Stock Market: રોકાણકારો માટે ખાસ! વર્ષ 2026 માં આટલા દિવસ શેરબજાર બંધ રહેશે, NSE એ કેલેન્ડર બહાર પાડ્યું

નેશનલ સ્ટોક એક્સચેન્જે (NSE) એ 2026 માટે તેનું ટ્રેડિંગ હોલિડે કેલેન્ડર બહાર પાડ્યું છે, જે મુજબ ભારતીય શેરબજાર આવતા વર્ષે કુલ 15 દિવસ બંધ રહેશે.

આ રજાઓમાં પ્રજાસત્તાક દિવસ, સ્વતંત્રતા દિવસ અને ગાંધી જયંતિ જેવા નેશનલ કાર્યક્રમો તેમજ દિવાળી, હોળી અને ઈદ જેવા મુખ્ય તહેવારોનો સમાવેશ થાય છે. રસપ્રદ વાત એ છે કે, આમાંથી પાંચ રજાઓ શુક્રવારે આવે છે, જેના કારણે ટ્રેડર્સ અને રોકાણકારો લાંબા વીકેન્ડનો લાભ મેળવી શકે છે.

વધુમાં, રવિવાર, 1 ફેબ્રુઆરી, 2026 ના રોજ એક ખાસ ટ્રેડિંગ સત્ર યોજાઈ શકે છે, કેમ કે તે દિવસે નાણામંત્રી નિર્મલા સીતારમણ કેન્દ્રીય બજેટ રજૂ કરશે તેવી અપેક્ષા છે. પોલિસી એનાઉન્સમેન્ટ પર માર્કેટના પ્રતિભાવને સરળ બનાવવા માટે ‘બજેટ ડે ટ્રેડિંગ’ અગાઉના વીકેન્ડ પર થાય છે.

પરંપરાગત રીતે, બજેટના દિવસે બજારો ખુલ્લા રાખવામાં આવે છે, જેથી રોકાણકારો સરકારની નીતિ જાહેરાતો પર તાત્કાલિક પ્રતિક્રિયા આપી શકે. બજાર નિષ્ણાતો માને છે કે, બજેટ ડે ટ્રેડિંગ ઘણીવાર હાઇ વોલેટિલિટી લાવે છે. આથી, રોકાણકારો આ દિવસે મહત્વપૂર્ણ નિર્ણયો કાળજીપૂર્વક લે છે.