ઘટાડો થયો છે.તેમણે કહ્યું કે આ દર્શાવે છે કે FPIs આગામી દિવસોમાં વધુ ખરીદી કરી શકે છે. આ સિવાય ભારતના આર્થિક આંકડા અને વિકાસ દર અન્ય અર્થવ્યવસ્થાઓ કરતા સારા છે.