તમારી પાસે પણ સંવર્ધન મધરસનના શેર હોય તો ખુશ થઇ જાવ, શેરમાં આવી શકે છે બમ્પર ઉછાળો
ઓટો કમ્પોનન્ટ અગ્રણી સંવર્ધન મધરસન ઇન્ટરનેશનલ લિમિટેડે સોમવારે જણાવ્યું હતું કે તે ઇઝરાયેલની REE ઓટોમોટિવ લિમિટેડમાં 15 મિલિયન યુએસ ડોલર સુધીનો 11 ટકા હિસ્સો હસ્તગત કરશે.
સંવર્ધન મધરસન ઇન્ટરનેશનલ લિમિટેડ (SMIL) અને BIEL Crystal (Singapore) Pte Ltd વચ્ચે કરારની જાહેરાત કરવામાં આવી છે. આ કરાર હેઠળ મધરસન ગ્રુપ ભારતમાં એપલની સપ્લાય ચેઇનમાં જોડાશે. આ કરાર વિશે કેટલીક વધુ માહિતી જાણીએ..
આ કરાર હેઠળ, મધરસન ગ્રૂપની પેટાકંપની સંવર્ધન મધરસન ઈનોવેટિવ સોલ્યુશન્સ લિમિટેડ (SMISL) BIEL ક્રિસ્ટલના સહયોગથી મધરસન ઈલેક્ટ્રોનિક કમ્પોનન્ટ્સ પ્રાઈવેટ લિમિટેડ (MECPL)માં રોકાણ કરશે.
આ વ્યૂહાત્મક પગલાનો ઉદ્દેશ્ય ઓટોમોટિવ પાર્ટની ઉપરાંત, મધરસનના મેન્યુફેક્ચરિંગ ફૂટપ્રિન્ટમાં વિવિધતા લાવવાનો છે. આ પગલાથી એપલની ચીની ઉત્પાદકો પર નિર્ભરતા ઘટાડશે.
મધરસન ગ્રુપ તમિલનાડુમાં મેન્યુફેક્ચરિંગ ફેસિલિટી સ્થાપશે. તેના પર લગભગ 2,000-2,500 કરોડ રૂપિયાનું રોકાણ કરવામાં આવશે. BIEL Crystal એ સ્માર્ટફોન માટે કાચના વિશ્વના સૌથી મોટા ઉત્પાદકોમાંનું એક છે.
ઓટો કમ્પોનન્ટ અગ્રણી સંવર્ધન મધરસન ઇન્ટરનેશનલ લિમિટેડે સોમવારે જણાવ્યું હતું કે તે ઇઝરાયેલની REE ઓટોમોટિવ લિમિટેડમાં 15 મિલિયન યુએસ ડોલર સુધીનો 11 ટકા હિસ્સો હસ્તગત કરશે. સંવર્ધન મધરસન ઇન્ટરનેશનલ લિમિટેડ (SAMIL) તેની સંપૂર્ણ માલિકીની પેટાકંપની MSSL કોન્સોલિડેટેડ Inc. દ્વારા REE ઓટોમોટિવ લિમિટેડના 36,39,010 વર્ગ A સામાન્ય શેર માટે સબ્સ્ક્રાઇબ કરશે.આજે શેર 4 ટકાથી વધુના વધારા સાથે 204 રૂપિયા પર બંધ થયો હતો.
