સબકા સપના મની મની: જે રોકાણકારોએ આ ફંડની સ્થાપના સમયે 10 લાખ રૂપિયાનું રોકાણ કર્યું તે બન્યા 5.5 કરોડ રૂપિયા
ICICI પ્રુડેન્શિયલ મલ્ટી-એસેટ ફંડ એ મલ્ટી-એસેટ કેટેગરીના સૌથી જૂના ફંડ્સમાંનું એક છે. ફંડનો 21 વર્ષનો ટ્રેક રેકોર્ડ છે. આ ફંડે લોન્ગ ટર્મ ઈન્વેસ્ટરને સારું રિટર્ન આપ્યું છે. જો તેની સ્થાપના સમયે કોઈએ 10 લાખ રૂપિયાનું રોકાણ કર્યું હોય તો તે રકમ આજના દિવસે 5.5 કરોડ રૂપિયા થઈ છે.
ગયા અઠવાડિયે શેરબજારમાં મંદી જોવા મળી હતી અને રોકાણકારોને અંદાજે 22 લાખ કરોડ રૂપિયાનું નુકસાન થયું હતું. ત્યારબાદ ગયા શુક્રવારે સેન્સેક્સ 634 પોઈન્ટના વધારા સાથે બંધ થયો હતો. શેરબજારમાં થયેલા ઘટાડાને કારણે રોકાણકારોના પોર્ટફોલિયોમાં અસ્થિરતા જોવા મળી છે. તેના કારણે રોકાણકારોએ પ્રોફિટ બુકિંગ કર્યું. જો તમે પણ આ પ્રકારના જોખમથી બચવા માંગતા હોય તો તમારા માટે કામના સમાચાર છે.
મ્યુચ્યુઅલ ફંડની મલ્ટી-એસેટ કેટેગરી
મ્યુચ્યુઅલ ફંડ ડિસ્ટ્રિબ્યુટર આશા અંકિત ગંગર કહે છે કે, લોકો ત્યારે જ શેરબજારમાંથી રૂપિયા કમાઈ શકે છે જ્યારે રિસ્ક નિયંત્રણમાં હોય. રિસ્કને કંટ્રોલ કરવા માટે એસેટ ક્લાસમાં વિવિધતા લાવવી જરૂરી છે. મ્યુચ્યુઅલ ફંડની મલ્ટી-એસેટ કેટેગરી હોવી એ વૈવિધ્યકરણનો એક સરળ રસ્તો છે. એક જ ટોપલીમાં બધા ઈંડાં રાખવાં ઘાતક બની શકે છે. હાલમાં પણ પરિસ્થિતિમાં આવી જ બની છે.
લોન્ગ ટર્મ ઈન્વેસ્ટરને સારું રિટર્ન આપ્યું
તેમના મતે ICICI પ્રુડેન્શિયલ મલ્ટી-એસેટ ફંડ એ મલ્ટી-એસેટ કેટેગરીના સૌથી જૂના ફંડ્સમાંનું એક છે. ફંડનો 21 વર્ષનો ટ્રેક રેકોર્ડ છે. આ ફંડે લોન્ગ ટર્મ ઈન્વેસ્ટરને સારું રિટર્ન આપ્યું છે. જો તેની સ્થાપના સમયે કોઈએ 10 લાખ રૂપિયાનું રોકાણ કર્યું હોય તો તે રકમ આજના દિવસે 5.5 કરોડ રૂપિયા થઈ છે.
નાણાનું યોગ્ય પ્રમાણમાં રોકાણ
આશા ગંગરના જણાવ્યા અનુસાર, મલ્ટી એસેટ એક એવરગ્રીન વ્યૂહરચના છે. નામ પ્રમાણે મલ્ટી એસેટ ઇન્વેસ્ટમેન્ટનો અર્થ છે કે ડેટ, ઇક્વિટી, ગોલ્ડ અને રિયલ એસ્ટેટ જેવા વિવિધ એસેટ ક્લાસ સાથે જોડાયેલા સાધનોમાં તમારા નાણાનું યોગ્ય પ્રમાણમાં રોકાણ થયેલું છે. તે માત્ર રિસ્કને ઘટાડતું નથી આ સાથે જ તે બહુવિધ એસેટ ક્લાસનો લાભ પણ આપે છે.
આ પણ વાંચો : સબકા સપના મની મની: મ્યુચ્યુઅલ ફંડની નવી સ્કીમમાં તમે 1000 રૂપિયાથી શરૂ કરી શકો છો રોકાણ, જાણો તમામ વિગતો
તમામ એસેટ ક્લાસના પોતાના માર્કેટ સાયકલ, રિસ્ક-ટુ-રિવોર્ડ રેશિયો અને વેલ્યુએશન ડાયનેમિક્સ હોય છે. જો આપણે ઉદાહરણ જોઈએ તો, જ્યારે ઇક્વિટી પર્ફોર્મ કરતી નથી, ત્યારે દેવું અને સોના જેવી અસ્કયામતો સ્થિરતા અને ફુગાવા સામે મજબૂત બચાવ પ્રદાન કરી શકે છે. બીજી તરફ દેવું અને સોનું દબાણ હેઠળ હોય છે, ત્યારે ઇક્વિટીમાં રોકાણ કોઈપણ અપેક્ષિત નુકસાનને સરભર કરી શકે છે.
(નોંધ: મ્યુચ્યુઅલ ફંડમાં રોકાણ બજારના જોખમોને આધીન છે. રોકાણ કરતા પહેલા નિષ્ણાંતની સલાહ લો.)
